حجاية ياقوت💭مكتملة💭

💭الجزء 11💭

11-لي هازة فيديك قربات جداها منها كلسات حداها وهي تحل رزمة لي فيديها نعيمة:هادو ابنتي دهازي نهار خديت جدك خيطهم كلهم من لحرير لحر ومخدومين خدمة اليد مكانش شي حد خادم بحالهم وهادا خيط ريح وهادو لويزات طوانك وهدا لعقيق الحر هادو جبتهم ليك ابنتي باش تلبسيهم ايلزموك لبلاد لي انتي غادية ليها متنسايش الحاج وصاك كاع هاد لبس خاصك تخليه  ياقوت:لهلا يخطيك امي والله معرفت منين طلعات لي هاد الحريرة هادي لي مكنتش على البال ومزال لدابا مامتيقاش والله شدات ليها جظاها فيديها نعيمة:ان شاء الله يكون خير ابنتي انا عارفاك قدها واخا كيف كلتي هادشي مكيدخلش لعقل ولكن كلشي ممكن المهم هو نرجعو ختك تهلاي فيها ابنتي الله يفرحك راها امانة فعنقك ابنتي  ياقوت:الله يدير تاويل دالخير امي ناضت لالة نعيمة وخلات ياقوت غارقة فأفكار لي مقداتش تسيطر عليهم غير بنعاس لي مافقت منو حتى لوقت لعشا هبكات كلات معاهم غير شوية ورجعات لبيتها هي متكية وكاتشوف فالخاتم لي عطاها الحاج ورجعات كدكر فاش سهيلة جابت جرانة وسمعات لمعيور وسهيلة حلفات انو ماشي هي هنا عرفات صوت منين جاي بقات حايرة شنو نخبي ليها القدر والايام جايا. الغد ليه ياقوت خلات عاتق ديال الجمعية على شيماء حيتاش كتيق فيها من بعد مشات لحمام ومن بعد الحمام مشات لمقبارة تزور والديها وتقرا ليهم دعاء او بالاحرى تستمد منهم القوة للمهمة لي هي غادية ليها من بعد رجعات دازت عند مول تبن جابت تبن والفصة هي كتقدا وكضحك وصلات لدار حطات تقدية. نعيمة:بنتي لمن داكشي ياقوت:مي وقيلة مفخباركش راه خروفة معانا فدار وغدا شادين طريق خاصني لي نوكلها ونشربها اويلي ياويلي تلات بيك الايام اياقوت حتى وليتي دايرة شوهة ولا هوما ظايرين فيك شوهة نعيمة:اصبري ابنتي راه ختك هاديك راني جمعت ليك حوايجك15-جبل القزم ناسو قصار غيرنا حنا البشار وعاد كاين جبل الكحل هاد جبل ابنتي كان خضر وزاهي وزين ولكن منين دخلات ليه واحد سحارة يخليها سلعة مابقا ينوض لا زرع لا زريعة ناس فيه حايين بحال الى ميتين مابقات كسيبة مابقا بقر نابقا غنم لخضر ولا يابس الله يحفظ تكول جراد داز عليه ياقوت:هادشي كولو دارتو هاد سحارة ريحانة:اه ابنتي سحارة "رقوش"وشكون يعرفها حارو ناس وعياو مايديرو باش يسلمو من يدها ومزال ناس مساكن يتسناو فهاد ليد لي اتبطش شرها ولكن ابنتي قبل من هاد جبل لي ساكناه هاد شارفة لعقيسة كاينة مدينة لعجب سلطانها وحاكمها سلطان نعمان معروف بلطافتو وبدكاؤو وبدهاءو قاضي وحكيم وعدل بين ناس وهو لي كايترجاو ناس يخلصهم من سحارة رقوش  ياقوت:هادشي كنت كنسمعو غير فالحجايات اخالتي ريحانة ريحانة:ردي بالك ابنتي وبعينك عزلي وتخيري بين الخايب وزين حاحنا دابا وصلنا انا انوريك طريق ساهلة ماهلة باش توصلي لجبل لول وردي بالك ماتقطعي واد حتى يبان حجارو وماتمشي فليل حتى يطلع نهارو وماتصحبي صديق حتى تعرفي خبارو ياقوت:فهمتك اخالتي ريحانة الله يكبر بيك وصلاتها لالة ريحانة لواحد طريق محاوطها شجر من كل جيه ودعاتها وهي كداعة معاها. سهيلة:هاد المرة شحال فيها ديال الهضرة  ياقوت:يلالة انتي لي وصلتينا لهاد الماصل ولكن راه كالوها ناس زمان المزغوب حتى ليلة عرسو قصيرة هي هادي ديالي معاك سهيلة:ختي فيا جوع ياقوت:صبري شوية نوصلو لشي بلاصة نصب الخيمة ونعطيك تاكلي بقاو غادين مع ديك طريق غير شجر وطيور اشكال انواع تقول ماشي فالمغرب بدات شمس كتغرب وليل كايقرب ومزال مابان أترلا لبنادم لا حتى واحد عيات ياقوت وكلسات فرشات قدات الكيطون ديالها شافت فسهيلة ياقوت:شوفي انتي اديك لخروفة اتبقاي هنا بينما جبت لعواد باش نشعلو العافية راه