حجاية ياقوت💭مكتملة💭

💭الجزء 51💭

51-هزات ياقوت شمعة وفتحات الباب غير بالمهل وطلات براسها بان ليها بحال شي خيال ضرب دورة تبعاتو وهي كتعيط"شكون شكون تم"تبعاتو منين داز ولكن مالقات والو خرجات جيهت جردة لا يكون شي سراق ولا شيحاجة مالقات والو بقات شحال واقفة كتشوف يمين وشمال ."شنو كاين تما"دارت ياقوت وراها لقات سلطان وراها. ياقوت:سمحلي امولاي واقيلة فيقتك ولكن غير سلطان:غير شنو تكلمي ياقوت:بان لي بحال شي خيال كان حظا بابي وخرجت نشوف لا يكون شي سراق سلطان قرب عندها :القصر مكايدخل ليه لا سراق لا غدار الف حارس دايرين بالقصر معندك مناش تخافي ياقوت:سمحلي اسيدي مكايسحابليش قرب مولاي سلطان من ياقوت وساط على شمعة طفاها بقا غير ضو ديال لقمرة لي مضوي بقا سلطان شحال هو كايحقق فعينين ياقوت هز ايدو لشعرها وشد خصلاتو بين صباعو وهو سارح فملامح ياقوت. ياقوت:شنو كايدير مولاي سلطان. نعمان:كيسقي عويناتو فالي ملكات يمانو بعدات ياقوت خطوة لور ياقوت:انا ما ملك حد انا حرة حطات ليه شمعة فيدو وتخطاتو ومشات بقا سلطان مبسم. نعمان:اتكوني غادي تكوني كنواعد الالة ياقوت.مشات ياقوت كتجري لبيت سدات عليها بزربة. سهيلة:مالك ياك لباس شكون كان. ياقوت:حتى واحد غير شي خدامة يالاه خلينا نعسو رجعات ياقوت لبلاصتها ودارت لجيهة ليسرية وعطات لسهيلة بضهرها وبقات كتفكر فلي طرا هادي شوية كتحس بداتها كلها كترعد ماعرفاتش واش خوف ولا رعشة ولا شيحاجة اتحرك فيها عمرها تحركات لا هادشي من سابع المستحيلات غطات راسها وضرباتها بنعسة اما مولاي سلطان بقا واقف فبيتو شحال وكيفكر ويخمم شنو ايدير اول حاجة خاص يقرب ياقوت منو وديك ساع يعرف شكون هي ومنين جايا وشنو مهبية تحت راسها.فاقت ياقوت بكري كيف عادتها وجدات فطور سلطان خلاتو فصينية او وصات وحدة من الخادم منين يجي توصلو