حجاية ياقوت💭مكتملة💭

💭الجزء 42💭

42-وصلات ياقوت لقصر سلطان تفتح الباب ديالو وصلها العوين حتى لقلب دار غير دخلات علات عينها حادي حفلة ماشي اختبار الخدم غاديين جايين القاعة عامرة غير بالبنات لي شافهم يقول جايين لعرس ماشي لخدمة دخلات ياقوت بخطوات بطيئة جات واحد الخادم باينة فيها هي شافة تماك. مينة:لبنات كل واحدة توقف فصف واحد لالالة يامنة ام سلطان اتهبط وهي لي اتختار شكون لي اتكون فكوزينة وطيب لسي سلطان بداو البنات كايشدو الصف بقيت انا لخرة لبنات من وجهم شادهم الخلعة كل وحدة تقاد راسها من جيه تقول جايا تخطب فيهم. يامنة:مرحبا مرحبا بيكم اليوم بغيت كل وحدة تشمر على دراعها وتورينا حنة يديها امينة وا امينة. أمينة:نعام الالة يامنة:ديهم او وريهم شنو ايدرو وراه كولشي قدامهم وبغيت كلشي يكون حاضر وناضر وبالخف ولي يدها تقيلة ونفسها باردةمعندها مكان فهاد القصر داتنا امينة لواحد لوسعة باينة هادي الكوزينة لماعن كولشي غير من نحاس يبان فيه وجهك فرقاتنا لالة امينة وحطات لينا دقيق القمح وزرع قدامنا امينة:بغيت كولشي مايكون فيه لا عيب ولا لولة يلاه بداو لي تما كولشي تالف ومعارف مايدير انا خدامة وطالقة ودنية لبنات لي حدايا. البنت1-اويلي ياختي انا معارفة ماندير وانا كنت ناوية على سيد سلطان هو لي يكون حاضر ماشي شارفة ديال لالة يامنة البنت2-الهبيلة دابا يسمعك شي حد انا خدامة وميتة بضحك حتى وقفات علي واحد خيتي من دوك جوجات. البنت1:ههه خدامة من نيتك زعمة مجاياش تغري مولاي سلطان. شافت فيها ياقوت وسكتات. البنت1-دايرة فيها محزمة ومرزمة عند بالك راك زينة. البنت2-ههه قالوها ناس زمان كونما كانو حوايج العطار كونما فنسا ماتختار بظاو كاع البنات لي تم كايضحكو حطيت العجينة من ايدي وغطيتها غسلت يدي وشفت فيهم. ياقوت:ايوا راك ضربي لمعاني على راسك