حجاية ياقوت💭مكتملة💭

💭الجزء 12💭

12-ودابا انا كنوجد ليك شي شهيوات تديهم معاك طلعات ياقوت تشوف ماتزيد على دوك الحوايج جمعات كولشي لي غادي يخصها بطبيعة الحال من غير حوايجها لي مالفة كتلبس مادات منهم حتى قشة الخاتم فيديها ماحيداتوش جمعات واحد الخيمة صغير متنقلة دارتها فساكادو كولشي واجد هو هداك غدا مع5دصباح اتشد طريق لمدينة ورزازات هبطات لعندهم لتحت وحاولات تبدل من راسها تعطيهم وقت هاد ليلة بحب وضحك بحال الى أخر نهار ليها معاهم كلسو على طبلة فجو مضحك عمرهم كلسو فيه هوما على طبلة وسهيلة فاللارض حاطين ليه ربيع. نعيمة:بنتي تهلاي فراسك وفصحتك وفختك الله يرضي عليك وينصرك ياربي ياقوت:أمين امي امين لهلا يحاشمنا وصافي طاهر:متنيايش على لي وصاك الحاج ياقوت:جدي لا توصي ميت على غسالو كون هاني ياقوت كانت لابسة جلابة وصندالة هادشي لي كان يمكن ليها تلبسو هزات لبكاج ديالها دارتو فطوموبيل لي نوات غير توصل لمدينة ورزازات وتخليها تم فشي اجونص ركبات سهيلة لور وشدات طريق  سهيلة:ختي موسقينة ياقوت:نعسي وسكتي ولا قسمن بالله حتى نلقا ليك شي حولي نزوج ليه ونتهناو حنى من هادشي كامل مالنا مع هاد القرع نمشطو ليه راسو حنى سهيلة:صافي سكتينة ماتليتش انهضر انا انعس ياقوت:الى درتيها اتهني الوقت منك تكات سهيلة على ايديها ونعسات اما ياقوت موكضة مع طريق وطاس دالقهوة حداها كول شوية تشرب فيه صبح صباح وأخيراوصلات لورزازات عاصمة السينما عمرها زارتها ولا كانت ناوية تزورها ولكن لضرورة أحكام نزلات فواحد ستاصيون خدات كرواصة غسلات وجها رجعات لطوموبيل. سهيلة:ختي بغيت نقضي حاجتي ياقوت:حبسيها حتى نكونو فشي خلا ونهبطك سهيلة:وراه منقدرش نصبر حماقيتي والله حتى نديرها ليك هنا وانتي عارفة حاجة المعاز وخرفان كيدايرة ياقوت:ياىبي شنو درت فحياتي حتى تبليت بهاد البلوة