63-شحال عيا مع جيلالي او والو بحال الى كايخوي الما فرملة كان ساهي فبيتو حتى تدق الباب دخل الوزير ديالو أمين لي كان شاب فتلاتين من عمرو هو الايد اليمنى لنعمان وزير ديالو وصاحبو روح بروح . أمين:واش اتبقى هكا انعمان نعمان:مكرهتش نبقى بوحدي اأمين مابغيت نشوف حتى واحد أمين شحال ديال الناس كايتسناو فيك متنساش راك مسؤول على بلاد على قدها متكونش اناني وكتفكر غير فراسك على وحدة شفارة خنزر فيه نعمان حدر رلسو أمين وسكت دخل العوين عند سي سلطان العوين:سيدي واحد راجل بغا يشوفك كال اسمو جيلالي واش ندخلو نعمان:كولو مامساليش دخل جيلالي واخا مخلاه حتى واحد جيلالي:مولاي عندي منكوليك سلطان:دابا عاد بان ليك تجي تكولي ياكما جات شريكتك وتافقتو على شي تنوعيرة جديدة يارباعة شلاهبية واش عرفتي شنو سرقات ولا لا سرقات أعز مكنملك سرقات لغبار ديال حجرة خاتم سلطان لكبير لي توارتناه اجيال جات فغمضة عين وسرقاتو خرج علي برا مابغيت نشوف وجهك ولا قسما بالله ماغاديش طلع عليك شمس جا العوين يشدو يخرجو دفعو ومشا عند رجلين سلطان. جيلالي:سمعني امولاي انا عارف ياقوت دارت غلط كبير ولكن متحكمش عليها لضرورة أحكام انا انعاود ليك غير سمعني وعطيني فرصة نكوليك الحقيقة سلطان:شي كدبة خرى انت عارف فين كاينة ياقوت ياك جيلالي:اه انا عارف فين اتكون. سلطان:كولي فين هي وكنواعدك انطلعك من هاد القضية بحال شعرة من العجين فين هي ياقوت. جيلالي:ياقوت فجبل الكحل وقف نعمان هو وأمين كايشوفو فبعضياتهم مصدومين. نعمان:عاود شنو كلتي واش كتفلى جيلالي:لا اسيدي مكنتفلاش كلس جيلالي فوق الكرسي حيت عيا الخوف راكبو حيت ياقوت ولات بنسبة ليه بحال راضية بنتو حدر راسو وبدا كايعاود لسلطان .بنتي ياقوت من مدينة مراكش بخدمتها بعزها بكولشي ليها والديها توفاو
أنت تقرأ
حجاية ياقوت💭مكتملة💭
Lãng mạn💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
