حجاية ياقوت💭مكتملة💭

💭الجزء 50💭

50-لبنات فالقبيلة لي تغني ليك وتشطح ليك انا ماشي جارية عندك ولا عبدة بغات تخرج من الباب شدها سلطان من دراعها ودورها عندو. سلطان:شكون يحساب ليك راسك كاتكوني. ياقوت:انا مرة حرة غرة بنت القاع والباع وماتشوفنيش يتيمة وتقول جايل من جبل راه غير الايام لي لاحتني فهاد تلت الخالي ولكن راه كالوها ناس زمان سوايع بدالة والفلك كايدور ودابا طلق مني امولاي انا ياقوت ياقوت بالعمان ماشي بحال بنات لقبيلة ديرها فبالك وعرف كيفاش تفرق بين صالح وطالح نطرات ياقوت ايدها منو جرات قفطانها وخرجات خلاتو غير كايشوف دخلات لبيتها نيشان سدات عليها. ياقوت:لالا تبارك الله علي على تواخير زمان نولي نشطح ليك ونغني ليك ولينا حنى فعهد قريش. سهيلة:مالك كتهضري بوحدك ياك لاباس عاودات ليها ياقوت لي طرا سهيلة:ياكما اخاي يدير ليك شيحاجة. ياقوت:يدير لي شيحاجة ههه اش فشلك مايبلك والله وطلع لي جنية لراس حتى نهز حوايجي وبناقص بقات سهيلة كتشوف فيها ورخات ودنيها. سهيلة:انا سباب بغيت نطير ولكن شوفي اش كايطرا لي كل مالعبت المعزة فقرون جبل كتخلصو فدار الدباغ. ياقوت:ماتقوليش هكاك انا معاك راه غير تعصبت وصافي ماظيش علي ميمكنش نسمح فيك ختك راه رجولة هههه يلاه خليني نبدل علي باش نعسو .بدلات ياقوت حوايجها ياقوت:سهيلة نعستي. سهيلة:لا ياقوت:فخبارك توحذت ياختي سوسيط ديال با العربي مع الحرور والبصلة سهيلة:ناري فاش فكرتيني حتى انا توحشتو طابت لي معدتي بربيع والخبز ياقوت:وتوحشت بلاصتي وجدة وحوايجي بيجاماتي خاصني انمشي ونصبغ بيتي ونقادو كان داير بحال شي بيت مسكون. سهيلة:على سلامة منين عقتي بيه ياقوت:ششش سمعتي. سهيلة:ماسمعت والو ياقوت:شش قطعي الحس ماتحركيش من بلاصتك ناضت ياقوت حفيانة شعلات واحد شمعة كانت حداها. ياقوت:ماتحركيش انا جايا