حجاية ياقوت💭مكتملة💭

💭الجزء 86💭

86-نعيمة:ان شاء الله وصلاتهم امينة لبيت فين غادي يكونو طول سيمانة لي ايدوزوها تماك ياقوت حلفات حتى تلبس بيجامتها ومغاديش تلبس لباس لي كانت مالفاه فاش كانت هنا لبسات بيجامة فالموف ماقصيرة ماطويلة خدات كتاب وتكات فبلاصتها. نعيمة:بنتي مغاديش نخرجو نشوفو فاش نعاونوهم. ياقوت:مي هادا راه قصر سلطان حاكم هاد البلاد عندو الخدم والحشم ايتسناونا حنا حتى نجيو نعاونهم رتاحي امي من طريق وخليني نرتاح حتى انا عافاك. سهيلة:ياقوت اجي معايا ندورو فالقصر فاش كنت هنا ماضرتش فيه. ياقوت:الباب هو هداك ياك وطريق راك عارفاها واسيري الى بغيتي دوري اما انا غير خليني مامحركاش من هنا عطاتهم بضهر وغمضات عينيها وهي كتحسب سوايع باش ترجع فحالها وتسالي هاد المسرحية خلاص ياقوت مع طريق جبدات عليها بنعسة جات عندهم لالة أمينة توصلهم لقاعة فين ايكون العشا فيقو ياقوت عياو معاها مابغاتش حتى لواحد الوقت معطل باليل عادضرباتها لفيقة ناضت كتسكل حلات الباب مشات نيشان للكوزينة خدات شيحاجة لقاتها تم وخرجات بيها لجردة كلسات على واحد زعلولة كاتاكول وتشوف فسما. "ماخغتيش يضربك البرد"شافت ياقوت قدامها لقات سلطان. ياقوت:البرد هو لي خاصو يخاف مني لا انا نضربو متخافش علي امولاي رجعات كتشوف فسما وتاكول حتى حسات بشي تقل تقل زعلولة ضارت لقاتو كلس بجنبها . ياقوت:منصحكش تبقا كالس بزاف مغادي تحمل جوج ناس تقال بحالي وبحالك خاص واحد فينا يبقا ولاخور ينوض. نعمان:متخافيش الى طحتي انا معاك عمري نخليك طيحي ولا تأداي شافت فيه بتعجب او وقفات  ياقوت:نخليك اموباي ايشوفنا شي واحد من الخدم ويفهم لي بيناتنا غلط وانت داخل على زواج نعمان:وعلاه حنا بيناتنا شي حاجة باش يفهما غلط اياقوت. ياقوت:حسات بالبرودة وزسد اول مرة ينطق سميتها بلا رسميات وحسات بالغلط