38-فقصر عود ريحان مابحالو قصر بسواريه العالية ودالية دالعنب هابطة اما وسط الساحة كانت نافورة قدها قداش بالعلو طوس كيدور حداها ورد بالعمان والياسمين وزهر ريحتو معطرة المكان تمتال ديال سبع قداش فدخلة ديال الباب هادشي غير لي شافت ياقوت فدخلة ديال القصر لخدم غادين وحانين الراس منين حسات ياقوت انها قربات لعند الحاكم بدات تغوت وتركل باش تلفت الانتباه مولاي سلطان ليكان فصالة الاجتماعات ديالو مع الوزير ديالو والامين ديالو سمع صداع جاي من برة خلا الوزير لي كان كيهضر وهو أصلا معصب وخرج بزربة كايغوت. سلطان نعمان:اش هاد الصداع واش هاد الفوضة واش هادا سوق ولا كوري. العوين1:سمح لينا اسيدي ولكن هاد نص بلاصة منين جبناها مابغات ترجع حلقها لفمها ياقوت:ايوا ايوا على نص بلاصة راني لالاك انا وعرف كيفاش تهضر. نعمان:(مشافش جيهتها وحتى هي كذالك) دخلوها لبيت لوزير أمين نكمل المجمع وانا جاي ومانبغيش نسمع حس دبانة كتزنزن.رجع دخل وهي وعمي جيلالي دخلوهم لبيت لوزير وحبسوهم تما. ياقوت:هههه عمي كيجيتك جيلالي:سكتي ياهاد الخطية دابا يسمعوك ياقوت:ومالي انا شنو درت بسلامة مادرت والو شحال فهاد سلطان ديال بخ وتكبر تقول كايتمشى على الحرير جيلالي:لالا انتي باينة بغيتي تسيفطين لحبس مافيها شك بقينا مدة وحنا كنتسناو ياقوت غير غادية وجاية بدات دندن وتغني حتى تفتح الباب مع كان ظلام فالقاعة لي كالسين فيها كايبان غير ظل طويل نعمان:اتبارك الله تبارك الله عندي قاعة ديال الغنا انا هنا ومافخباريش شعل ضو فالقاعة وياقوت علات عينها فسلطان نعمان لي كون طويل بيض شعرو طويل شوية حجبانو معقودين وعينيه حادين كيف صقر ونظرة ديالو الحادة فمو المزموم كايبان بحال الخط ياقوت بقات ساكتة وكاتشوف فيه بغطرسة مشماتوش مشا جيلالي عندو كايجري بغا
أنت تقرأ
حجاية ياقوت💭مكتملة💭
Romansa💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
