49- وجدت راسي ولبست القفطان لي سيفطلي سلطان كان فالخضر وبلغة ديال صم كحلت عينيا ورشيت من ريحتي. سهيلة:لي شافك يقول غادية لعرس ختي ياكما يكون عاقو بيك وبغاو يدبحوك ياقوت:لا ايدبحوك انتي وليلة ايديروك زردة بالبرقوق والمشماش. سهيلة:الله يسمح ليك وخلاص. ياقوت:راه ماجات فين تكمل ياقوت كلمتها حتى تفتح البيت ودخل مولاي سلطان لي كان على وجهو فضور واحد شوفة فشكل دخل لبيت كايشوف كل قنت . نعمان:معامن كنتي كتهضري. ياقوت:مع حتى واحد امولاي علاه بان ليك شيحد معايا من غير نعجتي. نعمان:ولكن انا سمعت الهضرة هنا. ياقوت:غير انا ولفت نعاود لنعجتي اي حاجة بحال الى بنادم ولكن اسي سلطان لي معرفتش هو اش دخلك لبيتي وبلاما دق ومدرم معرفتيني كنبدل ولا والو هادا هو أداب دخول على ناس غراب سلطان:واقيلة هادي داري ياقوت:اه داركم اسي سلطان ولكن هدا بيتي نهار نخرج منو دير لي بغيتي فيه بقا سلطان كايشوف فيها وساكت. سلطان:صافي براكة علي من هاد لقرعةلي نمشطو ليه راسو وتبعيني خرج وتبعاتو ياقوت من لور وصلو لقاعة كبيرة فيها ترية قداش وسدادر واعرين كولشي مطروز الطوس الوسط . ياقوت:مولاي ماقلتيليش شنو مناسبة جايبني هنا ولي كنعرف انو انا مكلفة غير بفطورك وغداتك وعشاتك اما مكلت ضياف ماشي مولاتها.دار السلطان شاف فيها. سلطان:اليوم دورك مغاديش يكون طياب اليوم دورك هو تغني لمجمع لي عارض عليه وتمشي مع نغمات الموسيقى وترقصي علاش لا دارت ياقوت شافت فيه بعينين حادين. ياقوت:ياك قلتي هاد العبدة دليلة لي لسانها سليط كبر من طولها وخايبة وبغيتيها تغني لمجمع ديالك كيدرتي ليها يا مولاي سلطان. نعمان:خايبة وتنوس ولا غزالة وتهوس ياقوت:ايوا سمعني يامولاي سلطان انا خدمتي هنا نطيب ليك مكلتك اما الى بغيتي لي تنشط ليك المجمع راه عطا الله لبنات
أنت تقرأ
حجاية ياقوت💭مكتملة💭
Romans💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
