يا مرحبااا صباح الخير عسولات💙
البارت فيه احداث😋😋
لا تنسسوووننن الفوووتت و الكومنتززز لطفا حبايبي💙
في المطعم
دخلت اديم المطعم و سألت عن الطاولة المحجوزة باسم جبر أحمد آل فارس و قعدت على بال ما يصف جبر السيارة حطت عكازها جنبها دقائق على دخل آدم و انصدم انه شافها بس ما حب يحاكيها لاجل ما يرفع ضغطه و ضغطها و دق على جبر و اعطاه مشغول ناظر حوله و وقف الموظف:السلام عليكم رد الموظف:وعليكم السلام آدم:بسألك فيه حجز باسم جبر آل فارس هز الموظف راسه بإيه و اشر باصبعه للطاولة الي اديم قاعده فيها:هذيك هي آدم لف عليه وقال:تمزح؟ الموظف استغرب و عقد حواجبه:عفوًا لكن آدم مشى و خلاه راح عند الطاولة وجلس بالكرسي المقابل لاديم اديم ناظرت فيه و عيونها بتطلع من مكانها:انت وشجابك؟ آدم رد لها حركاتها و تجاهلها ناظرت فيه بِكره:تدري ما الوم جدي فيصل يوم طردك اكيد لوعت كبده آدم ناطرها بِحدة:لا تخليني اعلمك لوعت الكبد على اصولها اديم ناظرت نفس نظراته وقالت:و انت لا تخليني اعلمك معنى الأحترام كان آدم بيرد لانه وصل حده بالعصبية لكن جا جبر و هو يسلم على آدم:هلا بك ما بغيت تفضى و نشوفك آدم قام و سلم على جبر بكل مودة اديم ناظرت لهم الاثنين ولفت عنهم اخذت جوالها و كتبت للُدن:اخوك ما يستحي يعزمني و اثاريه عازم غيري لُدن ردت بعلامة استفهام اديم تأففت بِصوت واضح جبر وجه كلامه لها:وشبك عسى ما شر آدم رد عنها:شكل المكان موب عاجبها اديم ما عبرته و قالت:يلا نطلب تراني ميته جوع طلبو الأكل و قعدو يسولفون آدم وجبر و اديم على جوالها ابتسمت بِهدوء وهي ترسل لابوها:يبه ريانوه للمره المليون الي يغير سيارته ولا يسلم من جدي
رد عليها عبدالعزيز:ريان ما يرد علينا شوفي اذا يرد عليك طمنيني عليه ردت اديم:ابشر وناظرت لجبر:بقوم اكلم و ارجع هز راسه جبر بتمام قامت اديم اخذت عكازها و راحت لزاوية المطعم دقت على ريان دقت مرتين و ثنتين وثلاث دقت للمره الرابعة وهي يئِست من انه يرد عليها لكنه رد و كان صوته ذبلان و تعبان واجد:ريان بسم لله عليك وشفيك ريان رد عليها وهو مو متحمل نفسه:اديم ما فيني شيء بس متضايق من جدي و ابوي اديم تضايقت من ضيقته:يا روح اختك اذا على السيارة تفداك مية سيارة يا حبيبي ريان رد عليها بهدوء:اذا جيتي البيت بتعرفين كيف حال السيارة و كيف اني زعلت جدي و ابوي و امي باقي ما تدري بتنهار لو درت و ابوي بيمنعني من السيارات انتِ ما شفتي نبرة صوته ولا شفت عصبية جدي كأن السيارة أغلى مني! اديم ما عرفت تواسيه من الجوال:اسمعني هم يقولو كذا من خوفهم عليك والله لا تتضايق و انت تعرف جدي و ابوي اذا خافو على احد يضايقونه بالكلام و يحاولون يحسسونه بغلطه لاجل ما يكررها ريان تعب من النقاش ولا رد عليها ثواني و هي كملت كلامها :انا بمطعم.... مع جبر اذا هديت جب سيارتي و تعال مرني و نروح بيتنا اذا ما تبي نروح بيت جدي مو مشكلة اتفقنا اجابها:باتفقنا و سكر المكالمة اديم تنهدت و لفت ترجع لكرسيها:وجهك مقلوب اديم اديم ناظرت لجبر الي سألها:تدري بامور جدي و ريان هز جبر راسه جا طلبهم بعد ما قضو من اكلهم التفت آدم لجبر:كثر الله خيرك اجابه جبر بِابتسامة:خيرك سابق و لف على اديم:مشينا اديم ردت بهدوء:ريان بياخذني روح انت اجابها جبر:بتمام و ودع جبر آدم و خرج من المطعم لف آدم لاديم و شافها كيف مبتلشه مع العكاز الي قد لها شهر و نص عليه بس ما تعودت عليه:ساقك طابت يمديك تجين بكره و نشيل لك الجبس اديم ناظرت له و ابتسمت بِفرح:يعني الحين اقدر اروح لعذوبة ابتسم آدم من إبتسامتها:ايه تقدرين ضحكت وهي تبي بكرة يجي باسرع وقت قامت من اتصال ريان عليها :مع السلامة اشوفك بكرة ابتسم:استودعتك الله خرجت اديم و آدم كان مبسوط من ضحكتها:يا حظ ذا العذبة اذا مبسم القمر ابتسمت لها ، خرج من المطعم
