عيوني في هواكم شهود✨
لا تنسوننن الفوت و الكومنتززز لطفًا💙
استمتعو🔥🔥😋
لُدن كانت ترسم بِكل حُب و اريام تستعجلها بِحرارة
اريام وهي داخله غرفة لُدن:لُدن قومي الله يعطيني برودك صرتي كلك الوان شلون بتقابلينهم
لُدن وهي تكمل ترسم بِكل روقان:باقي على ما يجون المعازيم خمس ساعات وانا ما يبي لي شيء معليك وانا مشتاقة للالوان و حوستها
اريام وهي تقرب من لُدن بعبط:اقول ترا شفت لوحة عندك غريبة كذا و اختفت وينها؟
لُدن تركت الفرشة و لفت لاريام:وش تقصدين؟
اريام وهي ترفع حواجبها:والله انتِ الي وش مخبيه عني و بعدين هل حبيبة قلبك تدري والله هقوتي لا انا ولا اديم تدري!
لُدن وهي تقلب عيونها و تكمل رسمتها:مالكم دخل لا انتِ ولا اديم بالرسمة
اريام قامت وهي توقف ورا لُدن و تلعب بشعرها:بس انا اختك ولا رسمتيني و ترسمين غسان!
لُدن فزت من مكانها وهي تجحد:من غسان ذا؟ وبعدين لا يمر احد و يسمعك
اريام عقدت حواجبها:يعني صدق رسمتيه تستهبلين لُدن!
لُدن وهي تسحب اريام لخارج غرفتها:اليد يدي ترسم الي تبي اطلعي برا
سكرت الباب قبل ما تزيد اريام بالحكي و اخذت جوالها شافت غسان مرسلها
(بتكون لك مكافاة اذا نرفزتي شوق)
لُدن رفعت حواجبها ودقت عليه اول مارد قالت بِصوت ماكر:وليه تبي تنرفزها!
غسان بضحكة:لان عمتي مقفلة المطبخ عني منها
لُدن ابتسمت:وليش عمتك تقفله
غسان: لان سعود جا و سديم زوجته ولا يصير اقعد بالبيت صرت اغلب الوقت عند آدم و آدم توه مكلمني يقول لي البيت لا تدله
لُدن:يا عزتي لك بيتكم مقصر
غسان بِقهر:مو مقصر لكن ما ابي انظفه ابي انرفز شوق فيه وهي تتنرفز من الفوضى
لُدن بصراحة:شوق تستاهل النذالة لانها وقحة مع لؤلؤة و لولو حبيبي ما تقول لها شيءٍ لكن ابشر بي
غسان بفخر:يلوموني ياناس
لُدن توترت وقالت بتلعثم:يلا انا بقفل يا هلا
غسان بِهدوء:في امان الله
سكرت لُدن الخط وهي مبتسمة و قلبها يرفرف لان كل سفرتها بامريكا كان غسان قريب منها و يسولف معها اغلب وقته و يسأل عنها و صارت تحس بانه قربة جميل
قطع شردوها دخول جبر و سلامه لها:يا سلام لدنة البنات كلهم الحمدلله على السلامه
لُدن تركت الي بيدها و قامت تركض تضمه و هو بادلها:الله يسلمك يا جبر القلب
بعد عنها جبر:ايه وين الخيّالة نبارك لها؟
لُدن جاوبته وهي تناظر له بِشوق:ما ادري والله
هز راسه جبر و قعد يسولف معها و يسمع اخبارها و يشوف احدث رساماتها و بعد خروجه قامت لُدن تاخذ شاور و تتكشخ
لؤلؤة قامت من صراخ لينا عليها:لولو وحشتيني
قامت لؤلؤة مفزوعة من صراخ لينا لكن من شافتها ابتسمت و حضنتها:وحشتيني يا تيسه
ضحكت لينا وهي تشد على حضن لؤلؤة:والله انا اكثر يا لولي
بعدت لؤلؤة وهي تتنهد:ايه علميني اخبارك؟
لينا ببساطة:اي اخبار؟
لؤلؤة رفعت حواجبها:و معن؟ وش مسويه معه
لينا تنهدت بهدوء: تدرين لولي كنت خايفة اول زواجنا لاننا مجبورين على بعض لكن معن كان حنون معاي ولا يبي يغصبني على شيء او يضغطني على اي شيء يعني متخيلة انه ينام بالصالة بعد مو بالغرفة معاي عشان اخد راحتي و بعد ما قرب مني مدري اذا هو حس اني متوتره او من نفسه لكن مره سعيدة بتفهمه لي و انه ما يبي يضايقني
لؤلؤة ابتسمت لانها تعرف اخوها ما يحب يزعل احد:لينا معن يعزك حتى لو مغصوب مستحيل يضايقك بذا الشيء و يعايرك لانك زيه و مجبورة عليه
تنهدت لينا براحة:لكن تدرين بالفترة الي كنا فيها بإبطاليا احس عرفته اكثر من معرفتي له السابقة و حبيته من تعامله معي صدق معن يستاهل كل خير
لؤلؤة ضحكت وقالت بغرور:طبعا انا اخته
لينا شلت اللحاف من على لؤلؤة:اقول يا اخته قومي تجهزي بنروح لجدي سيف و قومي تعرفي على سديم زوجة سعود تهبل يا بنت مره عسوله
قامت لؤلؤة وهي متوجهة للحمام غسلت وجهها و بدلت ثيابها و حطت مسكرة خفيفة و مشطت حواجبها و عدلت شعرها و اخذت طرحتها معها حطت على راسها و خرجت من الغرفة على خروج غسان
غسان وهو يصفق بيده:لؤلؤ البحر كيفها؟
لؤلؤة ابتسمت:بخير كيفك يا الخفيف!
غسان ما فهم عليها وقال:وش خفته؟
لؤلؤة بنذالة:انت غسان الي ما تسوي كيكة حتى لجدتي لو طلبتك تسوي للُدن و عشان ترسمك ما خبرتك خفيف يا ولد العم
غسان:اقدح حتى انتِ دريتي
لؤلؤة هزت راسها بفخر:و ترا عيونك تفضحك اركد يا ولد العم لا تطيح طيحه قشرا
غسان بهيام:انا طحت من زمان يا لؤلؤ البحر ولا تمسكيني تكفين خليني اوصل للعمق
لؤلؤة ابتسمت:الله انا سعيدة وجدًا عشانك انت و لُدن
قرب غسان منها بجدية:ليه لُدن قالت لك شيء؟
لؤلؤة وهي ترفع حواجبها:وش بتقول لي هي تجحد لكن اصبر عليها قلبها لين
غسان ضحك وهو يدنن بالاغاني الي تعبر عن حالة الرومانسية الآن
