سلامممم قايززز💙
لا تنسونننن الفوت و الكومنتززز لطفا💙
كنت لك اطيب الاوادم وكنت لي جمرة فؤادي
فزت سُمية من صراخ شوق و قامت لها
شوق بِصراخ هز البيت:شيله غسان الحين تشيله
سُمية اقبلت عليهم وهي تقول:يالله صباح خير اشبكم
شوق لفت على سُمية:شوفي ولدك جايب نمر البيت
سُمية شافت سهم بين ايدين غسان و عقدت حواجبها:غسان يا يمه
قاطعها غسان وهو يبوس راس امه:صباح الخير
و لف لشوق:لا تشكين لامي تمام
و راح لجدته بالحديقة
هيفاء اول ما لمحت رحبت فيه لكن عقدت حواجبها من النمر:يا مرحبًا يا غسان وش جايب الله يصلحك
غسان ضحك وقعد مقابلها:يا مرحبا ومسهلا فيك يا حلوتي
و ناظر بسهم و كمل حكيه:اذا على سهم ترا مو لي لحفيدك آدم مو راح لفرسان خلى سهمه معاي
ضحكت هيفاء وقالت:هذا رفيق سهره
هز غسان راسه بإيه:واساسا مو مطول بس بجيب كم غرض واطلع لكن جبته معاي ما اقدر اخليه بالسيارة
هيفاء قالت:افطرت؟
غسان وقف وهو يقول:ايه يا حبيبتي يلا يا فمان الله
و لف يجيب اغراضه لحقته نورة وقالت:غسان
لف لها وقال:امريني؟
نورة لعبت باصابعها وقالت:آدم و لؤلؤة ما لك خبر عنهم اتصل على لؤلؤة ما ترد
غسان عقد حواجبه:لا والله لكن ترا اديم معاهم اذا تبين دقي عليها
نورة استغربت روحته اديم وقالت:والله وآدم معاهم؟
غسان ما تكلم و سكت
نورة قربت مسحت على ظهر سهم:ريحة آدم فيه
غسان ضحك وقال:تأمريني بشيء ثاني؟
نورة هزت راسها بالنفي و دخلت غرفتها تاخذ جوالها و تدق على اديم
ثواني وردت اديم
نورة:سلام عليكم صباح الخير كيفك اديم
اديم توترت:وعليكم السلام صباح النور بخير و انتِ شلونك خالتي؟
نورة اجابتها بِسرعة وقالت:الحمدلله لكن وين لؤلؤة و آدم مالهم طاري!
اديم لوت شفتها بتفكير وقالت:والله انا توني صاحيه ولا شفتهم
نورة قالت وهي مستحية منهم:لو سمحتي اديم ما عليك امر ابيك تشوفين لهم قلبي مو مرتاح
اديم ناظرت بالشباك و قالت:ولا يهمك خالتي بشوف لهم و ادق عليك
نورة قالت:يلا و علميني
اديم قطعت الاتصال و قامت وهي ترفع شعرها و راحت دورة المياه تغسل وجهها و تفرش اسنانها سريع و جففت وجهها و حطت واقعي شمس فقط و طلعت من كوخها متوجهة لكوخ آدم و لؤلؤة
و كان الكرسي الي ينام عليه آدم فاضي استغربت اديم وقربت من الباب تدفقه
و حطت يدينها ورا ظهرها تنتظرهم
طلعت لؤلؤة وهي مبتسمة:صباحووو
اديم بادلتها الابتسامة وقالت:صباحك عسل ،خالتي متصله عليّ تقول اطمنها عليكم
لؤلؤة فزت و ركضت لجوالها:اما امي دقت ما انتبهت لجوالي خليته يشحن ورحت اجفف شعري اكيد الحين بتقلق
اديم ناظرتها و دخلت تقعد جبنها:لا تخافين قلت لها اني بشوف لهم اتصلي عليها
لؤلؤة هزت راسها بايه و قامت لفت لاديم قالت:انا بطلع اكلمها عند البحر انتِ صحي آدم عشان ما نتاخر على الفطور
اديم توترت وقالت:لا
لؤلؤة من ردت امها تجاهلت اديم وخرجت
اديم صرخت وهي تنادي:لؤلؤة
لما شافت الوضع استسلمت للامر الواقع و راحت لغرفة آدم صارت تتلفت لين دخلت غرفته وهي متوتره ولا ودها تدخل قربت منه وهو كان نايم ولا حاس بالدنيا و كان كانه مرتاح بالنومه ولا هان عليها تقومه لكن ادركت انه ممكن الفطور يروح عليه ولا يفطر تنهدت بِخفة
و قربت له وهي تهمس:آدم ، آدم
و آدم بسابع نومه وهي مستمرة تناديه رفعت يدها وحركته بطرف اصابعه
وهي تناديه:قوم آدم قوم
آدم فتح عيونه من همساتها و دقها المستمر لكتفه
و ناظرها بِحُب وقال بابتسامة:تدرين اول مرة اشوف اديم الصبح و اقوم وانا مبتسم بعد
اديم وخرت عنه وقالت:صباح النور
ورد عليها وهو يبعثر شعره:صباح حُبي لمبسم القمرة
اديم ابتسمت وقالت:يلا قوم نفطر لان لؤلؤة ممكن تفجر فينا
آدم قام وهو يقرب من اديم و همس:ابيك بخدمه دام ايدي تعورني
اديم فزت بقلق وقالت:تعورك؟
آدم ابتسم على خوفها:لا تقلقين عليّ مو وجع المهم ابيك تحلقين لي لحقتي
اديم ناظرت فيه ورفعت كتوفها:ودي اخدمك لكن ما اعرف
آدم اخذ يدها وقال:انا بعلمك ولا يهمك
و اخدها قدام المرايا:اقعدي هنا بصلي الظهر و اجيب الاغراض واجي
اديم هزت راسها بتمام و راح آدم
اديم توترت اكثر وكانت ناويه تطلع من الغرفة لان تحس بالي تسويه غلط إلا آدم اقبل عليها و أعطاها المكينه بيدها وقال:يلا
اديم ناظرت بالمكينه وقالت:ما اعرف لها
آدم قعد على الكرسي المقابل للمرايا وسحب اديم جنبه
وقال:بعلمك
و بدا يعلمها وهي مرتجفة خايفة تجرحه او تحلق شيء بالغلط و كانت بس تساله كلشوي اذا هو راضي ولا لا ، بعد ما خلصت تنهدت تنهيدة قوية
وقالت:عجبك؟
آدم كان يناظر بوجهه و لف قالها:كيف تحلقين الجزئية ذي؟
اديم فزت وقالت:انت قلت لي و انا سالتك اذا تبيني اشيله!
آدم عقد حواجبه وقال:ما سمعتك تسأليني
اديم ناظرت فيه بِحدة خفيفة وقالت:آدم تستهبل معاي مو سألتك
آدم رجع ظهره لورا وقال:ما عادني برايح عند حلاق عندي حلاقه
اديم تنهدت وقالت:مو وقتك خوفتني احسب صدق ما عجبك و سويت شيء غلط
آدم عقد حواجبه:انتِ تسوين شيء ما يعجبني انتِ كلك عاجبتني
اديم اكدت كلامه وقالت بنرجسية:اتفق معاك ولا من متى الفارسة ما تسوي شيء زين
آدم ضحك وقال:واكثر شيءٍ اموت فيه فيك نرجسيتك الي ما تطلع إلا عليّ
اديم قالت:لانك السبشل بقلبي و على طاري الفروسية ترا عندي تدريب يوم السبت
يعني لازم ارجع قبلها بيوم و اليوم الخميس يعني لازم ارجع بكره
آدم هز راسه:اساسا حتى انا اجازتي خلصت و برضو برجع معاك
اديم رفعت حواجبها:ويدك؟
آدم همس لها:يدي وشفيها مافيها شيء
اديم قربت له و مسكته من تيشيرت:خليتني احلق لك ويدك بخير
آدم جاوبها بكل برود:ايه
اديم فكته وقالت:كنت ارجف بين يديك و انت ساكت و خايفه على يدك و اقول وشبها ليه تعوره ممكن نايم غلط شيء و انت همك اهتمام
و طلعت و خلته
آدم استغرب من انفعالية اديم الغير مبررة و غسل وجهه وقام بيحلقها إلا و يشوفها تسولف مع لؤلؤة ولا تناظر فيه
لؤلؤة همست لآدم:يلا
آدم مشى وهو وراهم و يبي بس نظره من اديم لكن متجاهله
اديم لاحظت انه لؤلؤة مو متفاجئة من عدم وجود الشاش على يد آدم
و همست لها:آدم يده بخير؟
لؤلؤة ردت بنفس همسها:ايه بخير من امس و الشاش مو بيده
اديم فكرت و تذكرت انها امس هي الي فكت له الشاش
و جت قعدت جنب لؤلؤة وهي تتجنب آدم و بس ترد على لؤلؤة
آدم ضحك و قال بصوت عالي:عاد فيه شخص اعرفه امس ميت علي واليوم ارسل له ولا يرد!
لؤلؤة رفعت عيونها له وقالت:منهو؟
آدم:صاحبي معاي بالمستشفى امس كان مو مخليني انام من كثر الرسايل و اليوم مو جبني
اديم ناظرت فيه وقالت:ممكن قلت له شيء غبنه ولا يبي يكلمك
آدم ناظر لعيونها:اخسي اغبنه
اديم توترت و نزلت عيونها على الاكل و كملت اكلها بِصمت و لؤلؤة مستغربه منهم
آدم قال:لؤلؤة ترا بكرة راجعين للرياض خلي البحر يوري من قلبك لبكره
لؤلؤة عبست وجهها وقالت:لكن ما اخذت وقتي
اديم لفت عليها:كيف ما اخذتي وقتك وانتِ ما تطلعين منه إلا وقت النوم وبس تسحبين
لؤلؤة قامت وقالت:انا رايحه اسبح و اودع بحري دامني رايحه بكرة
وراحت
اديم تأففت وقالت:ليتنا يمدينا ناخذ البحر للرياض عشان لؤلؤة
و استوعبت انها تكلم آدم:وليتنا يمدينا نتبرع بدمك لانه نفط
و قامت آدم ابتسم بسخرية:الله قيديني بمبسم القمرة وانا لها حبيب و ملبي
قام لها يشوف وينها لمحها على المرجيحه قرب لها
وقف وراها وقال:مابيك حكيك البارح يمحيه الوقت لاني عشت ميه سنه و الفين شعور بلحظة حكيك
اديم كملت تتمرجح وقالت:مثلا ما قلت لك انت ترا تنحب لكن المشكلة فيني
آدم عقد حواجبه وقال:وليه المشكلة فيك؟
اديم قامت وهي تلف له:مابي اجرحك مرات اكون حادة و اي انسان يحول يتقرب مني اجرحه ولا اهتم لمشاعره ولا لخاطره انا كذا تعودت
آدم ابتسم وقال:جرحك بلسم بقلبي و ان كان حدتك تجرح انا ليني ضماد
اديم همست له:آدم ما راح اكذب عليك ما كان ممكن تدخل قلبي لان اذا كنت فارس صدقني بتكتفي بفرسك ولا بيهمك حُب المخاليق لكن حسيت بمشاعر ما قد عشتها ولا حسيتها ولا اعرف كيف اتعامل معها إلا بصدع لكن يا الاداديم ما ينفع معاك الصد اصبحت عايش فيني و بتفكيري من اتدرب وانا افكر فيك و كل ماجابو طاريك يفز قلبي
آدم قرب لها وقال:انتِ شعوري الخافي و ليوني انتِ علمتيني الصبر ولا انا ما كنت اؤمن فيه و الحُب مولد فيك ابيك تنتبهين له
اديم رجعت جلست على المرجيحه:دفني ابي اطير اكثر من طيران قلبي بهالحظه
آدم قرب لها و همس لها باذنها:احبك يا مبسمي
و دفها اديم شهقت وصارت تبلع ريقها تبي تبتسم لكن مشاعرها متلهفه ولا تبي تقول شيء و تندم عليه فضلت السكوت لكن قلبها ما سكت
آدم راح جاب لها وردة لمحها و قطفها وحطها بشعرها من ورا:ما ابي تجاهلك لي يدوم لاني ممكن اسوي بعمري الهوايل ولا اسمح لك تتجاهليني و تصديني و البارحة فتحتي قفول قلبي المهجور بحكيك و استحليته من اول ما لمحتك بفستانك الوردي
اديم تنهدت وقالت بنرجسية:قلبك المجهور هجر ناس قبلي كانو اهلك
آدم ما حب يدخل بنقاش معها و وقف قدامها وقال:تعالي ناخذ قارب و نلف البحر
اديم هزت براسها بتمام ودرت انه يتهرب و مشت قبله تنادي على لؤلؤة
ركبو بالقارب و اديم قامت بِهدوء وهي تفك شعرها و تخلي الهواء يهبه
لؤلؤة ضحكت عليها وهي تحط يده بالمويه و ترشها على آدم الي ذايب وهو يناظر باديم و كان اعظم منظر يشوفه بحياته
ولا هو قادر يرمش عيونه من جمال المنظر قدامه اديم و لؤلؤة يتأملون البحر و جماله و آدم يتامله حبيبته و مبسم القمرة
لكنه لف و حصل سايق القارب يناظر باديم ادم
رفع صوته وقال:تبي اقلب عيونك لورا عشان تناظر براحتك
فزت اديم و لفت لصوته و لؤلؤة انخرشت
قام آدم وهو يقرب له:البحر قدامك مو يمينك فاهمني ناظر به عشان لا اغرقك ولا احد يدري بك
لؤلؤة قربت من آدم و لاحظت عصبيته خافت ورجعت مكانها
قربت آدم من اديم وقال:ارفعي شعرك
اديم استغربت منه وقالت:خير ما اسمع
آدم ابتسم بسخرية:اذا ما كنتي تبين اسوي جريمة بوسط البحر ارفعي شعرك
اديم تجاهلتها لكن لؤلؤة قربت من اديم وقالت:عشاني ارفعيه عشاني
اديم تأففت وقالت:لخاطرك لؤلؤة
ورفعت شعرها وهي تلعن السواق و آدم
