اهلاااا قايزززز
لاتنسونننن الفوت و الكومنتززززز لطفا💙
بارت طويللللل و احداثه😋
بعد اسبوع من وصلو آدم و اديم و لؤلؤة الرياض
دخلت اديم المستشفى بعبايتها البيج والطرحه على شعرها من قربت من الرسبشن شالت نظارتها السوداء
و قالت للموظفة:صباح النور، دكتور آدم بن سلطان موجود؟
الموظفة:صباح الخير موجود عندك موعد معه؟
اديم قالت وهي ترجع النظارة لعيونها:تمام شكرا
الموظفة عقدت حواجبها لانها ما اجابتها على سؤالها!
اديم دخلت المصعد و راحت متوجهة لمكتب آدم لمحها عمر و راح لها
وقالها:اديم
اديم لفت عليها وهي تضبط ساعتها:اهلا
عمر سرح بجمالها وصار ابكم من جمالها!
اديم تنهدت وهي تحاول تفك باب المكتبة
ولفت لعمر:آدم وينه؟
عمر قال بتلعثم:عند مريضة يتطمن عليها
اديم عقدت حواجبها بغيرة وقالت:اي مريضة ابي اشوفه
عمر هز راسه بالنفي:ما يصير اجلسي هنا هو قاعد يشتغل الحين و بجيك
اديم سحبت عليه
وصارت تمشي وتفتح البيبان و اذا ما حصلت آدم تقفله كأنه مو صاير شيء و عمر يمشي وراها متفشل من نظرات الناس المستغربة لها
وصلت كانت بتطلع المصعد عشان تدور بالأدوار الثانية حتى وقف قدامها عمر بفشلة
عمر قال متفشل:وقفي بوديك لكن تكفين لا تخرشين الناس وانتِ تدخلين عليهم
اديم رفعت حواجبها:اخرشهم!
وسحبته من قدامها وكملت حكيها:وديني
عمر همس:إلا بتموتينهم من هالحلاوة
و دلها على غرفة المريضة اديم همست له:شكرا تقدر تروح
و دخلت ما انتظرت رده
اول ما شافها آدم وقف حكيه مصدوم و ابتسم بخفية
ام المريضة قالت لها:السلام عليكم
اديم ردت:وعليكم السلام
ام المريضة:انتِ من صاحبات مرام؟
اديم فهمت انه بنتها اسمها مرام وقالت:لا
ام مرام قالت:اجل ليه دخلتي علينا غلطانه؟
اديم هزت راسها بالنفي و ناظرت بالمريضة و رجعت ناظرت بامها:الدكتور ابيه
آدم قال بصوت عالي:لا تخافين على مرام و بأذن الله اذا استمر على الادوية بيخف الم الحبل الشوكي و اساسا سوينا لها العلمية من شهرين و نجحت ولله الحمد و بيخف الالم مع الوقت ولا تجهد نفسها
و لف لمرام:لا تهجدين نفسك و انتبهي لك و الله الله بالراحة وعليك الف سلامه و لك بالملاحظة من ثلاث يوم و فحوصاتك زينه
اديم ناظرت بمرام وقالت:الف سلامة عليك
مرام ابتسمت وقالت:الله يسلمك
ام مرام ضحكت وقالت:اختك؟
آدم ابتسم وقال:لا هذي اديم مبسمي
اديم اعجبها كيف عرفها عليهم ام مرام ما فهمت لكن قالت:شكرا لك الله يوفقك
خرجو اديم وآدم برا غرفة المريضة اديم همست له:يعطيك العافية
آدم قفل الباب وراه ولف لها:الله معطيني عافيتي من صرتي مبسمي
و قرب منها يقفل عبايتها و يسحب طرحتها لبدايه شعرها وقال:من شافك اليوم غيري؟
اديم شالت نظارتها وقالت:عمر و المرضى
و مشت وخلته آدم ما فهمها و لحقها
وصلو لحديقة المستشفى و قعدت اديم على الجلسات الموجودة و قعد آدم جنبها
اديم قالت له:من جيت من فرسان مالك حس
آدم مسك يدها وقال:من جيت ما قدرت احك راسي من الاشغال من مريض لمريض و من عملية لعملية حتى اني ما صرت افضى اكل إلا اشرب من هالقهوة و اعتذر اني انشغلت عنك و عن السؤال عنك والله مو مني
اديم شدت على يده وقالت:لا تجهد نفسك اكثر من كذا وجهك اليوم مو عاجبني ذابل و بزياده كنت احاول امرك بالبيت لكن ما ترجع إلا متأخر ولا ابي ازعجك بمكالماتي
آدم هز راسه بالنفي:انتِ تزعجيني إلا تهزين عروق قلبي هز برسالة منك
اديم تبسمت وقالت:ما اقدر ارد على ذا الكلام لكن انا عازمتك على مطعم اذا ما عندك بالليل شيء
آدم ابتسم من عدم ردها على كلامه وقال:افضى لعيون مبسمي
و كمل حكيه: ذا ثالث يوم ادوامه و احسه لذيذ
اديم عقدت حواجبهاوقالت:و اليومين الباقي وشهي؟
آدم:لما كان اول لقاء بيبنا ذا اول يوم و ثاني يوم من جيتي تشيلين الجبس
اديم تشتت نظرها وقالت:عسى الله يحلي ايامك
و قامت:يلا اجل كمل شغلك و انا بروح
آدم قام لها و مسح على شعرها: استودعتك الله
اديم ناظرت فيه و رجعت نظارتها لعيونها و مشت لسيارتها و آدم رجع يكمل شغله
ارسلت للُدن(بعد ثلاث ساعات تعالي للاسطبل)
و حركت للاسطبل اول ما وصلت نزلت و شافت عذبة تنتظرها
قربت منها وهي تشيل الطرحه من راسها وقالت لها وهي تمسح على راسها:مو قلت لك حُبي للفرس مغنيني عن حُب الاودام لكني طحت يا عذبة ولا قويت على الصد و الادمي مذبوح من الغرام ما قويت على الثقل درب الحُب مُهلك لكن آدم خلاه مُلهم
ما شفتي لمعة عيونه يا عذبة وهو يحاكيني ولا سمعتي لذة كلامه من يشوفني ولا شفتي خضوعه و خوفه بحضني و كاني مصدر امانه الوحيد ولا شفتي غيرته الي اتجاهلها لؤلؤة قالتي غيرته تذبح الادمي لكن شكله يعرف اني ماراح اخضع لغيرته و قاعد يحاول يمسك نفسه ولا لاحظتي رجفته من يقرب مني حبيت هالادمي انا مخاصمه الحُب بكبره و مكتفيه بِحبك و بحُب اهلي لكن من يشوف حنيته ولا يطيح بغرامه!
وصارت اديم تفضفض لعذبة عن مشاعرها الي داهمتها بِقوة و هي مو من هالدرب ولا تعرف طريقه
