اهلا حبايبي💙
لاتنسسسسوننن الفوت و الكومنتز لطفًا💟
بارت طويلللل والاحداث🔥🫢
قامت لينا على صوت الإشعارات مسكت جوالها وشافت امها مرسله لها:انا ما زوجتك معن إلا ابي مصلحتك و صدقيني ابي أأمن مصلحتك أنتِ و شوق قبل موتي
لينا ما ردت و تركت جوالها قامت غسلت وجهها و وضت و صلت الظهر و طلعت من الغرفة شافت معن قاعد على الكنبة
قال معن بصوت هادئ:مساء الخير
ضحكت لينا و اجابته:مساء النور والله النوم يجذبني مو بيدي
ابتسم معن:معليه باقي على طيارتنا ثلاث ساعات ساعه نروح لاهلنا و ساعه للمطار
لينا عقدت حواجبها:وين بنروح؟
معن حك رقبته من ورا:كنت بسألك تبين نروح وين شهر العسل مو مني من جدي لكن فكرت ليه ما نروح لسعود بإيطاليا
ابتسمت لينا بِهدوء:الله سعود صار بإيطاليا ما عندي مشكلة صراحة منها تشوف اخوك و نبعد عن المشاكل و عن جدي بذات
قام معن:يلا روحي البسي عبايتك خلينا ننزل نفطر و نحرك للبيت جدي اكيد بيكونون كلهم هناك
هزت لينا راسها بتمام و راحت
عند لُدن خرجت من الكوفي طلعت جوالها من شنطتها تدق على اديم بعد ثواني ردت اديم:يا حب حبي
ابتسمت لُدن من روقان اديم:يا جعل هالروقان دايم
ضحكت اديم:لُدن شفت الرسمة و حسدت غسان عليها
لُدن عقدت حواجبها:تحسدينه و انا رسامة لك ثلاث لوحات
اديم:واضح اني طماعة ابي الرابعة
لُدن:ما فيه إلا لما تجيبن كأس الفروسية
اديم بنبرة ثقة:ابدي ارسميني من الحين لاني جايبته
خرج غسان من الكوفي و مر من جنب لُدن اشر لها مع السلامة رفعت لُدن يدها و اشرت له
لُدن تكلمت وهي راكبه سيارتها:ابشري لكن متى تخلصين تدريب؟
اديم: ساعة و عندي لك خبر
لُدن:يلا بعد ساعه نتقابل بالمزرعة
سكرت اديم وهي تتجه ليوسف تنحنح:بكره لازم نكون بامريكا عشان تدريبك البطولة قربت و لازم نشد بالتدريب وكمل كلامه:عذبة ماراح تكون معنا بامريكا عشان كذا ابيك تركزين على تحركاتك بالفرس مو كل الاحصنة عذبة تفهمك
اديم اجابته بِهدوء:ازهلها
يوسف صفق بيده وهو يرجع لورا:وريني كيف ازهلها
اديم قربت من عذبة بِخفة وصارت تمسح على راسها:لا تسميني خاينه و وعد اجيب لنا البطولة و اجيك يا عذوبتي عذبة حطت راسها جنب راس اديم ابتسمت اديم و حضنتها بعد ثواني حطت راسها على عذبة و باست خشمها:بتوحشيني واجد يا رفيقة دربي
و ركبت على عذبة و عدلت الخوذة الي على راسها و مسكت اللجام بِقوة:يلا يا عذبة
و صارت تقفز بين الحواجز بسرعتها و بمهارتها
بعد عاشر حاجز من قفزها له صفق يوسف بقوة:ايه ذي الفارسة اديم آل فارس
اديم ناظرت له بغرور:الفروسية ما تليق إلا لاديم بنت عبدالعزيز
نزلت بهدوء من على عذبة و حضنت وجهها:كنتي خيال يا عذوبة
اشر يوسف لشخص ياخذ عذبة و لف لاديم:اخليك الحين بكرة موعدنا و راح
اديم نزعت الخوذة وفكت الربطه من شعرها غرزت اناملها بشعرها تسوي مساج لفروه شعرها و مشت اخذت جوالها شافت اشعار من شخص ارسل لها مقطعها بالزواج البارحة وهي ترقص و كتب تحته:عقبال ما ترقصين بعرسنا اديم توترت و عصبت بنفس الوقت و صارت تقلب برقمه تبي تعرف من الشخص هذا لكن بدون فايده ولا تعرف احد يشتغل بالاتصالات صارت انفاسها تزداد بعد رسالته الاخيره:عذبة محظوظة بفارستها و جدًا ما ردت عليه و تكلمت بداخلها:ذا وش يقصد الحقير
كانت بترسل لريان بس ما تبي تعكر جو اهلها و جدها
سمعت صوت لُدن و قفلت الجوال بسرعة
لُدن استقبلتها بابتسامة و انمحت تدريجيا من ملامح اديم:وشبك ليه لونك منخطف؟
اجابتها اديم بربكة:ما فيني شيء لكن تعبت من التدريب
تنهدت لُدن وهي تدري انه اديم تكذب عليها:مادام كذا تمام ماودك نقعد
هزت اديم براسها و رحو يسجلون بالجلسات الخارجية لمزرعتهم لُدن قالت بِهدوء:قابلت غسان و اعطيته اللوحة فاتك ردت فعله
ابتسمت اديم و قالت بعبط:الله وعطيته لوحة مقابل كيكته الي اكلتيها بِكل حُب لا تقولين كنت طايحة مو ملاحظتك كيف تاكلين الكيك!
لُدن خجلت و ضربت كتفها:بنت وش ذا الكلام لا طبعا انا اتلذذ بكل كيكه تدخل معدتي
اديم كملت عبطها:لا والله انتِ تاكلين الكيكه كانك تاكلين ذهب ما تبين تخلصينها و هو تلاقينه ماسكة اللوحه و حاضنها بكل قوته حتى ممكن ينومها على سريره وهو ينام على الارض
لُدن غطت وجهها بيدها:خلاص اسكتي اديم تكفين
اديم ضحكت وعاجبها كيف تخليها تستحي صفقت بقوة:الله بيكون فيه حبايب بالساحة
لُدن تبسمت و قالت بسخرية:اذا تبينها كذا ترا ما نسيت يوم الدكتور آدم حط السماعات باذنك عشان ما تخافين و بعد وش قال لك البارحة تبين تطيحين المخاليق لمبسم القمرة
اديم انمحت ابتسامتها:بس انا ما استحي اذا جا طاريه لانه ما يهمني من الاساس ولا يعني لي شيء
لُدن تنهدت بِقوة و تسألت بخوف من جواب اديم:اديم لنفترض انه آدم حبك و اعترف لك وش بتكون ردت فعلك؟
اديم بكل حدة:طبعا برفضه هو و حُب لُدن وش ذا السؤال!
لُدن قالت بِخفة:بس سؤال ابي اعرف جوابك صدقيني مو شيء
اديم تأففت:اساسا من باقي يحبون ذي الايام ممكن استلطفه لكن احبه يخسي و اذا فكر و اعترف برفضه و اكسر قلبه بعد عشان ما يفكر يحب غيري
لُدن هزت راسها بِعدم رضى:لو ما تبين يحبك براحتك بس لا تكسرين قلبه
اديم عقدت حواجبها بسخرية:تتكلمين كانه اعترف لي الحين اهدي خلينا نقوم ابي اخذ شور اسبقيني البيت بودع عذوبه و اجيك
هزت لُدن راسها:انتبهي لك
ولفت قالت بهدوء:عسى آدم يحبك و يكسر غرور قلبك شوي
