سلام حبايبي💙
لاتنسون الفوت و الكومنتتت🔥
بعد ثلاث أيام من تشتت معن و ضياع لينا جا اليوم الي فيصل احيا حياة مليئة بالكراهية و العداوة اتجاهه لينا الي ما تبي عمها و عمتها ينكسرون للمرة الثانية بولدهم واقفت عليه بعدم رضى لاجل ما يصير الاسئ الثاني لهم وهو طرد معن من القصر ومن حياة كل فرد من أفراد آل فارس بعد لكن معن ما يبي يكسر لينا الي مالها ذنب ولا يبي يزعلها قد ما يزعل جده وده يمحي جده من على وجود لأن على حسب تفكيره اذا جده اختفى بيرجع آدم و بتقل المشاكل بينهم و بيرجع قلب أمه برجعته اخوه و بيطيب كسرهم بآدم
والأيام كفيلة انها تقسى القلب ولا يحن لأقرب ناسه و تنسيه ايامه الحلوة معاهم و بعد يستنكر على نفسه لذة الماضي لاجل يجعل من قلبه جليد ، لكن كل ساقي سيسقي بما سقي
بدت تجهيزات البنات ولؤلؤة كانت مستمتعة لاجل لينا بتكون زوجة اخوها بنفس الوقت حزينة انهم تزوجو بذي الطريقة قطعت شوق سرحان لؤلؤة:اذا بتقعدين بنفس ذي القعدة ما خلصنا ترا لفت لؤلؤة اعطتها نظرة حادة:مالك دخل فيني بالنهاية انا بتجهز بالقاعة شوق كان مزاجها مو ذاك و درت بكل عصبية:طبعا بتكونين باردة بالنهاية انتم اهل العريس لؤلؤة اجابتها بكل حده:وشبك تقولينها كذا ترا امك من نفس الأهل شوق تجاهلتها و مشت تأففت لؤلؤة:يربي صبرني اخذت عبايتها و طلعت من الغرفة و قابلت المساعدة:ميا شوفي فستاني على سريري اعطيه السواق خليه يوصله للقاعة انا بطلع و نزلت للطابق السفلي وهي تتصل على اديم فيس تايم ردت اديم و بشعرها لفافات:يا هلا لولو لؤلؤة اجابتها وهي تسكر باب سيارتها:هلابك يا زينة الزينات واضح منحاسه اكثر مني ضحكت اديم و ثبتت الجوال على المراية:لا والله بس حطيت بشعري هاللفافات و بعد المغرب بسوي المكيب لؤلؤة رفعت حواجبها:ومتى قصدكم تجون انتِ و لُدن؟ اجابتها اديم وهي تمسك كوب قهوتها و تأخذ رشفة منها:يا لولي امي و جدتي و عمتي يقولون بس بيصلون العشاء و نمشي يعني على الساعة تسع بالكثير و احنا عندك بعدين الزواج يبدا عشر ركزي رفعت لؤلؤة كتوفها:ما يهمني تجون بدري لا تخلوني مع شوق لحالنا لاني ممكن ارتكب جريمة قتل فيها شهقت اديم بمزح:لذي الدرجة ما تبين تحكين معها لؤلؤة تأففت:اخ يا اديمي لو اتكلم المهم اخليك الحين لان باقي بمر على كم غرض هنا اديم لوحت لها بيدها:تمام مع السلامه يا لولو و انتبهي لنفسك باستها لؤلؤة من الشاشة:مع السلامة يا حبيبتي و سكرت المكالمة تنهدت من شافت بطاقة الدعوة الي امها اعطتها لها تعطيها لآدم شغلت سيارتها و كانت متجهة لبيت آدم بعد مدة نزلت من سيارتها و بيدها بطاقة الدعوة لمحت سيارة معن عند الباب و معن فيها ابتسمت له و رحت له نزل معن الشباك:لولو وشجابك هنا؟ لؤلؤة اجابته بِهدوء و هي ترفع يدها لاجل توريه البطاقة:امي وصتني اعطيها آدم انت وش مسوي هنا تنهد معن بِخفة:احس اني متضايق ولا ابي اروح القاعة و اشوف جدي على انه آدم كارهني من كره جدي إلا اني ابي استشيريه لؤلؤة لفت للجهة الثاني من السيارة و ركبت بجنب معن:معن انت الحين ما يمديك تتراجع ولا حتى تنحسب انت عطيت كلمة لابوي و عمتي و اذا مو عشانهم عشان لينا حرام تكسرها و هي اساسا مجبوره عشان جدي لف عليها معن بعصبية:انا ما قلت بنحسب ولا قلت بكسرها و كلنا مجبورين من جدي لو ذا الشايب يموت و يفكنا لؤلؤة ضربت كتفه وهي تقول:استغفر ربك لا تدعي عليه مهما يصير هو جدنا و ابو ابونا لو صار عليه شيء ابوي و جدتي و عمي و عمتي كلهم بينهارون معن ضرب الدركسون بقوة:حرم امي من ولدها و اجرني انا و لينا على بعض و نعيش حياة ما نبيها و قسى قلوبنا على بعضنا و ما نهى احد حياته و تقولين ليه تدعين عليه
تنهدت لؤلؤة:خلاص يا معن اليوم عرسك و خلينا ننسى و نعيش اليوم و نخلي الماضي و ننزل نعزم آدم لعرسك ولا تقول له عن اجبار جدي لك بالزواج لا تجيب له طاري لان آدم ممكن يتحول و ما يجي العرس إلا لذا السبب و يسوي سالفة خلي الليلة تعدي على خير هز راسه بتمام و نزلو من السيارة وقفو قدام باب البيت و دقو الجرس لؤلؤة توترت و لفت لمعن:احس اني مو رايحه عند اخوي رايحه لغريب معن اجابها بكل حدة:جدي الي زرع ذا الشعور فيك لؤلؤة غصت طرف شفتها بزعل وهي تلف عن معن
