اهلا حبايبي💙💙
لاتنسون الفوووت و الكومنتززز 💟
.
بارت طويللل و احداثه🔥🏃🏽♀️
اديم سحبت ذراعها من يد آدم بِقوة
و قالت بِصوت عالي و حاد:من انت؟ عشان تأمرني
آدم انقلبت ملامحه من صراخه عليه ولا تركت له مجال يكلمها:اذا كنت تحسب انك تقدر تلمس يدي وقت ما تبي و تصارخ علي فأنت غلطان لانك مو محرم لي ولا حتى تقرب لي عشان تكلمني بذي الطريقة الهمجية امسك نفسك يا دكتور مو كل ما تشرف على حالة شخص صرت حبيبة
آدم استغرب من كلامها
وقال:وشدخل الحُب بالموضوع ان
قاطعت اديم كلامه و تكلمت وهي رافعة راسها له و عيونها بعيونه و نبرتها الشديدة وضحت مدى
غضبها :كلامك بالكوفي و على قولك لو كنت حبيبي ما راح اتجاهلك انا اتجاهلك وانت تنصحني على صحتي الي تسوى عندي كنوز ما تبيني اتجاهلك وانت مجرد دكتور!
قالت كلامها و دخلت داخل تلعن آدم بداخلها
آدم استغرب من ربط المواضيع عندها وكيف عصبت عليه
ابتسم نص إبتسامة
وقال:يبدو اني مو لحالي الي طايح بالهوى عصبيتها عسل
استوعب انهم شافوها و رجعت ملامحه الحادة:عسى الله يعميهم عيال الكلب
و لف يدخل القاعة بكل عصبية
اديم كانت تمشي وملامح وجهها عابسة وقفتها
لُدن:وشبك؟
اديم تكلمت من غير نفس:بعدين اقولك لاني لو تكلمت الحين محد بيسكتني
لُدن عقدت حواجبها و هزت راسها بتمام:تعالي نرقص
ورحو يرقصون مع لؤلؤة و شوق
شوق فتحت جوالها وهي ترقص و لفت الكاميرا على اديم وهي ترقص و قفلت على طول و كلمت ترقص
دخل معن على لينا الي منزله راسها و يدوب ملامحها توضح و توترهم الاثنين واضح من ملامحهم لفت لينا على امها
و همست باذنها:ابيكم تطلعون كلكم
هياء كانت بترفض لكن عيون لينا الي امتلت دموع خلاها توافق
لفت لنورة:نورة امشي نطلع عشان ياخذون راحتهم بالتصوير بنتي تخجل
وضحكت بنهاية كلامها نورة هزت براسها و مسحت على كتف معن و
قربت منه:ترا حتى هي مجبورة
وطلعت مع هياء
لف معن للمصورة و رجع ناظر لينا
وقال بتوتر:إذا ما تبين تصورين ما عندي مشكلة
كانت بتقول ما تبي تصور لولا دخول فيصل عليهم
تكلم بكل هيبته:الله يبارك لكم
و لف لمعن:ترا بنات هياء بنتي بناتي يعني لو اذيتها بكلمة ولا بِفعل ما اقول هذا حفيدي و اشفق عليه ألا احرقك و احرق قلوب اهلك عليك
معن ناظر بكل برود
وقال:اساسا أنت حرقت قلوبهم من ست سنين من خروج آدم من بيتنا و حياتنا قلوب اهلي ماتت
سلطان تكلم:معن جدك جا يبارك لكم ماله داعي تفتح جروحً مضت
معن سكت من كلام ابوه و المصورة بدت تصور معن ولينا بالوضعيات الي اختاره لهم فيصل
و جت لؤلؤة من منادى جدها لها و جابت معها جدتها و امها و عمتها هياء و تصورو كلكم بِدون آدم ولا احد يدري بجيته إلا الرجال و لؤلؤة بس ما حبت تقول لامها
انزفت لينا المجبورة الحزن يوضح بعيونها و استقبلت مباركة المعازيم و على شفاتها إبتسامة باردة
و نظرات هياء لها و همسات المعازيم كانت تحت ضغط لكن من شافت لؤلؤة قربت لها حست براحة
