الكاتبة في روايتها (باللهجة الجزائرية)

✨ امرأة اعمال ونص وخمسة وعشرين✨

دخلت للبيرو تاعها باه يقابلوها عراريم تع وراقي...تنهدت بتعب وحطت ساكها بش تريح ...بدات تحل الوراقي و تقرا وتسنيي وتموديفيي حتى سمعت طبطيب تع الباب...طلعت عينيها وطلعلها واحد الراجل ...طلياني🙂 شانزيدلكم كثر من هاك ؟؟كان قدام داك الراجل مرا قد كاميليا بالتقريب... ناضت من بلاصتها بش تقول بابتسامة هادئة

كاميليا :مرحبا بيكوم موسيو ومدام فيرناند

...

آليس :دونك راكي حابة تحلي فروع فالدزاير ؟

خزرت فيه كاميليا وفالمرا هاديك ...كريستين ونطقت بهدوء

كاميليا :ايه... بعد مانولي لبلادي راني حابة نقطع كل العلاقات مع ايطاليا...

بصح قبل ماتزيد تقول اي حاجة سمعت هاديك المرا تنطق وتهدر فموضوع خااص وماشي قاع بلاصتو 

كريستن : راكي متزوجة بلودوفيكو آلن نن ؟؟ 

خزرت فيها كاميليا وسكتت شويية وهي تحوس فالاجابة ونطقت بكل هدوء 

كاميليا :وي ✨🌚

كريستين :اذا كنتي حاتولي للدزاير معنتها لودوفيكو تاني حاتقطعي علاقتك بيه

ااااااه عرفنا وين راكي رايحة يالقرعاجة !! تنهدت كاميليا وقالت 

كاميليا :وي ... راح نتطلقو بعد عام 

لمعو عينيها وابتاسمت ابتسامة تبان من تندوف ... 🌚💔 والله ماتديه اذا خلاتو نمدو لكش وحدة من لي راهم يقراو فهاد الكرونيك🌚

كريستين:مالا نقدر نعاونك ...

ابتاسمت كاميليا ابتسامة تع سخرية علاخاطر فهمتها بصح ماعندها ماتدير علاخاطر راهي مخطوووووووووووووووفة🌚 نسيتو القضية واقييل ؟ 🌚المهم ...وعكا راهي بنات علاقة جديدة مع شركة ايطالية مقيمة فالجزائر ...خردو هادوك الناس وريحت وحدها فالبيرو قعدت تخمم فكريستين...شابة بوبية ...طويلة ...عينين يلمعو عسلية...شعر مايل شوية للصفر وحرير...وملامح هادئة ...يعني كانت شابة...مثال رائع لمرت المافيا...بعد مدة فاقت مع روحها ولقات انها الساعة الستة 🌚 يب كي نرقدو حنا هوما يبداو الخدمة ...طلعت لبرا بعد ماقالت للسكرتير ديالها في طريقها الى افضل مكان فالمجرة...

...

خرجت وهي مغطية كامل بالشكاير والبايط ...لحقت لطونوبيلتها وحلتها وحطتهم لتم بعد معاناة عديدة... تنهدت تنهيدة طوييلة بش تركب فالطونوبيل ... حطت راسها على الكرسي واستغفرت ودورت المفتاح وهي تخمم كيفاه حت. لحقت لهنا...البارح برك كانت فشومبرتها غالقة على روحها بش تكتب بعيد على الازعاج تع خاوتها... واليوم راهي بطونوبيلتها و بخدمتها وكتابها لي انتاشر كي النار... و تفكرتجواد لي راه فالدار معاها ... ومافاتش وقت حتى فاقت لدموعها لي شمخو وجهها بالكامل ...مسحت وجهها وديمارات للدار ...

...

دخلت للدار وكانت الضلمة ...الهدوء والسكينة...كانو كامل راقدين...خذات خطواتها فداك الدروج لي يدي لشومبرتها... كانو خطوات هادية مالغري الطالون لي كانت لابساتو...بعد مالحقت لشومبرتها كانت تحس بواحد الشعور يقوللها ديري كلشي وماتدخليش...والشعور جامي يغلط...

...

قابلها جواد وهو يقرا فواحد الورقة ...طلع عينيه عليها وقال 

جواد :تسما عشر ملايين اورو ؟ 😊

توسعو عينيها لواحد الدرجة...لودوفيكو مكنشو عندو فواياج لكندا...باباها لي راه بعيد عليها بسنوات ضوئية فداك القصر...راهي غير هي وياه هنا... حست بواحد الخنق لي كان مغطيها...ناض من بلاصتو بخطوات هادئة وواحد الابتسامة كانت تغطي وجهو...تخوف ... تنهدت تنهيدة طويلة بش تتخلص من التوتر والخوف ودخلت قربت منو وقالت بلا ماترمش حتى...هنا....سيداتي وسادتي...راح تشوفو مرت المافيا

بملامح باردة ومتجمدة البصل ومايمدعهاش... وضعيتها لي كانت مستقيمة تبين بلي ماراهيش خايفة منو وقالت بصوت يبان شوية منارفي 

كاميليا :وش راك تدير فشومبرتي ؟وشكون قالك اخرب في قشي ؟

خزر فيها جواد بخزرة استهزاء وقال بعد ماقطع الورقة ديك 

جواد:عندي الحق ندير اي حاجة نبغيها ...حتى وش داخل هاد الورقة

اهيا الطمااااع 😑 ابتسمت كاميليا وقالت

كاميليا :لي فالورقة راك قطعتها ! 

حقا الورقة هاديك بش قطعها حتى ولا يشوف النجوم 😂السيد راه مبليسي ويحوس على اكثر 

وقبل ماتنطق كاميليا قاطعها جواد وهو يشوف فلبستها 

جواد :وش هاد اللبسة لي راكي لابستها وفي خزانتك ! ماشي قتلك ماتلبسيش السراويل  والالوان ؟ 

قربت منو كاميليا وهي تخزر فيه بنظرات تقزز والطالون تاعها لي ولا يصدر صوت روماركاه جواد وقالت 

كاميليا :ماعندك مادخلك فيا ! 

جبد عليها بيدو جبدددددددة ! بصح هاه😂 قبل مايلحق يتوشيها حس بيدو المبليسية تتكسر ! منيتي ! قاعدة تدير طق طق طق ...صباعتيه لي تعوجو بالكامل كان منظر يحبس الانفاس ... بملامح غغضبة وعيون يبرقو كي القط فالليل نطقت

كاميليا :راك حاب تموت واقيل؟

عيط عيطة تع الموت ...خلا من الرجال لي كانو يدورو على القصر كحراسة يجو جاريين للاشومبر تع سيدتهم ...تقدمو منها بخطوات وشافو يده المكسرة...حارو اذا كانت هي لي دارت هاد الشي ونطقت بعد ماطلقاته وبعد بخطوات 

كاميليا :رجعو هاد الجرادة للدزاير 

.

.

.

part qsiir esem7ouli tewelt 3likoum w zid l cnx rahi t3eyeff🙂💔

sa7a s7ourkouum ✨