بعد شهرين
ولات كاميليا لياماتها العادية ، رجلها براات وقدرت تكمل كتابها الزاوج ونشراتو ...هاذ الكتاب لي شكل نجاح كبيير ليها وعاونها بش تصنع من اسمها ومكانتها ... بصح دكا ! راهي هي سيدة الدار كامل والعايلة ... طاحت عليها الخدمة والمشاكل تع الشركات تع لودوفيكو ... وهو لي مابانو عليه حتى خبر كان مقلقها بزااف !
...
كانت الحالة هادية بشكل يخوف ... بعد ساعات من الانفجارات والهجوم المفاجئ لي تلقاه لودوفيكو وجماعتو ... كان مور واحد الحيوط مسند يلهث من التعب ... وجهه لي توسخ بالكامل بالغبرة تع الحريق ويديه لي تجرحو ...كان رامي سلاحو فالارض والرصاصات الفارغين كانو مرميين بعيد عليه شوية ... من خمسين واحد بقا غير هو وماعلابالوش شحال كاينين برا يقارعو فيه والحاجة الوحيدة لي راه يخمم فيها دك هي كاميليا ... ماعرفش كيفاه وعلاه حتى رت تدخل فراسو فهاد الوقت لي مالازمش قاع يتشتت...ضحكتها ...صوتها ...طاقتها..ريحتها...كل هاد الصوالح لي متوحشهم قادر يخلوه يولي ليها ...تنهد بتعب وطلع يده لعينيه مغمضهمبش يريح شوية ويقارع للوخرين يعاونوه ... بصح مافاتوش حتى لحظات برك يريح فيهم حتى سمع لصوت تع الرصاص. ... تنهد بتعب ورفد سلاحو وعمره وناض
تسند على الحيط مطلع راسو شوية بش يقدر يعرف وين راهم ... فيزا على وين كاين بزاف منهم ... رفد بومبا وجبدها ورماها عليهم وخلاهم يتشواو بالصحة والهنا😂✨... طلعو الناس لوخرين يعيطو ويجرو بش يسلكو زعما لي راهم يتحرقو ... استغل لودوفيكو هاد الفرصة وجميع واحد يبان فيه غير جبهتو يتيري عليه ...
واحد...زوج...ثلاثة ...ربعة...خمسة...ستة ...عشرة ...خمسطاش... واحد وعشرين ...
واحد وعشرين واحد ماتو بسبب الطعم لي رماه عليهم لودوفيكو ... خرج من داك الحيط ومابقا حتى واحد منغيرو هو برك ! النار تع قبيلة مزالها شاعلة والجثث مرميين فالارض بالدمومات ... قعد يشوف فداك المنظر لي صنعو بيديه ...المنظر لي وعد فيه روحو انو مايتعاودش...ودك ! الحاجة الوحبدة لي بقات هو انو يشوف مرتو ! كاميليا !
...
طلعت راسها من البيرو لي كان معمر بالورق وولات تشوف كلشي بيض مع خطوط كحلين ... خبط قلبها كان عمبالها بلي تعمات من الخدمة حتى استوعبت بلي ورقة لسقت في وجهها برك😂💔 ... نحات هاديك الورقة واستغفرت مولاها وقالت وهي تحك عينيها
كاميليا :واقيلا توحشتو لدرجة وليت نشوفو قاعد اونفاص ليا !
هبطت راسها وهي تفرز الوراقي هادوك وخيالو مزال تشوفو ! حتى انو نطق
لودوفيكو: من كثرة انك متوحشتني راكي تسمعي فصوتي دك صح ؟
كاميلا بعدم الاهتمام مخاطبة روحها
كاميلا : صح صح !
...
وصرخة واحدة برك زعزعت النواة فالارض 😂💔 صواطات وغلطت فخطواتها وولات للور بالزربة وهي تشوف فيه حتى لقات روحها الارض تجذبها وطاحت ... طل هو بالزربة من بلاصتو للبيرو وراح ليها شادلها يدها بش ينوضها وقال وهو يتفحصها بعينيه
لودوفيكو: ماصرالك والو ماتجرحتيش ولا حاجة كيما هك ؟؟
نحات كاميليا يديه عليها وبعدت خطوات وقالت مكمشة روحها
كاميليا : يايما ! جن تع لودوفيكو راه ساكن فهاد البيرو !!
وقبل مايقدر يهدر ولا يشرح انو ولا قبل شهر لقا المرا طارت ديجا للبرا 😂💔 وهذا ما دلّ على انها برات في رجلها بصح الشربة القاوية في راسها !
أنت تقرأ
الكاتبة في روايتها (باللهجة الجزائرية)
Mizahاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
