الكاتبة في روايتها (باللهجة الجزائرية)

✨شي ناس يستاهلو الموت✨

طلعت راسها غير باعقل وهي تشوف فوجه لودوفيكو لي كان منصادم...وعاودت هبطتهم بش تفيق روحها بلي طاحت عليه😂💔 وقبل ماتبعد نطق لودوفيكو بإمساك الاعصاب ...كون تزيد شوية تطرطق ايطاليا😂💔

لودوفيكو:بعدي عليا راكي ثقيلة على طونوبيل 🙂 كسرتيلي ظهري ...

ناضت من بلاصتها والخدامين تاوعو لي كانوا  اختفوا مساكن😂💔

كاميليا :اس ...اسمحلي...نروح لشمبرتي 🌚

راحت ديراكت للبرا وغلقت الباب كون رفداتو معاه خير😂 لودوفيكو لي تبعها بعينيها حتى كي خبطت الباب وقعد يخزر فالباب حتى شافو يتحل مرة وحدوخرى وخزرت فيه...كانت طوماطيشة😂✨ وقالت

كاميليا :نسيت بلي هادي هي شومبرتي🌚 نلبس كلاكيتي ونخرج منا...براحتك خويا اسمحلنا الدار دارك

وعاودت خرجت بالزربة  والنار كانت لاحقة لراسها من الحشمة والبانيكاج😂✨...كانو خطواتها طي الطيارة وهبطت هادوك الدرج بالزربة وكي لحقت قابلها جواد لي كانداير بونداج في يديه للزوج ووجهو تاني ...كلاهم حارين الشششح🙂 كملت المشي كلي ماشافتوش بصح سبحااان الله مايتهنا حتى يلحق لقبرو🙂💔 عيط عيطة بسبتها ضربت الزنزلة ديك الخطرة

جواد:كاميلياا ! 

حبست وتجمدت في بلاصتها...ب ماكانت تغلي حست بواحد البرد يتمشى في عروقها ... قرب ليها وهي دارت لعنده بالعة ريقها بالسيف ...ضحك بالزعاف وقال 

جواد:تعلمتي تضربيني ! مي معليش ! حايجي النهار لي راح تكوني فيه برا هاد الدار وبعيدة على وليد الحرام لوخر وتشوفي كيفاه تفوتي يدك عليا وتخزري فيا كيما تشوفي

اييي شوف ! لاتمدلك كليتها خير🙄 ...تنهدت كاميليا بتعب ودارت بش تكمل تتمشا بصح حست بيد جبدتها فنفس البلاصة لي حكمها فيها جواد... دورها ليها وشدها من شعرها وقال وكان يخوف 🌚

جواد:شكون قالك تروحي ؟ ماتتحركيش منا حتى نقولك 

جات حاترد عليه كاميليا ...بدات تتنارفا ...وهي كي تتنارفا ياويلك...بصح قاطعها صوت منارفي تقول كون يزيد شوية حايطرطق...اااه هاديك قبيلة ! دكا طرطقت خلااص!هبطو ريسانكم ايها الشعب !

لودوفيكو:بعد يدك عليها !

دور ليه جواد وزاد زير عليها كثر وهي من الوجع بداو تعابيرها يتبدلو

جواد:واذا مابغيتش ؟ هادي حاجتي وندير بيها وش نحب ! ماعندك مادخلك !

ماعندو مادخلو  ؟؟؟؟؟؟ السيد راه خاسر عليها عشر ملايين اورو و اراضي وشركات والاهم العقد ! ونتا جاي هنا تشرك ففمك 🙂😑

...

قعدت تشوف فيه وهو فالسرير مطروح تقول شي طوبا عفس عليها سومي😂💔 ضحكت على تخمامها...الطريحة لي داه من عنده او ودك لودوفيكو لي كسرله ثلاثة عظمات وحدوخرين وخسرله وجهه ...كان منير مريح لتم يشوف فجواد وقال لبنتو

منير:وش صرا ؟ وش وصله لهاد الحالة

تقرب منه لودوفيكو وحط يده على كتف منير وعينيه على الطوبا لي فالفراش

لودوفيكو:مكان والو...سومي طحنه برك

وهنا ! وفي هاذ اللحظة بالتحديد ! تقدرو ساتي تسمعوا ضحكات كاميليا من الشاشة😂 وفوسط نوبتها قالت

كاميليا :سبحان الله عندنا نفس التخمام ! واله تقول طوبا مورقة😂💔

خزر فيها منير وقال بشوية تع الزعاف

منير :وش هاد الهدرة ! الراجل راه قريب يموت ونتي تضحكي عليه مسكين ! هو لي جا يشوفك بالكريديات والتحلال 

سكتت كاميليا ونطقت تحت نيفها بعد ماقلبت عينها على جواد

كاميليا :كون غير طاحت ديك الطيارة فوسط لبحر ...خليه يموت ...🙄

...

قعد منير مع جواد فلاشومبر و لودوفيكو وكاميليا كانو يتمشو بش كل واحد يروح لشغلو حتى نطقت كاميليا

كاميليا :عندي اجتماع هاد العشية...احتمال ندخل روطار

لودوفيكو:اوكي مالا...ندوبليلك الحراس راكي مرتي وهادا يخليك فخطر كبيير

سكتت كاميليا وخذات تشوف المناظر وقالت بواحد البرود وملامح الاحباط يبانو في وجهها

كاميليا:علاه ماقتلتوش ؟

خزر فيها لودوفيكو وكأنو مكنش متوقع منها هاد الهدرة بصح سرعان ماتكاكات مع روحها وقالت بابتسامة تخبي فيها افكارها

كاميليا :نتمسخر برك... مايستاهلش انو ندخل انا ولا نتا الحبس علاجاله 🙃

خزرت كاميليا فساعتها وقالت بعد مافاتت لودوفيك. بخطوات

كاميليا :ني روطار نتلاقو العشية نشاله✨🙃

تبانلكم القصة عادية ...بصح ...القصة اكثر من مجرد كلمات واحداث نصنعوها...تابعوا الفصول القادمة بش تعرفو كيفاه راح نوصلو للنهاية✨

.

.

.

to be continued ...