هبطت كاميليا للتحت وين يتلاقو كامل بعد مالبست حوايجها ...بعد مادخلتللصالة وين كلاو البارح لقاتها فارغة...حتى الطابلة لي كانت لتم مكنشها... حتى حست بواحد موراها ...بعد مادورت لقاتو لودوفيكو لي كان واقف موراها
لودوفيكو:قطعتي علينا الطريق ! خلينا نفوتو
كاميليا :الناس تقول صباح الخير...رقدتي مليح ؟🙄 ماشي قطعتي الطريق ...
لودوفيكو:صباح الخير رقدتي ملييح ؟🥰 خلينا نفوتو دك 😑
تنهدت كاميليا وبعدت وخلاتو يفوت وقاالت
كاميليا :وين نفطرو ؟
لودوفيكو:برا
كاميليا: ااا علاه بصح ؟ ولا عادة برك العشية داخل والصباح برا ؟
حبس لودوفيكو ودار ليها وقال
لودوفيكو:ماشي ماتحبيش الذيق والناس بزاف ؟ بدلت البلاصة وقسمت الناس لزوج طوابل بش تاكلي نورمال ماشي فوسط الليل تدخلي الكوزينة كي السراقة
راحتلها الهدرة..ماعرفت لا تشكرو لا تدير روحها ماسمعتش لا تبكي ولا تتفكر بلي هادا راه مختاطفها ...تقدمت ليه بش تلحقلو وقالت
كاميليا :صحيت...واحد ماخذا اموري بجدية
لودوفيكو:لاه ؟
حل لودوفيكو الباب بش يخرجو لبرا تزامنًا كي نطقت كاميليا
كاميليا :فالدار ...رانا ثمنية...وكيما قتلك مانحبش الذيق والناس بزاف دونك ناكل وحدي فشومبرتي وكانو فالدار توجور يضاربو معايا على هاد الحاجة...غير بابا لي خلاني على راحتي
لودوفيكو:دك نتي عايلتك عندها قلب وعقل ولا نن ؟
ضحكت كاميليا وكم كانت ضحكتها جميلة😍✨
كان عندو الحق يعني ...خزرت كاميليا فهادوك لي كانو مريحين فالطابلة بعد ماشافو الزعيم تاعهم ناضو كامل احترامًا ...تقدموا للطابلة وجبد لودوفيكو الكرسي بش تريح فيه كاميليا ...كانت مستغربة من هاد الفعل بصح جا فتخمامها انها فكش عائلة ارستقراطية 😂 عجبتها الحطة
وراح قعد وبداو كامل ياكلو وكان يسقسيهم على الخدمة بلونقلي ويجاوبوه بلونقلي هوما تاني ... كانت كاثرين تخزر فكاميليا بلاحشمة ولا قدمة ..زعما ني نكرهك عيني عينك... حطت كاميليا الفرشيطة الوموس لي ماهيش موالفتهم... مع صبااااح ربي موس وفرشيطة ؟؟ وخزرت فكاثرين...بعينين كحلين ورموش كثيفة شبحت عينيها وحواطب كثيفة وحادة ...وقالت باونجلي بنبرة باردة
كاميليا :هكا تخزرو للزعماء دياولكم؟لازم عليك تخبي رغباتك قبل مايولو عليك
توسعو عينؤ كاثرين بش تهبطهم ديراكت ظهر شبه ابتسامة لودوفيكو ...فهمت وش قصد انها تقوي نفسها ...ولورينزو لي كانت فيه لمعة تع فخر لسيدته لي مزال ماهدرش معاها اصلًا قاكع الصمت والجو الغريب لودوفيكو لي كان موجه هدرتو لكاميليا بالجزايرية
أنت تقرأ
الكاتبة في روايتها (باللهجة الجزائرية)
Humorاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
