كان الهدوء سيد الموقف... جواد لي كان يشوف فكبر الصالون في حياتو ماشاف صالون قد سطاد تع 05جويلية...الديكور لي كان شباب تاني ...تماثيل زينو الزواية تعها والصبيغة لي كانت بيضة مع زخرفات فالزوايا والسقف لي كان مزخرف بصح بطريقة بزاف شابة كيما القصور الرومانية ... وكانو الحيوط مزيني بليكادر لي كانوا بزاف شابين تقدر تتفرج فيها لسنوات وماتعياش ... وعلى ديك التاقة الكبييرة والواسعة لي تطل على جاردان صغير فيهبيسين وباربكيو وبعيييد تقدر تشوف الغابة ...المهم الديكور تحفة فنية ...منير بابات كاميليا كان مريح مع بنتو مابغاش يطلقها ...وجواد لي كان قريب ليها تاني اونفاص لودوفيكو ... دخلت الخدامة وسارفتلهم خيرات ربي وجواد لي كان حالف مايتوشي اي حاجة وكان معول اليوم يدفن لودوفيكو...بصح بعد ماشاف حالتو المالية ...حس بالخوف ...جواد اصلًا راه جاي للطليان بالكريدي😂💔... المهم بداو يهدرو ويقصرو حتى نطق جواد وهو يشوف فلودوفيكو وقال
جواد:علاه ديت الطفلة ؟
شافت كاميليا فيه بخزرة تع عندي اسم اسي محمد!!! وشافت فلودوفيكو لي كانت ملامحو باردة وتخوف شوية ...خزر فيها وهي دارتلو الخزرة تع "ماتعميهاش يرحم باباك " فهمها ونطق بكل برود
لودوفيكو:علاخاطر نحبها🌚...شفتها عجبتني ديتها
ماشي قالتلك ماتعميهااش ؟؟🌚راك طرطقتها اخويا !
منير مسكين كان حايشرب رشفة تع الما خرجتلو من نيفو من هدرة لودوفيكو وجواد لي بداو عينيه يحمارو ...كامل فالحومة علابالهم بلي لي يشوف فكاميليا يوجد الكارلاج تع قبرو...بصح سيا يكالمي روحو كاميليا لي كانت مسكينة حاتموت من الحشمة وماعرفتش وش تقول...بصح كي شافت جواد عزاتله وخلات لودوفيكو يطرطقها ...شاف جواد فلودوفيكو وقال
جواد:للأسف مكنش هاد النوع من الخرطي عندنا فالدزاير...راح تطلقها دك !
شاف منير فجواد تع ماشي وقت هاد الهدرة ...بصح كاميليا تبانيكات وقالت بالزربة حتى تخرج من هاد الموقف وتسلك من جواد
كاميليا :مكنش كيفاه ! انا نحبو وهو يحبني وزيد رانا متزوجين بالحلال
هدوووووووووء
لحظة ادرااك😂💔
تنهد منير بتعب وقال لبنتو
منير :معليش راح نحكو عل. هاد الموضوع امبعد...
تنهدت كاميليا بعد مابعدت النظر تاعها من جواد لي طان قريب يتطرطق وقالت
كاميليا :هيا بابا نديك للاشومبر ديالك تريح
...
كان الجو داخل الصالون مشحون لواحد الدرجة !!! غير غلقت كاميليا الباب ناض جواد ديراكت رافد الدبزة ديالو على لودوفيكو... بصح قبل مايتوشي وجهو حس بيدو لي قريب تتكسر ...حكمها لودوفيكو وعوجها 360 درجة الراجل مسكين قريب طلعو عينيه😂
أنت تقرأ
الكاتبة في روايتها (باللهجة الجزائرية)
Humorاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
