لورينزو:مزال ماقدرناش نعرفو هوية الرئيس تع هاد المنظمة ...بصح التمردات راهم غير يزيدو وهاد الشي يأثر على اعمال تع البوس ...لحد الساعة بقاو غير الاجزاء الكبار من المافيا والجنود لي راهم يطلعو ...بصح ماشي محال تكون مسرحية !
تنهدت كاميليا وقالت
كاميليا : وشنو هو افضل حل لهاد الموقف ؟
لورينزو:الانسحاب فهاد الوقت وتفكيك المافيا ماهوش الحل الافضل... راهم كاينين بلدان يسالولنا دراهم تع السلاح والسلعة ... وكاين بلايص رانا مكرينهم لناس وحدوخرين بهاد الاسم ...وتاني هادا راح يخلي التمرد ينجح ويدي الكرسي قبل مانقدرو نغلقو المافيا ...
مدتلو الورق لي سينياتم فالبيرو تع لودوفيكو وقالت
كاميليا : خلص الكريديات لي عندنا يالوكان من دراهمي ...والغي العقود بشكل مؤقت ...راه عندي خطة تخلينا نخرجو راس الحنش !
...
بعد شي دقايق دخلت ماريا الخدامة تع كاميليا ... شعر قصير كحل كاري ... عينين كبار خضرين شابين ورموش طوال وكثاف... بشرة بيضا ولون شفتيها الوردية كسرت هاديك البيوضية ... قربت من كاميليا وحطت فنجان من الكابوتشينو وتيراميسو ونطقت
ماريا : كشما تسحقو حاجة خلاف ؟
خزرت فيها كاميليا وقالت بابتسامة
كاميليا : لا صحيتي ...تقدري تروحي ! برك في طريقك عيطي لكاثرين
خرجت ماريا لتم وكملت كاميليا قالت تزامنًا كي ناضت من بلاصتها وحكمت صاكها
كمايليا : هادا مكان... ابدا دير وش قتلك قبل مانروح بش نقدر نروح مهنية البال...راه بقالي غير ربعة ايام
لورينزو: مزالك شادة فكلامك ؟
تنهدت كاميليا وقالت تزامنًا كي فتحت الباب
كاميليا :العقد يبقى عقد ... وزيد ... السيدة تاعكم تع بصح هي لي تستاهل هاد البلاصة
طلعت قبل مايقدر يقول اي كلمة ...مخلياتو فديك الحالة تع ذهول والحروف حاصلين فقرجومتو ...
...
دخلت كاميليا للباتيسري جاي فوسط روما ... كومندات قهوة وباتيسري وريحت جبدت البيسي تاعها بش تكمل كتابها ... مالغري انها كانت تكتب بصح عقلها كان مسافر مع لودوفيكو ... ومافاتتش الى دقائق حتى جاها ميساج مشفر على شكل خط
...
flashback:
قبل نهار للفواياج تع لودوفيكو وصات الطبيبة تع القصر
كاميليا : كي ينوض ابعثيلي خط فالميساج ...واذا كان مزال ماناض بعد يومين ابعثيلي دائرة ! بلاكي تجبدي الموضوع تع لودوفيكو
اومئت لها الطبيبة وطلعت من البيروتاعها ... الفواياج تع لودوفيكو لي كان تحت اسم نقل السلع للدزاير حايكون بعد ساعتين ... لبلاصة واحد مايعرفها غير لي قراب ليه
end of flashback
تبسمت كاميليا باتساع لدرجة انها حست بعينيها يحمراو ويسخنو موجدين طريقهم للدموع ... بصح طلعت راسها تحاول تحبس هادوك الدموع
كاميليا :ماشي وقت النديب ! المكياج يسوا كثر منو ! هادا نورمالمو فرح مش تع بكا !
المهم فاتو اشحال من ساعة وكملت خدمتها وطلعت بلا ماتخلص ياساااادة ! سقسوني علاه ؟ علاخاطر الباتيسري تاعها 😍 اخدمي سيدتي واقراي بش تاكلي باتيسري بلاحدود 😍
...
ريحت فداك الكرسي تتفرج فالمنظر الجميل الخلاب الراءع الملتقط للأنفااااس ! ...لورينزو😍...تنهدت بتعب وعاودت رفدت سلاحها ووجهاتو للورينزو لي كان مسكين متشمس قدام للابيسين وقالت
كاثرين:نوض ! من لتم قبل مانحفر رصاصتي فالجمجمة تاعك
نحا نواظرو وخزر فيها باستفهام وقال
لورينزو: خير ربي ؟ الواحد يكون مريح في امان الله تطيح عليه موصيبة ؟
جبدت الزناد وقالتلو
كاثرين : ننوض دير وش قالتلك السيدة ! هادي بلاصتي اليوم
ناض من بلاصتو وقال
لورينزو:تفاهمنا بالدالة لا ؟
كاثرين : الشهر لي فات نتا لي تكسلت فيه وهاد الخطرة انا لي نستمتع بهاد للنهار الوحيد لي نقدر نريح فيه !
عندهم غير نهار واحد يقدرو يريحو فيه ويعصو اوامر تع لي عاليين عليهم
ناض من بلاصتو وراح وهو يعاير فيها بالدزيرية ... انا هي خلاتو حتى غادر البلاصة وطلعت سلاحها ووجهاتو للخدامات لي لفوق لي كانو يتفرجو وفيه وقالت بالطليانية والنار كانتتتشعل من عينيها
كاثرينا : وش مزالكم تديرو هنا ؟ ولا نمدلكم تصويرتو خير ؟
لوخرات خافو والهربة تسلك اعمي ...طلع انهم كانو يتفرجو فيه 😂✨ وكاثرين ديرونجاها الحال ايا قالت بلي اليوم تحفر ريسانهم ...ريحت فداك الكرسي ولبست نواظر تع الشمس والسلاح قدامها ومسترخية بابتسامة واسعة وكأنها تستمتع كي تكره حياة الناس لوخرين😂✨ فكرتني قشفيق تع سبونجبوب😂✨
...
-وش راه يصرا ؟
-مانعرف...بصح علاحساب وش سمعت من الزنقة قالك بلي راهي فيخالوطة كبيرة ... راهم كاينين لي يسيو يلحقو للكرسي فالوقت لي راه هو فالكوما !
-وشكون راه في بلاصتو فهاد للوقت ؟
- اسمها كاميليا****مرتو ...عندو قريب عام من لي تزوجها وهي من الدزاير
- تسما ندخلو رواحنا ولا مكالاه هاد الخطرة ؟ ولانقارع مشكل وحدوخر بش نقدر نشوف خويا ؟
TO BE CONTINUED...
هيلاااو ✨ نتمنى تكونو لباس ✨ بارت قصير خفيف ظريف ....واسمحولي اذا شفتو كش اخطاء املائية😅
أنت تقرأ
الكاتبة في روايتها (باللهجة الجزائرية)
Humorاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
