الكاتبة في روايتها (باللهجة الجزائرية)

✨غياب مفاجئ✨

بعد سيمانة كاملة من الحادث! لودوفيكو مازادش بان ... كاميليا ليمزال جرحها مابرا وراهي تكتب في كتاب جديد ... حلت عينيها غير بلاعقل على صوت تع قط يبكي ... حلت عينيها بلاعقل وشافت فالتاقة منين جاي هاداك الصوت ...حتى تشوف قط صغييير فوق الشجرة كان صغيير وبيض مخلط بالبرتقالي 😍... حكت عينيها بلاعقل وناضت بعكازتها للتاقة ... هاداك القط الصغير لي كان حاصل ماقدرش يصوطي ... 

راحت كاميليا تبسبسلو  بش زعما يجي لجيهتها علاخاطر الشجرة قريبة على تاقتها مي والو ! تنهدت بتعب بعد نص ساعة وهي بس بس بس بسبسبسبس... عيطت لماريا 

كاميليا : قولي لكش واحد يسلك هاد القط ... جيبيهولي امبعد 

ماريا :اه... مانقدروش ندخلو القطوط للدار...موسيو ...اه(خافت تهدر) ... مانقدروش مايحبش موسيو ...

دارت ليها كاميليا ونطقت 

كاميليا : راح ندخل قط برك ماشي كلاشينكوف 🙂... دخليه برك كي يولي من الفواياج تاعو اني نقولو اذا ماقبلش نرحل انا والقط نخليلو الدار ! 

اومئت لها ماريا بلاعقل وخرجت للقط هاداك 

...

بعد مرور ثلاثين دقيقة ...

بعد ماكلات كاميليا فطورها ولبست قشها ...جبدت البيسي تاعها وبدات تخدم على كتابها الجديد ... حتى سمعت طبطيب خفيف ارفت بلي ماريا... توسعت ابتسامتها كي شافت هاداك القط صغير بين يديها ... وقالت وعينيها عل. داك القط 

كاميليا : اوووووشحال صغيير ! جيبيه لعندي😍

حطاتو ماريا عند كاميليا ...القط داك مسكين مزال فيه الخلعة تع قبيلة كي حصل فالشجرة ...تبكم مسكين بعد ماكان يعيط لكثر من ساعة ...كاميليا لي كانت تحس بالدفء تاعو لي فكرها فلودوفيكو ... نلضت من بلاصتها وقللت لماريا

كاميليا: وجديلي باسانة وشومبوان للقط. ! راح ندوشولو !

ماريا : خلي نديرها انا ! راكي مريضة !! 

كاميليا : معليش ! معليش ! جيبي برك وش قتلك 😁✨

بدات عملية التدواش المستحيلة للقط ! كاميليا تجبد منا والقط مسكين الروح تاعو غرقت مسكينة😂 ... بعد معركة طويلة وصعبة نشفتلو الما هاداك ...رفداتو بين يديها وطلعاتو لوجهها بش تشوفو مليح وقالت 

كاميليا : هاه ! شفت اشحال راك نقي دك !!😍 نقدر ناكلك نورمال...

دخلت ماريا عليها جابت سرير للقط ...غير كيما حطاتونطقت كاميليا 

كاميليا: كيفاه نسموه ؟

خزرت. فيها كاميليا وفالقط ونطقت بكل اريحية 

ماريا : كي شفتو فكرني فالربيع ...كان دافي ...

ابتاسمت كاميليا ونطقت 

كاميليا : نسموه الربيع مالا😀

وخدتي القط مسكين😂💔

...

حطت كاميليا سبرينغ (اسم القط) في بلاصتو وحطتلو الحليب نسات كامل الجرح تاعها ... حتى جاها طبطيب تع الباب ودخل لورينزو وكانت ملامحو ماتعجبش

لورينزو:مساء الخير مدام...جاونا اخبار بلي الموسيو ماراحش يدخل للدار حتى بعد ثلاثة شهور ... عندو مشاكل كبار فالاراضي لي ورثهم ...علاهادي...الدار كامل والشركات لي فالطليان راهم تحت مسؤوليتك ...

وهنا ... من هذه السطور بدات الحالة تتبدل غير بلاعقل ! 

to be continued ...