كان قاعد فالبيرو تاعو كيما العادة خدام ...كانو عندة مشاكل مع الشركات لي كسبهم بعد زواجو ...لازم دك بفري كواغطو ... حتى قاطعو صوت تع طبطيب فالباب ...دخل لورينزو وكانو ملامح تاوعو يبانو بلي راه مقلق. وقال
لوريزنو:راهم جاو ضيوف ندخلهم ؟
طلع راسو ليه وكانت ملامحو مستغربة ...شكون هاد الضيف لي يجي بلا رونديفو ؟
لوديفيكو:شكون ؟
لورينزو:هاداك ... موسيو جواد وعايلة مرتك ...
اووووو سوبراييييز ماذر فااااذر ...تنهد بتعب ...عرف علاه جابهم ووش راح يصرا وقال
لودوفيكو:دخلهم ...واذا بغاو يديرو اي حاجة اقتلهم ماتكسرش راسك بزاف معاهم
توسعو عينيه ونكق بتوتر ناسي كامل الرسمياات
لورينزو: بصح. هادو عايلة مرتك !!!!!! 😃
خزر فيه لودوفيكو ونطق باللا مبالاة
لودوفيكو : وامبعد؟؟🤨
تنهد لورينزو ونطق
لورينزو: حاضر...
امر لورينزو بالعساسين لتم بش يدخلهم ويستقبلهم بالصالون في وقت لي يهبط لودوفيكو غير من التالكي
خرج لورينزو وكانو خطوات تاوعو مزروبين لسبب ما...ماقدرش يعرف بصح حواسو تقولو لازمتلحق لتم في سع
...
مزال رجلها مبرات مليح من االضربة قبل شهر...كانت تهود هادوك الدروج غير بلاعقل طامعة تدخل للصالون تتكسل شوية بعيد على شمبرتها لي قريب يحكمها الاكتئاب منها...الجنود مايدخلوش حتى لوقت العشا بش يتعشاو امبعد كل واحد يروح في شغلو دونك هادا هو المومون الشباب للإستمتاع بحياة الاغنياء...باقيلها سبعة شهور وتروح لحياتها الخاصة لجديدة ...اول ماقربت من الصالون كانت تسمع اصوات تعرفهم شوية بصح تجاهلت الامر وكملت مشيها كان عمبالها الخدامات لي راهم لتم ...بصح اول مادخلت وحطت عينها علىلي كانو قاعدين فالفوتاي تجمدلها جنب...جواد ،فريدة،الياس،كوثر ... ولات بخطوتين من الشوك وبشعرة مازلقت بعكازتها...وهي تشوف الياس لي ناض جاري ليها...ملامح وجهو لي باينين بلي منارفي وراح يقتلها...فريدة وكوثر لي نظراتهم كانو يستشفاو عليها...وبضربة وحدة راحلها الريزو ... بصفعة وحدة طاحت فالارض وعلى رجلها لي تنجرحت...
الياس: ماتحشميش يا&*#$& ! هذا وش كنا نقارعو فيك؟تهربي مع واحد رخيس !!!
جا حايضربها برجله حتى حس بضربة فوجهو ...بعد بخطوات للور وناضو فريدة وكوثر مخلوعات على الياس...دور الياس وجهو ولقاه لورينزو لي ضربه وقال بالجزايرية
لورينزو:عاود حط يدك عليها اذا ماقطعتلكش يدك !!
ضحك الياس بسخرية وخزر فيها ونطق
أنت تقرأ
الكاتبة في روايتها (باللهجة الجزائرية)
Mizahاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
