الكاتبة في روايتها (باللهجة الجزائرية)

✨النهاية✨

زوج غنيات طليانية ادمااان 😍 عقبو بيهم الوقت فالوقت لي تقراو فيه اخر فصل من الرواية الصغيرة هادي 🥰🤍

قراءة ممتعة💕

...

إيميليانا :دونك وش راح تدير دوك بجورجينا؟ 

تنهد لودوفيكو شاعل القارو تاعو ...وهكذا السيد راه مدخن باكي كامل ونطق 

لودوفيكو: مانعرف ...نقتلها ؟ 

رفدت يديها ورمات عليه كلمات خلاتو يتراجع عن التفكير بش يرحمها 

ايميليانا :مانعرف شوف نتا ... حولت تغتلكم وكانت معولة تقتل كاميليا وتقتلك نتا تاني ...رغم انو كإنتقام بصح كاميليا ماكان عندها حتى دخل فالحكاية بما انه كان لازم عليها تغادر بعد عام 

حطه هاداك القارو ديراكت ورفد الفيستا تاعو وقال 

لودوفيكو: مالا راح نقتلها 

إيميليانا :دبر راسك. ..حقا قولي كش اخبار عليها ؟ 

رفد راسو ليها وخزرفيها لمدة وقال ببرود 

لودوفيكو:كان بيناتنا عقد هذا مكان ... 

ايميليانا:روح شوف ليمن تحشيها لكاش بهلول تع الطريق! زعما ماعلاباليش بلي راككل يوم في شومبرتها 

خزر فيها وبدا يقلد في هدرتها ورفد باكي تع بابيي موشوار ولحوها عليها ونطق 

لودوفيكو:وش رايك كون تعسي روحك خير ! راكي تغملتي هنا 😑

تبسمتلو هاديك التبسيمة الصفرا وهو طلع رايح لعند جورجينا لي كان حابسها لخمس سنين بلا مايطل عليها كرحمة لأخر عنقود عائلته. ... اول مادخل عليها ولمعت عينيها كي شافت هاداك الوجه العيان والجسم الهزيل لي ولا فيه ...حست بقلبها لي توجع وبلاماتسبقه فالهدرة نطق لودوفيكو  فالوقت لي ريح فيه فللكرسي لي يقابلها 

لودوفيكو: عجباتك الحطة شوية ؟

تنهدت على سخافتو بإستهزاء وقالت 

جورجينا:على الاقل مانيش نشوف بشاعة الناس 

تبسم غير بلاعقل وخزر في عينيها الخضرين ونطق بنبرة ساخرة وموجهة ليها 

لودوفيكو:شوفو شكون راهي تهدر ! زعما نتي دخلتي متشردين لدارك وقمتي بيهم ؟ 

جورجينا :داري تحرقت ! بسبة وباباك !!!

وكانت ملامحها الغاضبة تعبر على الالم لي فداخلها بصح كان لودوفيكو منارفي كثر ونطق 

لودوفيكو:وكاميليا وش دخلها فالحكاية ؟؟

ناضت من بلاصتها بلاعقل وقربت منه جات حاتوشيه من يده بصح جبدها وتجاهلها بينما عينيه على تاوعها...قربت لنه وهمست 

جورجينا :علاخاطر داتك مني ...

بعدها عليه وقال بلاعقل بينما يرفد يده للحارس 

لودوفيكو:اسمحيلي راح ندي روحك ونرجعها لربي سبحانو ... مانقبلش نخلي واحد حوس يضر بمرتي حي ! 

توسعو عينيها وبداو دموع عينيها يطيحو على ضربة... كل الدموع لي لامتهم هاد السنوات بقات تخرج فيهم دوك وطلع هو داير روحو مش سامع بجدها ... بينما هي كانت تتقطع لمليون مرة ... قلبها لي ولا يقرسها وحست بدمها اامسموم ينشر فسمو على جسدها ... عينيها لي حرقوها من الدموع وحنجرتها ليةعيات من البكا ...شهقاتها كانو كافيين يعبرو على شحال حبت تنتاقم لأرواح عايلتها حست بروحها الفاشلة وهادوك الكلمات لي كان عقلها يطيشها عليها كانو كافيين بش يدمروها كثر وكانت رصاصة وحدة كافية بش تطفي هاد المشاعر والمعاناة هادو ...غير دم معمر بهمومها ورغبتها الشديدة فالانتقام لي سايل فالارض 

...

إيميليانا :ماكنتش متوقعة بصح راح تقتل بنت عمك لي كانت مخطوبة ليك !

شرب قهوتو وقال 

لودوفيكو:مالا قتلتها ! اذا ماأمنتينيش روحي طلي عليها في قبرها ! راح تلقاي اسمها كبير وواضح ينشاف من الدزاير 

ايميليانا :هاهاهها من نهار راحت من حياتك وليت تطلق فنكت يخوفوني ساعات 

خزروفيها لودوفيكو وكان كاره حياتو اصلًا وقال بكل برود

لودوفيكو:ماتزيديش تجبديلي سيرتها ... راهي راحت ولازم ننسى حتى انا 

رفدت لوخرى يديها تع خاطيني وقالت بينما هي تخزر فيه بنظرات ماكرة يقارعو ردة فعله 

ايميليانا :ماراحش نزيد نجبدلك عليها غير اذا حبيت تعرف وين راهي 

طار الكاس من يده وتسر ...يديه يرجفو وعينيه محلولين على مصرعيهما ونطق  بارتجاف

لودوفيكو:ك...كيفاه ؟ 

تبسمت ونطقت 

ايميليانا :اليوم راح تدخل للطليان اذا راك حاب تشوفها 

...

بعينين يعسو فالرايح والجاي ....قلب يسوطي كيما الكنغر ...دم شاعلة فيه النار والخوف انو مايشوفهاش كان متملكو ... نظراتو وهو يعس فأي واحد خارج من المطار وحراسو لي راهم داخل المطار تاني يعسو ...يديه لي يرجفو كي قدر يميزها بين كامل الناس ...ملامح وجهها لي زيانو ونضجو كثر والسيريو لي كان في وجهها عكس ابتسامتها الطفولية الحنونة ... رجليهفشلو موش قادر يتحرك بصح هكاك جاز الناس كامل ولتتفاجأ هي بمعناق شخص ليها بقوة ماسك براسها من اللور بلاعقل ويد اخرى خصرها ونطق بين دموعو 

لودوفيكو:توحشتك ...كاميليا 

توسعو عينيها وقدرت تحس بقلبها لي رجف بعدما ماحاولت تبرد كشاعرها ليه ...بعد ماعهدت روحها لاجامي تبان قدامه وتنسى هاد الحب لي كان غالط من اللول...طلقت فاليزتها وعنقاته هي تاني بين دموعها 

كاميليا : وانا تاني 

THE END...

وهنا تخلاص كرونيك هاذي 😍✨ خفيفة ظريفة ونتمنى انها نالت اعجابكم وشكرًا على متابعتها لأخر فصل 🥰

اطهلاولي في رواحتيكم ونلتقي بكرونيك خلاف "فراشة الصحراء"

تمت النهاية يوم 10/08/2023