الكاتبة في روايتها (باللهجة الجزائرية)

✨ارنب بين الذيوبة✨

اصبروا !! خلوني نستمتع بهاد للماكلة ياجدكم!!! علاه هاد الضغط كامل !!! علاه راكم تهدروا بالطليانية ماني فاهمة حرف !!! كون راهم يهدروعليا ؟؟ راني شابة هك ؟؟ كون زعما تيكي تع لاغوب راهي خارجة؟😱احاااااااا!!! خلوني ناكل براحتييييييي😫

...

هادو غير افكار تع كاميليا وهي فالطابلة مع اكثر من ثلاثين ...الطابلة لي كان يترأسها لودوفيكو وعلى اليمنى تاعو كاميليا و على اليسرى اليد الايمن تاعو... البلاصة تع كاميليا لي جامي ريح فيها واحد علاخاطر كانت مخدومة خصيصًا لمرت المافيا ... 

كانت كاميليا تحت ضغط كبيير لدرجة انها ماقدرتش تبلع الماكلة.والهوا لي كان ناشف ... حس لودوفيكو بالطابلة لي كانت تهز حتى حس بضربة في رجله ... فاقت كاميليا من دوامتها كي حست بلي ضربت كش واحد ...خزرت فلودوفيكو بش تقول بتوتر

كاميليا : اس...اسمحلي... مانحبش البلايص المعمرين بالناس... والمغلوقين ... 

كانت القاعة واسعة بصح لكاميليا كانت مجرد باطة تع سردين ... تيقانها الواسعين والكبار لي يدو للجاردان ... كانت من الداخل عبارة عن متحف ... حيوط مبنترين بكريم وكان كاين فوتايات و فورنو تع حطب كبيرر ... كانت الصاية مزينة بورد بيض مخلطة مع الاحمر وهادوك الثرايا لي كانو منورين الصالة كبار لدرجة انك تخاف لايطيحو عليك والتصاور والتماثيل لي كانو معلقين ومزينين كل جدار وزاوية ... كانت للصالة معمرة بالناس بصح منظمة كانت الهدرة قليلة وبالدالة ... بصح بالطليانية ...منظمة ماشي كيما واحد الشعب ✨😂يهدرو على ضربة وبالعياط ويفهمو قاع😂✨...فوضى منظمة اك فاهم😂

اومئ لودوفيكو فهدوء ونقل نظرو للوخرين لي كانوا يهدرو سكتو ديراكت عرفو بلي حايطلق كلماتو... حمحم خزر فكاميليا وقال

لودوفيكو:تفهمي اونجلي ؟ 

هزت كاميليا راسها بسرعة وقالت

كاميليا :وي نفهمها مليح ونهدرها ونقدر نخدم بيها تان !

دور راسه للوخرين ونطق بلونجلي 

لودوفيكو:من اليوم! تولو تهدرو باونجلي حتى تولي سيدتكم تقدر تهدر وتفهم الطليانية...ولي مايقدرلهاش يتعلمها يدبر راسه 

خزروا كامل فيها بنظرات مش مفهومات... كاين نظرات ترحيب ... كره ... حقد... برود...حياد ... هبطت عينيها لطبسيها وخزرت فداك اللحم لي كان يشهي بصح لسوء الحظ ماتاكلوش... فهم لودوفيكو حركتها علاخاطر حتى اللحم لي كان فالبلا تاعها كي كسرت رمضانها ورجع هكاك ... بش يكمل هدرتو 

لودوفيكو:هادي من اليوم هي ستكم... اي حاجة تقولهالكم تديروها وبدون مناقشة ... حمايتكم ليها قبل حياتكم ... بغيتو ولا مابغيتوش هادي اوامر مني...لي مايطبقهاش علابالو كيفاه تخلاص عليه...