احمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
فات شهر على كاميليا وهي فإيطاليا ... كتابها لي تنشر وبدا يطلع وزادت والفت المعيشة بين المافيا ولودوفيكو لي كانت تتلاقا بيه غير فالطابلة شوية هدرة خفيفة وخلاص... والفت كاميليا ونسات انها مخطوفة ... دراهمها لي بداو يدخلو والشركات والاراضي لي كسبتهم وبدات تخدم عليهم ...تحسنت حالتها النفسية شوية كي بعدت على عايلتها وعلى جواد والحومة ... زادت كتيباتها فالواتباد كثر وماكثر لدرجة انهم بداو يكتبو نسخ ويطبعوهم وهذا وش دعم كاميليا بش تكتب كثر ... ميشال لي سبحان الله اختفى... ممكن راه يوجد لسوربريز 🌚✨... واليوم هوالنهار !!! نخليهالكم سوربريز
...
ناضت كاميليا من رقادها تحت هدرة الخدامة بالايطالية... نسيت ماقتلكمش !!! تعلمت تهدر الايطالية ...اسمها روزا لي كانت كصديقة لكاميليا
روزا: هيا نوضي مابقاش بزاف ويلحق باباك !
غير سمعت كاميليا اسم باباها ناضت ديراكت من الرقدة تع اهل الكهف 😂 سوطات من سريرها وكانت الابتسامة قريب تطيح من وجهها وقالت بنبرة حماس وفرحة كبيرة مابانتش شحال ... ماشي شهر ولا شهرين... شحاااال ... راحت للصالدوبان وغسلت وتوضات وراحت تصلي ... بعد ماصلات راحت ديراكت تلبس قشها وزوقت روحها
هادا وش لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(راحت للطليان وتعلمت تلبس😂✨)
المهم شوية مكياج شوية ريحة وكيجات خارجة والحماس حايطرطق من عينيها حبسها واحد من رجال لودوفيكو وقال بالانجليزية علاخاطر حتى واذا كانت تفهم تفهم غير خفافي برك
****:صباح الخير مدام... البوس راه يحوس عليك
تنهدت كاميليا وقالت بعدما انطفئت الشعلة
كاميليا :راني روطار دك يلحق بابا !
****:مزال طيارة الموسيو بش تلحق...حتى بعد اربعة سوايع
كاميليا :كون يتغلق الطريق ؟ولا الطيارة تقلع قبل الوقت ؟ ....(زفييير ) ...ديجا كان عمبالي بلي هاد البوس ديالك نسا بلي كاين ضيف فهاد الدار !😑
...
دخلت البيرو ديالو وكان...في حالة كارثية ! الاوراقي كامل متطايرين فالسما فالارض فالسقف... لودوفيكو لي كان غارق داخل الاوراقي هادوك وحالتو مش حالة تقول متشرد طلع من تويو تع البترول هاداك الكبييير😂
