توسعو عينيها وهي تشوف فديك اللمعة تع الموس هاداك ... دقات قلبها لي قريب يطلعو ويخبطو مع المراية ... وذنيها لي ولاو يصفرو...عينيها لي ولاو يرمشو بعدم التصديق وهي تشوف فديك المرا شادة داك الموس تلعب بيه بابتسامة تخوف... غوب قصيرة لواحد الدرجة ومذيقة عليها قريب تطرطق...شعرها الكحل لي كان مرفوع على شكل ذيل وماكياجها لي دارتو سموكي مع غوج حمر يقتل... كانت بزاف شابة لواحد الدرجة ! ولات تشوف في روحها... تنهدت ودخلت مكياجها فساكها وطلعت بالزربة وهي تلهث بينما هاديك المرا كانت تبع كاميلا بعينيها ...بعينين حايقتلوها عن قريب !
...
راحت كاميلا تحوس على لودوفيكو بش تقولو على وش شافت ويعس روحو ... عينيها لي كانو يتجولو بالدنيا كامل تحوس عليه بعينيها ... وفجأة طفاو الضواوي كامل ...زادو نبضاتها والصمت فالقاعة كانت يخوف ... قعدت تخمم في واش راح يصرا ...اذا راح يكون هجوم وحدوخر كيما من قبل الحاجة الوحيدة لي كانت في فمها وعقلها هو اسمو... وبصوت عالٍ وخايف عيطت
كاميلا : لو...لودوفيكو !!
ماكان حتى اجابة ... زاد الستراس تاعها وزادت عيطت بالجزايرية قد ماعندها
كاميليا :لودوفيكو يالحمااار!!! راح نموت من الخوف ... وين راااك !!
... بصح هاد الافكار كامل طلعو اول ماسمعت نوتة من البيانو ومنها تشعلو ضواوي زرقين خفاف ولقات روحها بين حشد من الثنائيات ... لقات روحها فلابيست يا اخوة ! وقبل ماتخرج حست بيد جبدتها ليه ويد لوخرة حاصرت خصرها...طلعت عينيها ولقاتو راجل ماتعرفوش ...كان عندو عيني عسليين وشعر شاتان مع لحية خفيفة وكان بوقوص 🌚✨ مع الكوستيم الكحل زادتو غير جمال وخلا من لون شعرو تبرق ... جات حاتبعد منو بصح هو ضمها اكثر ليه ونطق بالطليانية
إيفانو: اسمحيلي...بصح الخطرة لي تدخلي فيها لهاد البلاصة ماراحش تقدري تطلعي منها
اخذت خطواتهما في زوج مع لحن تع الغنية ... وقدرت تلمح لودوفيكو لي كان يحوس عليها تاني بعينيها بصح حكمتها الفاجعة كي لقات هاديك المرا تع مقبيل معاه بنفس حالة تع كاميليا و إيفانو ! قدر لودوفيكو يلقاها بعينيه بصح طلعلو الحمار الوحشي للدماغ كي شاف يدو في خصرها ...جاحايفك على ديك اللسقة بصح والو ... خزر فكاميليا لي كانت تاني تهدر معاه غير بعينيها
"وش راكي تديري لتم ! بعدي على جده"
"مابغاش هاد الحمار يبعد ! قالك مانقدرش حتى تكمل الغنية "
" ايه قوليلو وش رايك يغنيلك راجلي في جنازتك ... حايغنيلك مايكل جاكسون "
"هاهاها تضحك ! بعد عليها "
"للأسف مام انا مانقدرش"
تنهدت كاميليا وخزرت فلودوفيكو بخزرة تع"حاندير خدعة تبعني " فهمها غير بالنظرة وهز راسو بإيه ... عاودت خزرت فإيفانو وقالت بالطليانية
أنت تقرأ
الكاتبة في روايتها (باللهجة الجزائرية)
Юморاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
