الكاتبة في روايتها (باللهجة الجزائرية)

✨خرطي في خرطييييي ✨

"زلزال قوي ضرب شمال ايطاليا امس البارحة بدرجة 4.6 ولحس الحظ لم يتم اصابة بأي اضرار مادية ولكن الزلزال تسبب بصم العديد من سكان ايطاليا " 

اااا هادي كانت غير صرخة تع كاميليا كي قاللها لودوفيكو نتزوجو😂💔

كاميليا:شوف خويا ! ماعلاباليشوش عجبك فيا ولا وش راك حاب مني ! بصح غير شوف كش طبيب يداوييك ! منيتك نتزوج بيك؟ وزيد وشنو ؟خاطفني وبلا بابا ويما ولا تقاليد ؟؟؟!اذا راك حاب تتشوط فجهنم تشوط وحدك ! 

جات حاتخرج من لاشومبر ... جبدت الباب ولقاتها مغلوقة ... زفرت الهوا لي كان داخلها بش تدور للودوفيكو لي كان مريح في سريرها ويشوف فيها بابتسامة ...لزم نستعرفو...كان شباب🤍🌚 ...بصح غضب تع كاميليا اكثر .... حاولت تكالمي روحها ... غمضت عينيها وعاودت حلتهم بعد ماريحت ملامحها بش تقول بابتسامة باينة بلي راهي جابدتها بالسيف

كاميليا :خليني نمدلك فرصة بش تفسرلي هاذ القرار الغبي 

لودوفيكو:حمدالله كي خلتيني نهدر ... راح يكون هاد الزواج تحت عقد يحميك ... بيما انك راح تبقاي فايطاليا لمدة ماراحش نحبسك فالدار ديك المدة كاملة ...حانخليك تعيشي حياتك ... انا لي راح نستفاد من هاد الزواج علاخاطر عندي واحد الاراضي والشركات تع العائلة كان شرطهم انو ك نتزوج يولو ليا...وبعد الطلاق راح يكون عندك عشرة ملايين يورو كمكافئة 

خزرت فيه كاميليا بحدة وقالت 

كاميليا :ماراحش نقبل حتى تكتب هاد العقد لي راح يكون فيه مكان حتى اي تواصلل جسدي زعما حلال ولا مرتك وراجلي !!!لن تحشيهالي ياراجل😑 وكي نقول كش حاجة ني منيتي ... ني حابة حاجة وحدوخرى ...بعد الزواج تمدلي بعض من شركاتك واراضيك ...بيانسور لي راهم بعاد على المافيا مانيش حابة نباسي و يعيش كل واحد في دار .... هكا نكونو متعادلين ماشي غير نتا لي تربح 

ابتسم لودوفيكو لذكائها وكيفاه رجعت الصفقة لفايدتها...اتعلمو سيداتي ... 

...

حلت كاميليا الوتباد ولحسن الحظوظ الكونيكسيو خفيفة على حيوان الكسلان تاعنا😂😭 مع انفصالات الجزائر 😂

وياليتها لم تفتحه كان مطرطق من الميساجات والتعليقات ... كانت فسريرها بوضعية القرفصاء ...شمرت يديها و دارت نواظر لي طلبتهم من لودوفيكو وبدات خدمتها... بينما هي تتجول فالواتباد وترد على الميساجات قررت انو تفتح كونتات جدد تع المواقع التواصل بش مايفيقوش لوخرين كيما علابالكم راهي تحت صفقة ... والمليحة انها فإيطاليا و جواد ماراحش يلحقلها ...حلتهم وطلت على ليكونت تاوعها وين لقات انهم افيشاو فيه الاختفاء تاعها ... كي جات تقرا لي كومنتار ... لقات انها عبارة عن بوكي تع السلبية وسوء الظن ... كامل قالو انها هربت مع صاحبها لكاش بلاصة ... انه خلات الدار وراحت ومكالاه نقولكم على المصطلح الجميل المحترم .... ولي قال انو ممكن خطفوها صح وراهي مطيشة فكش بلاصة ... الحاجة للوحيدة لي لقات انهم صح سيريو هم الاعلام لي كانت تدير حملات بش يلقاوها بعد ثلاثة ايام .... دونك كاميليا كتبت كومنت فيه تقول "مجتمع متدني الكستوى الطفلة مكانشها ونتوما تهدرو على التمسخير لي راكم معمرين راسكم بيه ... ممكن راهي مطيشة كي القط المدحوس فالطريق ونتوما حالين خماجكم ... الطفلة مسكينة راهي مخطوفة ونتوما تردو السبة كامل فيها ... هادي هي السبة وين بلادكم ماهيش حابة تتطور"