ريحت فسريرها وخزرت فديك الورقة لي تقطعت لأطراف ... تنهدت بتعب...وكانت هاديك التنهيدة متقطعة فاللخر وحست بواحد السخانة فعينيها ...ورجعنا لحكاية تع بكا ... بدات شهقتها تعلا وتعلا ودموعها لي يطيحو بالتريبل تقول سباق ... غطات عينيها بيديها بش زعما تحبسهم بصح والو ...كانت غير تبكي وتزيد وتزييد ... شهقاتها لي ولاو يخنقوها ...حتى حست بيد دافية تعنقها ...طلعت راسها ولقتو باباها منير لي كان معنقها ويضرب ظهرها بلاعقل
منير :خلاص بنتي خلااص...انا لي غلطت وجبتو معايا ...
مسحت دموعها في تريكوها وقالت
كاميليا :ماشي الغلطة تاعك ابابا... مكنش علابالك
تنهدت منير وكانو عينيه يعبرو على الحزن تاعو...بنتو الوحيدة راهي تعاني ...حتى بعد ماخرجت منا وحسب انها تهنات ...جاب الهم ليها ... رفدلها راسها بين يديها وقال
منير : لا الغلطة تاعي يابنتي...كانت غلطة تاعي من اللول ... مكنش لازم عليا نتزوج بعد يماك ونخليهم يحقروك ويديرو الويل فيك...وكان لازم عليا نحميك من اي حاجة...
يمات كاميليا ماتت منذ مدة بمرض السرطان ... وكانت هي الوحيدة بيناتهم...عايلة منير لي سيفو عليه الزواج من مرا وحدوخرى ... فاللخر تزوج بيها ...وكان عمبالو بلي هادي افضل فكرة حتى يعوض حنانة الام لي راحت من كاميليا...يصح فالاخر كان يشوف فيها تتعذب بيناتهم... وماقدر يدير حتى حاجة...
...
فاتو شحال من ساعات من البكا...فرغت كاميليا راسها وقلبها بدموعها و رقدت ديراكت... حطها باباها منير في سريرها وغطاها وخرج...وهو يخمم كيفاه يقدر يصحح اخطاؤو ... بصح تعرفوا مقولة ؟ تقول القوة والسلطة تكون بالمال✨
منير كان أستاذ فواحد من المؤسسات ... ودكا ماولاش يخدم ...وش يقدر يدير حتى يكون دعم قوي لكاميليا ؟ مالغري دكا لودوفيكو عاطيلها كمية كبيرة من الحماية والقوة...بصح ...علابالنا بلي ماراحش تدوم ...
...
ناضت كاميليا صباح بعد ماحست بيد حنينة توشي خدها...لقاتو باباها لي كان وجهو مزين بابتسامة...تبسمت معاه وقاللها
منير :صباح الخير...هيانوضي ماشي اليوم هو الميت آب تاعك مع دار النشر ؟
تفكرت وناضت بالزربة...الميت آب هو لقاء وين يكونوا علاقات تع اعمال ...وقالت بزربة
كاميليا : اول مؤتمر ليا وراح نكونلو روطاااار 😨
ضحك منير وناض من بلاصتو وقال
منير :مزال الحال بغرضك بغرضك...مزال زوج سوايع للمؤتمر ...تخافي تروحي تلقايهم مزالهم راقدين
حبست كاميليا ودارت زفيير طويل اشارة على الراحة وعيطت لروزا لي موالفة تعاونها بش تعاونها...تعتبرها كيما صاحبتها تونسها فهاد الغربة
أنت تقرأ
الكاتبة في روايتها (باللهجة الجزائرية)
Humorاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
