حست بحاجة دافية فنيفها ...ات تحلهم غير بلاعقل وشافت روحها فشومبرتها ولودوفيكو لي كان مسند على الحيط مغمض عينيه...قلبت عينيها للتاقة ولقات مزال الضو...رفدت يدها لي كانت دافية لقاتها مضمدة تاني وتوشات نيفها ولقات زوج كومات تع قطن داخل نيفها وهي قاعدة تقول علاه ماقدرتش تتنفس...ناضت من بلاصتها وبلا مايحل لودوفيكو عينيه قال
لودوفيكو:ريحي في بلاصتك لا نكمل عليك !
حبست في بلاصتها وقالت بلاعقل
كاميليا :وش صرا🌚
نسيتي حلبة الصراع لي درتيها قبيلة واقييل ؟
حل لودوفيكو عينيه وشاف فيها وقال
لودوفيكو:مزالكي لتم ؟ ماشي قتلك ...
وقبل مايكمل هتو لقاها عاودت ولات لسريرها وتكسلت وقالت
كاميليا :خلاص فهمنا ! جيفني خير😑 دكا قولي وش صرا
تنهد لودوفيكو وقرب منها للاتابل دونوي لي قدامها وراح يعمر الكاس بالما ومدهالها
لودوفيكو:اشربي هذا ما وسكر... قبيلة تغاشيتي علاخاطر كليتي صفعة تع كلاب قريب صرعاتك 🙂
بانو تجاعيد تع جبهتها وقالت
كاميليا :وهو كش ماصرالو ؟
تنهد لودوفيك و وقال :نن ماصرالو والو بصح قليل لي دارو فيك وتسقسي عليه !؟
وقبل ماينتظر الاجابة لقاها ناضت من بلاصتها للباب والبركااان طلع لراسها وهي تقول
كاميليا : شاه قط هادا بسبعة اروااح ؟! كيفاه ماصرالو والو بعد الدق لي كلاه مني ؟
سكت لودوفيكو علاخاطر فهمها غالط...عمبالو بلي كانت كقلقة عليه طلع كانت حاباتو يتكسر 😂...وظهر شبح ابتسامة بصح قبل ماتخرج نطق
لودوفيكو:أرواحي نشوف جرحك
دارت ليه وقالت بعد ماتفكرت باباه
كاميليا :بابا علابالو ؟
لودوفيكو:نن...ماقتلوش بش مانضخموش الحالة
كاميليا :ايا مليح كي راه عندك مخ تخدم بيه🌚✨
عاودت قعدت كاميليا فالسرير قدام لودوفيكو ...طلع يدو بش يشوف جرحها لي فخدها حت ى تشوف شقة كبيرة وواسعة وجديدة فيده...حكمتها وقربتها لعندها وطلعت عينيها ليه وقالت
كاميليا :علاه ماقتلتوش ؟ ماشي هادي هي هواية تاعك؟🌚
تنهد لودوفيكو وقال :الله يهديك ياطفلة ! راكي وليتي تخممي غير فالقتل...ديجا امب نتفاهمو على الضرب لي وكلتيه ليه
كاميليا :يستاهل😤🙄
خزرت فالجرح ... وجبدت الباسما والدوا لي كانتف التابل دونوي وبحطتهم عل الجرح...كانت النية اوي جرحها عشات هي لي داواتو😂
....
بعد ماكملتلو الدوا حطت يده وقالت
كاميليا :خلاص ني درتلها الباسما ! دكا اطلع لبرا مانيش حابة نشوفك🌚
أه؟وش صرا ؟
خزر فيها لودوفيكو وقال :قالولك زعما انا لي راني متوحش فيقورتك ؟؟ زوج سيمانات وانا محبوس بش فاللخر الورقة عندك !! مزال ماتفاهمنا على هادي امدام 😑
كمل قال : حابتني نخرج ؟ هنا يمووت قاسيي😊🙃
خزرت فيه كاميليا بنظرات الموت بصح تنهدت وحست بواحد التعب لي طاح هليها ...نحات هادوك القطن لي كانو فنيفها كانوا فيهم شوية دم وحطتهم فالطابل ة...تكسلت ودمرت لودوفيكو برجلها بش ينوض ... وناض ... بصح ريح فالكرسي لي كان قدامها ...
كاميليا : ني رايحة نرقد ماشي بش نموت😑
لودوفيكو :براحتك عمري🥰 ماتخافيش على الناس وش يقولو عليا بعد ماخليت مرتي مبليسية والدمومات ومغاشية ونروح نجيب دراهم يسواو دوبل عليك ؟😊
اههه يا لودوفيكو ! طلعت تدير الحسابات وحنا لي كان عمبالنا بلي بدات المشاعر الحب تبان🌚💔
زفرت كاميليا الهوا لي كان داخلها وعطاته بظهرها وقالت تحت نيفها بصح سمعها
كاميليا :يندم الواحد كي يهدر معاك...روسوفار تع البوس توجور عندك الصرف ابنعمي 😑
سند بظهره وطلع تيليفونو يكونيكتي شوية وهو يشوف فديك الباسما لي دارتهالو كاويليا لي غرقت ديجا فالمنام
...
سمعت صوته وهو يهدر بالايطالية...ماشي كامل كيف كيف كي يهدر بالدارجة...تنهدت بالتعب ودارت المخدة فوقها تسيي ترقد مالغري هو يهدر فالتيليفون وقاعد يدور فالشمبرة...صبرت ...وصبرت....وصبرررت....وصبررررت ....وصبررررت حتى ولات صباارة🌚 وبوووووووووم مخدة للوجه ! طاحت المخدة فالارض وكوبا عل تيليفونو بلاعقل وطلع عينيه من المخدة هاديك لعندها بنظرات تقتل وقالت هي بالتشناف
كاميليا : حاب تهدر اهدر برا ! ماشي تقرعجلي راسي هنا !
تبسم لودوفيكو هاديك الابتسامة تع الشيطان وقال وهو يمشي للباب تع برا
لودوفيكو:راكي هنا دك نولي !
تنهدت كاميليا براحة بش تزيد تدخل مليح فالفراش وترقد ...بصح ...القادم ازعج😂✨
...
الصوت كان ازعج من قبيل ... صوتو راه عالي ... وراه كاين اصوات وحدوخرين ...حلتعينيها بلاعقل وتوسعو كي لقات بلي نقل البيرو ديالو كامل لهنا ! لشومبرتها !!! صوتوكان عالي من قبل و الخدامين تاوعو لي كانوا يهدرو وطلب منهم يرو بصوت عالي ...فهمت سبة هديك الابتسامة ... اهيا لودوفيكو !ناضت من بلاصتها رافدة متها بخطوات متسارعة...شافها لودوفيكو ابتاسم وقال
لودوفيكو:أووو حبي صباح الخير ! نتمنى انو ماديرونجيتكش
قريبت منو وجات حاتلوح عليه المخدة مرة وحدوخرة بصح هومر كرسيه للور شوية وهي راطات... وبما انو جبدت المخدة مليح رجعت هاديك القوة عليها وطاحت... وعلى من ؟ على لودوفيكو 🌚😂
.
.
.
بارت صغير وكيوت وفكاهي مع الاعداء دياولنا لودوفيكو كاميليا😂✨
صحا صحوركم 💞😊
أنت تقرأ
الكاتبة في روايتها (باللهجة الجزائرية)
Humorاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
