فاتت سيمانة والسيد مازال ماحل عينيه...كاميليا لي توجور قدامو شادة يديه وتدعي انو كي ينوض مايقلهاش هنا ...كانت تدعي انو ماتصرالوش حاجة كيما هك مرة وحدوخرى ...كانت تبقى معاهليلونهار ماتتحركشمن بلاصتها وماتبعدش عينيها عليه غير اذا خدعها العيا ورقدت ...كانت قادرة تحس بالدفا تاعو ... بصح ماراكش يبقى بزاف ويعاود يوليلها البرد لي كان يمشي في عروقها قبل ماتقابلو ...
...
كاثرينا: دوك كي تروح هي شكون حايلتهى بخدمة البوس ؟
تنهد لورينزو وقال : مانعرف...ليتخ ف كثر هي اذا راح يقعد باير بعدها...بالسيف بش تزوج امبعد نلقاوبلي هاد الزواج غير تع ورقة ...وكثر من هذا الحالة راهي تقراص فالمافيا
رجعت كاثرينا راسها للور ونطقت بتعب بعد ماغمضت عينيها
كاثرينا :كثرو الخيان فهاد الوقت
لورينزو:ايه ...كنت طامع تكوني منهم ...
طلعت كاثرينا راسها ليه ونطقت بالزعاف
كاثرينا : وش عمبالك انا قط عندي سبعة ارواح ؟ مزالو حي دوك ينوض يجغمهم بلا مايقدرو يحطو عينيهم على الكرسي تاعو
ضحك على هدرتها وقال
لورينزو:وش رايك نجيبو كش حاجة ناكلوها ني ميت بالجوع...وتاني نجيبو للسيدة حاجة راهي ماتحركتش من لتم
اومئت لها كاثرينا وطلعو من لتم مخليين حراس يعسو ليطاج لي كان فيه غير لودوفيكو ...
...
واحد الهدوء كان يخوف وقشعريرة كانت فجلد تع كاميليا ...شافت من التاقة ومالقاتش لورينزو وكاثرينا ... عاودت رجعت عينيها للودوفيكو ...شي ثواني برك دخلت ممرضة بشاريو فيه لبرى ودواوي ...
الفرملية: مدام...راح ندير التشكة لراجلك
ناضت من بلاصتها وقالت
كاميليا :بصح من نهار لي دخل هنا مادار حتى لبرا ؟ علاههادي ؟
خزرت فيها ديك الممرضة ونطقت
الممرضة:هادي بش تعاونو ينوض ...
تنهدت كاميليا بصح شعورها كان يحس بلي كاين حاجة غالطة ... قربت هاديك الممرضة بقرعة تع سائل وفيه كتيبةوتشكة ... وكاميليا زهر ربي خزرت فديك القرعة وشافت انو محتواها غالط بالكامل ! يعني كون مايكونش التشخيص صحيح راه يقتلو نورمال (خاطيني ميدسين ماقدرتش نمد اسم وعندي بزاف من لي تفرجت هاوس😭)...كان وجه الفرملية مغطي بطريقة مثيرة للشكوك ... قربت كاميليا بحركة سريعة وجبدت هاديك البرة لي تعمرت بداك الدوا ورماتها فالارض...درات لعندها لوخرة وعرفت بلب فاقتلها وجات حاتضربها بدبزة ايا كاميليا تفاداتها وجات حاتمدلها ضربة بيدها لوخرة بصح هاديك الفرملية تفاداتها تاني ... الفرملية لب كان تركيزها فاللبرة وكيفاه حاتغرسهالو وتقتل جدو ...اما كاميليا استفادت من تركيزها وجبدت البافات بش يبان وجه مالفة تشوفو فطابلة العشا كل يوم ... توسعو عينيها ونطقت
كاميليا : ماتيلدا ؟
جبدت عليها ماتيلدا بضربة بيسك كشفتها وضربت فكاميليا لي طاحت للور قريب من اللبرة ... قربت ماتيلدا لديك اللبرة بش ترفدها بصح حكمت كاميليا يدها وجبدتها للرض ... وخنقتها ... خزرت ماتيلدا فالبرة ورفدتها زعما بش تضرب بيها كاميليا بصح حكمتها كاميليا بيد لوخرة وكانت تتصارع ببسيف ... واحد ...زوج ... ثلاثة ...بعدت كاميليا بسرعة فائقة قبل مات متغرسها فيها ...ماتيلدا خذات الفرصة وراحت تجري للودوفيكو بش تحقنهالو ...بصح اول ماجات حاتضرب حت بوزن ثقيل موراها ...يديها محيطة برقبتة ماتيلدا ورجليها بخصرها لي خلاها تفقد توازنها وتولي للور وتطلق هاديك البرة ...وطيحتها فالارض وهي تجبد فيها وتعصرقد ماقدرت ولوخرة قاعدة تتخبط وحدها حتى سمعت كاميليا صوتتع باب يتحل وفيها لورينزو وكاثرينا وهوما يشوفوفالمنظر بهاد الوجه👁👄👁
...
بعد ماداتها كاثرينا قعد لورينزو مع كاميليا يسقسي فيها ... بعد مالقاو الحراس طايحين فالارض نايمين عرفو بلي كان كاين حاجة ...
لورينزو: تسماكانت حاتغتال البوس ؟
بيدين يرجفو ودموع متحجرين في عينيها قالت
كاميليا :اييه ... هكداك
كانت شادة فلودوفيكو بلافورص مش معولة تطلق يده ...كون جا زعما يحل عينيه كون راهي وجعاتو كثر من الرصاصة ...
لورينزو: وشنو هوما اوامرك سيدة... نتي لي راكي مسؤولة دوك على كل اعمال السيد
خزرت فيها وتبدلو عينيها تشعلو فيها نيران قريب لاقتلت بيها لورينزو ونطقت
كاميليا :بدلو بلاصة لود فيكو ...ادوه لبلاصة بعيدة مايعرفها حتى واحد من المافيا... واحكيلي على التمرد لي راهم دايرينهم
تنهد لورينزو وقال
لورينزو: بدات مجموعة من لافاميليا فالتمرد وخروج من الطريق ... الرئيس تاعها مزالو مجهول بصح اعضاءها كاين لي معروفين وكاين لي لا ...هادو راهم حابين ينحو لودوفيكو من الكرسي ...راهم حابين يدو كلشي ...ويقدر مام تكوني مئتهدفة ويدوك ك
كاميليا :اطلقو هاديك الشداية تع قبيلة وعسها وين تروح !
لورينزو:بصح كون تولي لهنا ؟
خزرت كاميليا فيه وقالت
كاميليا :علابالك وين نحطوه ؟
لورينزو:وين ؟
خزرت فل دوفيكو وقالت
كاميليا :لبلاد يماه ...لالجيري
...
وييييي شوفو شكون ولاات💖😍 توحشتوني ولا توحشتو لودوفيكو ؟
المهم بارت خفيف ظريف قبل مايولي لودوفيكو لبلاد يماه 💖✨ وكاميليا مابقالهاش بزاف وتحكم طريقها ...يادرا وش راح يصرالهم ؟...وهاد الشي كامل قبل مايعتارفو لبعضتهم😢
تبعو القصة لي راح نكملها في يوم لايعلمون🙂✨
أنت تقرأ
الكاتبة في روايتها (باللهجة الجزائرية)
Humorاحمم... راكم لباس ؟ حمدالله🥰 ... انا ... لي زهري معوج من عام فرعون 😥... اصبروا نعرفكم بروحي ... كاميليا خمسة وعشرين سنة ... عجوزة آي ناو🙄💔المهم ... الخدمة مانخدمش ... الله غالب الجزاير ... بدات الحكاية كي اختاطفوني 🌚💔 حكاية طويلة وعريضة داك ا...
