Dear My King ( Taekook ) [ SEASON 1 ] ( Completed )

Dear My King : 11

Unicode

"သမားတော်ကြီး !"

ပူပန်မှုကြောင့်‌ရော ဒေါသကြောင့်ပါအက်ရှလာတဲ့အသံက မာထန်နေသည်။သို့သော်ငြား တစ်ဝက်တစ်ပျက်မှာ ရပ်တန့်လိုက်ရသည်က ပိုးဖဲအခင်းထူထူထက် တစောင်းကလေးရှိနေသည့် ကျောပြင်ငယ်လေးကြောင့်သာ။

"စိတ်ပူစရာမရှိတော့ပါဘူး မင်းကြီး ~ အခုလေးတင် အိပ်ပျော်သွားတာပါ ~ "

ဘယ်လိုတောင် ချက်ချင်းဆိုသလိုရောက်လာလဲမသိပေမယ့် မျက်နှာတည်တည်ထက်က ချွေးသီးတို့ကြောင့် အလျင်စလိုပြန်လာခဲ့မှန်းသိသာပါသည်။အရိပ်အကဲသိသူပီပီ ငုတ်တုတ်ထိုင်နေရာမှ ချက်ချင်းထလို့အရိုသေပေးရင်း လျှောက်တင်လိုက်သည်။

ထိုအခါ မင်းကြီးက ကျောပြင်လေးရှိရာဦးတည်လျှောက်သွားပြီး ထိုင်တော့ သူက အလိုက်တသိဖယ်ရှားပေးကာ အနောက်အနည်းငယ်တွင် နေရာယူလိုက်သည်။

"ကိုယ်တော့်ကို အကြောင်းစုံလျှောက်တင် ~"

"ကိုယ်လုပ်တော်ဂျွန်က အရေးပြားထိခိုက်စေတဲ့ ကရပွေးအမှုန့်ကို သုံးဆောင်မိတာပါ ~"

"ဘယ်လို !"

သမားတော်ကြီးရဲ့စကားကြောင့် ထယ်ယောင်းလက်သီးကိုကျစ်နေအောင်ဆုပ်လိုက်မိသည်။စိုးရိမ်ရေအမှတ်ကလည်း မြင့်လာရသည်။ဒီလောက် စနစ်တကျစီစဉ်နေတဲ့ကြားက ဒါမျိုးဖြစ်လာတာသွေးရိုးသားရိုးမဟုတ်တာသေချာသည်။

ဒေါသအငွေ့တို့ လွှမ်းလာတဲ့မျက်သားတွေက နီတက်လာသည်။တစ်ဖက်လှည့်ကြည့်မိတော့ တစ်စွန်းတစ်စထွက်နေတဲ့ ပါးဖောင်းလေးထက်ရှိ အနီစက်အကွက်တွေကြောင့် မေးကြောတွေပါ တင်းခနဲဖြစ်လာသည်။

"အထိန်းတော်ကြီးရဲ့ လျှောက်တင်ချက်အရ မုန့်ချိုသုံးဆောင်ပြီး အခုလိုဖြစ်လာတာပါ မင်းကြီး ~ အရေပြားယားယံလာပြီး အဖုတွေထွက်လာတာပါ ~"

"ဖြေဆေးရော ? "

မင်းကြီးက သာမာထက်ငြိမ်နေသည်။သို့သော် ထိုသည်က ပိုလို့ ကြောက်စရာကောင်းသည်။ကိုယ်လုပ်တော် ယခုကဲ့သို့ဖြစ်ရခြင်းဟာ အာဏာရှိတစ်စုံတစ်ဦးရဲ့ပရောဂမကင်းမှန်း သမားတော်ဂျင်ကလည်း နားလည်သည်။သက်သေမရှိတော့ မင်းကြီးက ခံပြင်းနေတာဖြစ်သည်။