رواية رأيته في منامي فنجّاني

الفصل السابع عشر

"رواية رأيته في منامي... فنجّاني"
"الفصل السابع عشر"

ثم اكمل طريقه إلي المشفي كما اخبرته الحاجه"رئيسة" بالهاتف حيث اسرع مهرولًا إليها و قلبه يكاد يتوقف من الخوف و الفزع فهذة الحالة من القلق لم يتعرض لها من قبل ...

حمزة بعد ان وصل للمشفي و ذهب كي يستعلم عن غرفة الحاج "علي"  : لو سمحتي فين غرفة الحاج علي
الممرضه: علي ايه؟!
حمزة: علي ربيع
الممرضة: لا ده مع اشرف عبد الباقي يا فندم
حمزة: انا مش بهزر هنا يا انسة انا جاي للحاج علي ربيع
الممرضه: هو اسمه كده؟!
حمزة: تقدري تتأكدي بنفسك
الممرضه بعد ان بحثت عن الاسم وها هي قد وجدته ثم قالت بحرج: انا اسفه يا فندم بس هو الاسم فعلا موجود في اوضه٩٢٥
حمزة:  شكرًا
الممرضه: العفو

"ثم اتجه إلي الغرفة رقم ٩٢٥ كما اخبرته الممرضه ثم طرق الباب و دلف بعد ان أذنت له الحاجه" رئيسه " ليري الحاج "علي"  ممددًا علي الفراش كجثة هامده لا تقوي علي فعل شئ سويٰ النظر حوله فقط بين كل آنٍ والاخر .. "

"تقدم" حمزة " من الفراش ثم جلس بجانبه واضعًا كفه فوق كف "علي"  ثم اخذ ينظر له و يتحدث بكلمات غير مسموعة و كأنه يقرأ ويتلو عليه ما تيسر له من القرآن...

"اما" دليلة " فكانت تجلس و ملامح وجهها يكسوها الحزن والقلق حتي علي صديقتها وايضًا قلقة لعدم مجئ "حمزة" و ظلت تقول بداخلها "لعل تأخيره هذا خير" 

دليلة بنبرة استفهامية لصديقتها:  طب وهتعملي ايه يا شيماء؟
شيماء بضيق: مش عارفة يا دليلة مش عارفه وحكيتلكم علشان تفيدوني محدش عارف حاجه وانا تعبت
دليلة تحاول تهدئة صديقتها: معلش يا حبيبتي اهدي بس و ان شاء الله هنلاقي حل
شيماء: حل لإيه ده كاتبلي مطعم يساوي ملايين واختفي انا مش فاهمه هو ليه بيعمل كده!
دليلة مستفهمة: هو كان لمحلك انه بيحبك قبل كده او حاجه؟
شيماء وهي تجول بنظرها بين دليلة و يوسف الصامت: ايوه
وهنا و كأنها القت بعود ثقاب مشتعل وسط مجموعه من القنابل حيث انتفض يوسف من مجلسه قائلًا بغضب: ايوه ازاي يعني فهميني!
شيماء وهي تبتلع ريقها و تقول بتوتر ظاهر علي ملامحها و نبرتها ايضًا: هو قالي انه بيحبني بس انا صديته و بقيت بتجنبه و الله
يوسف بغضب:  انتِ بتحلفي ليه؟! انا مصدقك و واثق فيكِ بس كان لازم تعرفيني كنت لازم ابقا عارف
دليلة: اهدي بس يا يوسف و اقعد علشان نلاقي حل

"اما عند" محمد" فقد انتقل إلي شركته ثد دلف بكل كاريزما ورزانه إلي مكتبه ثم جلس واخرج هاتفهه ثم حادث شخص ما يقول... "

محمد: هو انت فين؟
الشخص: انا في الطريق و رايح علي المكان اللي اتفقنا عليه
محمد بتحذير: سيد لو حصل اي غدر منك اعتبر نفسك في تعداد الموتي
سيد بنبرة واثقة و كأنه علي دراية كاملة مما سيحدث: متقلقش يا كبير كل حاجة معمول حسابها
اكمل محمد تحذيره قائلًا: انا بحذرك يا سيد

"ثم اغلق الهاتف ثم القاه بإهمال امامه فوق ذلك المكتب الخشبي ثم اتكأ بظهره للخلف رافعًا ليديه وراء رأسه يقول..

محمد بكره: اخلص بس و افضالك يا حمزة انت وحبيبة القلب انا سايبكم بس تتهنوا شويه ومفكرين اني ناسيكم لكن انا جايلك

" اما علي الناحية الاخري بعد ان اغلق "سيد" معه اخذ يتمتم ببعض الكلمات الغير مفهومه او مسموعه لمن معه بالسيارة حتي سأله "سرينه"

سرينه بتساؤل: مالك بس يا كبير متضايق ليه؟
رمقه سيد بنظرة اذدراء ثم قال: وانت مالك انا فيا ايه انت هتصاحبني ولا ايه؟!
سرينه: مش قصدي يا معلم بس كنت بتطمن
سيد: متطمنش و يلا خلصوا عايزين نوصل بسرعه

"اما عند" رودي " كانت تجلس كما هي بالفراش منذ ان خرج زوجها ثم قامت هي ايضًا و اتجهت إلي الطابق السفلي كي تجتمع بعائلة زوجها الجميلة عاداه هو مازال القبيح بهذة العائلة .. "

حازم بحب: ازيك النهاردة يا بنتي؟
رودي: الحمد لله يا عمي انا بخير
زينب بلُطف: و حفيدي عامل ايه يا رودي
رودي: حفيدك مغلبني خالص يا ماما
زينب: معلش يا حبيبتي، انتِ عندك ميعاد عند الدكتورة النهارده صح؟
رودي: ايوة
زينب: ماشي هنروح بقا احنا الاتنين سوا
رودي: خلاص ماشي ان شاء الله

"ثم نتجه إلي" حمزة " ااجالس بجانب "علي"  يضم يده إلي احضانه و مازال مستمر في ترتيل القران حتي رأه يحرك جفنيه وكأنه يجاهد في فتحهما و بالفعل قد تمكن من ذلك.. "

"اتجهت مهرولة بناحيته زوجته ثم امسكت بيديه و قبلتها بحب ثم شكرت ربها علي استجابته لدعائهم.."

حمزة بمشاكسة: كده تخضنا عليك يا علي؟!
علي:  خضة ايه بس اتعودوا بقا ده السكر وعمايله
رئيسة: طب انت كويس دلوقتي و لا ننادي للدكتور
علي وهو يربت علي يديها : انا بخير يا حبيبتي متقلقيش
حمزة: راعوا شعوري يا ناااس
علي:  اتجوز علشان محدش يجرحلك شعورك
حمزة: اخرج بس انت من هنا واحنا نروح نتقدملها
علي: ازرغط يا حمزة ازرغط؟!

"اما " رحاب" فبعد ان انتهي حديث الصديقين مع ابنتها دلفت لها وهي تنظر بإتجاهها بنظرات تحمل معانٍ كثيرة لا تفهم احداهم تلك المسكينة ثم سألتها اخيرًا.. "

رحاب بإستفهام: مين حمزة؟
دليلة بتوتر: مالك يا ماما في ايه؟
رحاب بهدوء ظاهر: انا كويسة يا حبيبة ماما، بس مين حمزة؟
دليلة: ده بتاع محل الجيزة اللي بنروح نشتري انا و شيماء من عنده حاجات
رحاب بتفهم: اه، وبتاع المحل جالك هنا ليه؟
دليلة: معرفش
رحاب: يعني ايه؟!
دليلة: مش عارفه يا ماما
رحاب: طب قومي جهزي نفسك علشان نمشي من المستشفي هنا
دليلة بإعتراض : بس..
رحاب بحزم: مفيش بس قومي يلا بلاش دلع ماسخ
دليلة: دلع ايه يا ماما انا لسه تعبانه!
رحاب: هنكمل العلاج في البيت

"ثم تركتها في دهشتها هذة واتجهت إلي الطبيب كي يأذن لهم بالخروج رغم اعتراضه و لكنها اخبرته انها ستعتني بها فهي ابنتها و من المستحيل ان تضرها بشئ و بعد ان اقنعت الطبيب قام بإعطائها اذن بالخروج ثم ذهبت مرة اخري الي ابنتها كي تساعدها ويتجهان سويًا إلي المنزل...."

༺༻༺༻༺༻༺༻༺༻༺༻༺༻༺༻
بقلم رنا محمد "حبة البُندق" 🌰🤎
رأيكم 🦋🤎
يتبع....