رواية رأيته في منامي فنجّاني

الفصل الخامس

"رواية رأيته في منامي... فنجّاني "
"الفصل الخامس"

"محمد وهو يدلف من باب شركته متجهًا إلي مكتبه في الطابق الثاني ولكن قاطعه في السير شخصًا عرفه عن ظهر قلب.."

محمد بغضب: انت ايه اللي جابك هنا؟
الشخص: انا جاي اعرفك ان الرجاله جاهزين للمصلحه
محمد: في اختراع اسمه تليفون مش عاوزك كل شويه تجيلي هنا
الشخص: خلاص ماشي بس متنساش الفلوس اللي اتفقنا عليها
محمد: ماشي امشي يلا
الشخص متجهًا للخارج: سلام يا باشا

"ثم غادر ذلك الشخص واكمل" محمد "طريقه لمكتبه ولم يخلو باله من تلك الصعبه" دليلة "..."

"اما عند ذلك الجالس مع" علي "الذي القي عليه كلمة جعلته يضحك حتي ادمعت عيناه.."

علي متسائلًا: مش ناوي تتجوز يا واد يا حمزه؟
حمزه بضحك: اتجوز مرة واحده؟
علي: هتتجوز علي مرتين يعني ولا ايه!
حمزه: طب يا حاج اجيلك بعد حسك الفكاهي ده ما يخلص
علي: احترم نفسك يا واد
حمزه مقبلًا رأسه: مقدرش ازعلك و انت عارف
علي: يبقا تتجوز
حمزه: ان شاء الله قول يارب
علي: هو يارب وكل حاجه بس انا هبدأ ادورلك علي عروسه
حمزه بإستنكار: ربنا يستر

"اما تلك الواقفه فكانت تستأنف عملها بغضب ظاهر إلي ان رآها اصدقائها.."

يوسف متسائلًا: هي دليلة مالها؟
شيماء: مش عارفه من ساعة الراجل صاحب  استاذ سيف ده وهي متنرفزه كده وده حالها
يوسف: طب تعالي نروح نشوف مالها
شيماء ويوسف وهما متجهان إلي مكان دليلة واقفان بجوارها: مالك يا دليلة؟
دليلة وهي تنظر ناحيتهم: مليش
يوسف: لا مليش دي تقوليها لخطيبك ولا جوزك لما تبقي ضاربه بوز لكن احنا تقوليلنا مالك علي طول كده
شيماء: انطقي يا بت حد ضايقك؟
دليلة: اه
يوسف: الواد الاصفر اللي كان هنا ده؟
شيماء: يقصد محمد صاحب سيف
دليله: ايوه هو
شيماء: عاوز منك ايه؟
دليلة: بيقولي عاوزك
يوسف: عاوزك ازاي لامؤاخذه؟
دليله: زي ما فهمت كده بالظبط
شيماء: ايه الحيوان ده ازاي يقول حاجه زي كده
دليله: المشكله بقا انه مهددني
يوسف: متقلقيش انا هشوفلك حل في الحوار ده

"اما" علي" فكان يجلس مع احدي البنات التي جاءت الي محله لشراء شيئًا منه ولكنه التقطها واجلسها معه سائلًا اياها.. "

علي: وانتِ اسمك ايه بقا؟
البنت: اسمي منار يا عمو
علي: اسمك جميل شبهك
منار: ربنا يخليك
علي: قوليلي بقا يا منار انتِ مرتبطه؟

حمزه تحمحم بصدمه لعل وعسي ينهي "علي" هذا النقاش ولكن لا فائده واكمل اسئلته

علي: ولا حد ناوي يتقدملك او بتحبي حد؟
منار: لا يا عمو مفيش حد
علي: هو انتِ منين؟
منار: انا مش من هنا خالص
علي: اومال منين؟
منار: من الاسماعيليه
علي: اه وايه جابك هنا؟
منار: كنت جايه اشتري حاجات "ثم نظرت في ساعتها" وانا كده اتأخرت ولازم امشي عاوز حاجه؟
علي: لا يا حبيبتي ابقي تعالي تاني
منار: اكيد ان شاء الله