Unicode..
တော်ဝင်လွင်ဦး သူ့မိဘများကို သူ့ရဲ့ ဖြစ်တည်မှုကို ဖွင့်ဟခဲ့သော အချိန်တို့ကို ပြန်ပြောင်းတွေးမိလေသည်။ဘယ်လောက်တောင် ခက်ခဲခဲ့ရသလဲ သူကိုယ်တိုင်အသိဆုံးပင်..
တော်ဝင့်အသက် နှစ်ဆယ်ခန့်က...
" ဒယ်ဒီနဲ့ မားကို တော်ဝင် ဝန်ခံစရာရှိတယ်။"
" ပြောလေသမီးလေး.."
ဒယ်ဒီက စကားထောက်ပေးသော်လည်း မားကတော့ ဘာများပြောလေမလဲဆိုပြီး စူးစမ်းသည့် မျက်လုံးတွေနှင့် ကြည့်နေလေသည်။
" သမီးက အမျိုးသမီးချင်းသာ ချစ်မြတ်နိုးတဲ့ lesbian တစ်ယောက်ပါ ဒယ်ဒီနဲ့ မား.."
" ဘုရား ဘုရား လောကကြီးက ဘာတွေဖြစ်ကုန်တာလည်း.. ငါလုံးဝ လက်မခံနိင်ဘူး တော်ဝင်လွင်ဦး."
တော်ဝင် မားကို အလန့်တကြားကြည့်မိသည်။တစ်ခါမှပင် မအော်ဖူးသော မားက အော်ဟစ်ပြီး ပြောလေသည်။ဒယ်ဒီမျက်နှာကတော့ ပကတိ ကြည်လင်နေသည်။ ဒယ်ဒီ့စိတ်ထဲမည်သို့ ရှိမည်ဆိုတာ တော်ဝင် မခန့်မှန်းတတ်။
" ဘာဖြစ်လို့ လက်မခံရတာလဲ မား.."
" မားက မားသမီးကို သမရိုးကျ ဘဝမှာပဲ ရှင်သန်စေချင်တယ်။ ယောက်ျားကောင်းတစ်ယောက်နဲ့ လက်ထပ်ပြီး သားသမီးတွေနဲ့ ပျော်ရွှင်တဲ့ ဘဝလေး ပိုင်ဆိုင်စေချင်တာ။ ပတ်ဝန်းကျင်ရဲ့ အပြစ်တင်ဝေဖန်မှုတွေကြောင့် လုံးပါးပါးရမယ့်အစား သာမန်ဘဝမှာ အောင်မြင်ပြီး ပျော်ရွှင်စေချင်တယ်။ ဒါကို အတ္တကြီးတယ်လို့ ဆိုချင်ဆို..."
" ဒယ်ဒီ့သဘောထားကရောဟင်.."
" ဒယ်ဒီကတော့ ဒယ်ဒီ့သမီးကို ယုံတယ်။ ပတ်ဝန်းကျင်ဆိုတာ ချီးမွမ်းခုနစ်ရက်၊ ကဲ့ရဲ့ခုနစ်ရက်ပါ။ ဒယ်ဒီ့သမီးက စိတ်ဓာတ်မာကျောပြီးသားမို့ ပတ်ဝန်းကျင်ရဲ့ ဝေဖန်မှုတွေကို လျစ်လျူရှုနိုင်မှာပါ။ ဒယ်ဒီကတော့ သမီးေပျာ်မယ်ဆို သမီး ဖြစ်တည်မှုကို လက်ခံပေးဖို့ အသင့်ပါပဲ။"
" ကိုလွင်ဦး!"
" ကျေးဇူးတင်ပါတယ် ဒယ်ဒီ.."
မားက ဒယ်ဒီ့ကို တအံ့တဩကြည့်နေလေသည်။ မျက်နှာတွင်လည်း မနှစ်မြို့သည့် ဟန်တို့မှာ အတိုင်းသား။
YOU ARE READING
ပြင်ဆင်ခွင့်လေး ပေးသနားပါ...( complete)
Lãng mạnEdit - ဖြစ်ရပ်မှန်ဟု ဆိုသော်လည်း နောက်ပိုင်းတွေ ကွဲလွဲနိုင်သည်။ ဖြစ်ရပ်မှန်က ဘယ်လိုမှန်းမသိပင်မယ့် ကိုယ့်ဇာတ်ကောင်တွေကို ပေါင်းစေချင်တယ်။
