Unicode..
" ဟင် မ က ပြင်တောင် ပြင်ပြီးပြီလား..။"
" အင်း ပြင်ပြီးပြီ ဟိုမှာ ဘေဘီ ဝတ်ဖို့.."
ကုတင်ပေါ်တင်ထားသော ဂါဝန်ကို လက်ညှိုးထိုးပြရင်းပြောလေသည်။
" ဟင် ဂါဝန်ကြီးလား မ ကကျ ဘောင်းဘီနဲ့.."
နှုတ်ခမ်းတွေကို စူပြီး မကျေမနပ်ပြောလေသည်။
" မက မလေ ဘေဘီက ဘေဘီ မတူဘူး.."
" ဟွန့် အယုတ်တမာ.."
မိုးရိပ်မှာ အလှပြင်ရန် မှန်တင်ခုံပေါ် ထိုင်လိုက်သည်။
တော်ဝင်မှာမူ မိုးရိပ်၏ bathrobe အောက်က တစ်ချက်တစ်ချက်ထွက်လာသည့် ညှပ်ရိုးလေးကို ခိုးကြည့်ရသည်မှာ အမော..။
အလှပြင်ပြီး ဖြူဖြူလွလွဂါဝန်လေးကို ဝတ်ပြီးသည့်နောက် ပြင်ဆင်ခြင်း အမှုသည် ပြီးစီးလေပြီ..။
မိုးရိပ်လုပ်သမျှကို တစ်ချိန်လုံး ငေးကြည့်နေသည့် တော်ဝင်မှာမူ မျက်တောင်ပင် ခတ်ရဲ့လားလို့ မေးချင်စဖွယ်..။
" မ ဘယ်ကို သွားမှာလဲ.."
" ရောက်ရင် သိမှာပေါ့"
" အဲ့လိုနဲ့ခေါ်ခေါ် သွားတာ ဘယ်နှစ်ခါ ရှိနေပြီလဲ သိပ်မကျေနပ်တော့ဘူးနော်.."
" မကျေနပ်တော့ ဘာလုပ်ချင်တုန်း"
" အာဘွားပေးချင်လို့ ရွှတ်"
တော်ဝင်အနား တိုးကပ်ပြီး ပါးလေးကို ရွှတ်ခနဲ နမ်းလိုက်သည်။
" လာ လာ သွားမယ် နောက်ကျနေပြီ.."
လက်ကို အတင်းဆွဲသွားပြီး ကားပေါ် ထိုးထည့်ခြင်း ခံလိုက်ရပါသည်။
ခန်းမထဲ ခြေချလိုက်သည်နှင့် ခန်းမထဲက လူများ၏ အာရုံစူးစိုက်ခြင်းကို ခံလိုက်ရသည်။
အပြင်ကမ္ဘာတွင် မှောင်စပျိုးနေပြီဖြစ်သော်လည်း ခန်းမထဲတွင်တော့ မီးရောင်တို့ဖြင့်
လင်းထိန်နေသည်။
" ဟင် လူတွေ အများကြီးပဲ.."
တစ်ခုခုကြောင့်မှန်းသိသော်လည်း အခုလို လူတွေ အများကြီးနဲ့ တွေ့ရတော့ ရင်တုန်ပန်းတုန်ဖြစ်ရသည်။
YOU ARE READING
ပြင်ဆင်ခွင့်လေး ပေးသနားပါ...( complete)
Lãng mạnEdit - ဖြစ်ရပ်မှန်ဟု ဆိုသော်လည်း နောက်ပိုင်းတွေ ကွဲလွဲနိုင်သည်။ ဖြစ်ရပ်မှန်က ဘယ်လိုမှန်းမသိပင်မယ့် ကိုယ့်ဇာတ်ကောင်တွေကို ပေါင်းစေချင်တယ်။
