Unicode..
"ဘေဘီ.."
ဓာတ်မှန်ရိုက်ဖို့ အတွက် doctor က လိုအပ်တာတွေ မှာကြားနေတုန်း ခေါ်သံကြားလို့ လှည်ကြည့်လိုက်မိသည်။
မျက်စိရှေ့တွင် ရှိနေသည်မှာ သူ့ချစ်ရသူ..
အမြင်မှားတာလားဟူ၍ မျက်လုံးကို ပွတ်သပ်မိသည်။
စိတ်ပူနေသော မျက်ဝန်းတွေနှင့် ယဲ့ယဲ့လေး ပြုံးနေသည့် သူ(မ)..
" မ "
ပြေးပြီး ဖက်လိုက်မိသည်လား မသေချာ။ သတိဝင်လာတော့ မ ရင်ခွင်ထဲ မျက်နှာ အပ်ပြီး ငိုမိလျက်သား..
" ဗိုက်အရမ်းအောင့်နေလားဟင်.. လာ ဓာတ်မှန်ရိုက်ဖို့မလား မ ရောက်လာပြီပဲ ဘာမှ မဖြစ်ဘူးနော် ကလေးမ မငိုရဘူးလေ.."
မျက်နှာကို မော့ပြီး မျက်ရည်တို့ သုတ်ပေးနေသည်။ပြီးနောက် လက်ကို ဆွဲပြီး doctor ဆီသို့ ပြန်ခေါ်လာသည်။
မိုးရိပ်လောကကြီးကို မေ့သွားသည်။ doctor နဲ့ စကားပြောနေသည့် သူမကို ငေးရင်း ဗိုက်အောင့်တာသည်လည်း ဘယ်ဆီဘယ်ဝယ်သို့ ရောက်မှန်းမသိ..
ဓာတ်မှန်ရိုက်နေသည့် တစ်လျှောက်လုံးလည်း
စိတ်ပူနေသည့် မျက်ဝန်းတွေနှင့် ကြည့်နေရှာသေးသည်..
' မက ချစ်ဖို့ကောင်းလိုက်တာ..'
ဒီစကားလုံးကိုပဲ မိုးရိပ်စိတ်ထဲ တရားစာရွတ်သလို အထပ်ထပ် ရွတ်နေမိသည်။
ဓာတ်မှန်ရိုက်ထားသည့် စာရွက်ကို ကိုင်ပြီး မိုးရိပ်လက်ကို ဆွဲကာ တော်ဝင့်ကားဆီ ခေါ်လာလိုက်သည်။
ကားပေါ်ရောက်တော့ ထိုင်ခုံခါးပတ်ပတ်ပေးသည်အထိ ကြည့်နေတုန်း..
" မက စွမ်းအားရှင်လား.."
" ဟင် ဘာလို့လဲ ကလေးမရဲ့"
ကားစက်နှိုးမည်ကို ရပ်ပြီး လှည့်ကြည့်လိုက်သည်။
" လွန်ခဲ့တဲ့ တစ်နာရီလောက်ကမှ ဆိုင်မှာဆို အခုရောက်လာပြီ။ ပြီးတော့ ဗိုက်လည်း မအောင့်တော့ဘူး.."
တော်ဝင်ကိုယ်တိုင်လည်း ဘယ်လို ကားမောင်းလာသည်မသိပါ။ သာမန်နှစ်နာရီ မောင်းရတဲ့ ခရီးကို တစ်နာရီနှင့် မောင်းလာသည်။ စိတ်က စောနေတာနှင့် ဘာကိုမှ သတိမရတော့..။
YOU ARE READING
ပြင်ဆင်ခွင့်လေး ပေးသနားပါ...( complete)
RomantizmEdit - ဖြစ်ရပ်မှန်ဟု ဆိုသော်လည်း နောက်ပိုင်းတွေ ကွဲလွဲနိုင်သည်။ ဖြစ်ရပ်မှန်က ဘယ်လိုမှန်းမသိပင်မယ့် ကိုယ့်ဇာတ်ကောင်တွေကို ပေါင်းစေချင်တယ်။
