"مامرك سحاب الوصل في ليلةٍ قمرا ؟

"في اقرب الناس انغدرت"

دخل سعود على ابوه
ابو سعود :بشر وش صار
سعود :مالها اثر
ابو سعود :كيف تبخرت يعني
سعود :اوعدك يا يبه اني راح اجيبها
ابو سعود ينظر الى الارض بخيبه امل
سعود :يبه ترا انا اشك في قاسم
ابو سعود : وش قصدك
سعود :تدري يا يبه انه هو وقمرا دايم مع بعض وتذكر انهم فجأه يختفون وندورهم ولا نلقاهم
ابو سعود :قصدك فيه مكان يختفون فيه  مايعرفه غيرهم ؟
سعود :عليك نور اي
ابو سعود :قاسم يا قاسم
قاسم :لبيه
ابو سعود :تعال اجلس بجنبي
جلس قاسم بجانب اباه
ابو سعود :انت تعرف شي عن قمرا ولا تبي تعلمني لاتخاف عليها إذا لقيتها ماني مسوي لها شي بس انطق
قاسم ينظر إلى سعود بحقد
قاسم :والله يا يبه ان علمي من علمكم
ابو سعود : طيب وش المكان الي كنتم تختفون فيه
قاسم بتوتر:اي مكان
سعود يندفع إلى قاسم ويصرخ: تحسبني مادري انك تعرف مكانها واقسم بالله والله ياقاسم ان مانطقت لا مايصبح....
قاطع كلامهم اباهم
ابو سعود بصوت مرتفع : إذا أنا موجود ماحد يمد يده على الثاني!!!
قاسم يرتجف: والله يايبه اني مادري عن شي والله
سعود يترك قاسم
سعود :السموحه يا يبه
ابو سعود: عود لي خيمتك يا سعود
ذهب سعود
ابو سعود : اعذر اخوك  ياقاسم  تراه معصب خلاص عود انت لي خيمتك
وعندما كان قاسم في طريقه  إلى خيمته حس ان رأسه ثقيل و سقط فجأه فتح عينه وهو يسمع صوت مطلق
مطلق :تكفى يا سعود خلي نفكه
قاسم وهو دايخ : سعود وش قاعد يصير
سعود يصرخ على مطلق:اجمد شوي
قاسم :تكفون فكوني عطشان
سعود : خلي قمرا تفيدك
قاسم بضيق : سعود كيف راح تصدقني اني مادري عن شي
سعود :لمين تعلمني المكان الي تختفون فيه
قاسم: والله مادري عن ايش تتكلم
سعود : دامك ماتبي تنطق خلك تموت من العطش وخل قمرا تنقذك
مطلق بخوف: انت من جدك ياسعود هذا اخونا والله ان درا ابوي لا يجلدنا
سعود :انت انطم
مطلق: شف شكلهم راحو بسياره الإماراتي
سعود: لا سياره الامراتي ماتحركت
مطلق : وانت وش يدريك
سعود : نزل الوحي علي يعني ايش يدريني رحت وشفتها
قاسم داخ ...