"مامرك سحاب الوصل في ليلةٍ قمرا ؟

ظهرلي ملاك في بحر الهلاك ...

قاسم احس بصوت يصرخ
انت صحصح معي
قاسم فجأه يكح بقوه ويستعيد نفسه
صوت : انت مجنون تدري كم في واحد يتمنى الحياه وانت قاعد تنهي حياتك بنفسك تدري كم واحد يقاوم الموت
وينظر قاسم الى الصوت يجد فتاه بشعرها القصير جداً بملامحها الطفوليه ولبسها الابيض
الفتاه : وش فيك كذا تناظرني الواجب تشكرني اني انقذتك تراني ممرضه ماني ملاك على هاللبس الو انت تسمعني
قاسم : ليش انقذتيني
الفتاه : نعم !! تبيني اشوفك تموت قدامي ولا اتحرك انا طلبت الاسعاف شوي ويجون
في الطوارئ
الدكتور : زين انك تداركتي الوضع سويتي له الاسعافات الاوليه لو تاركته على وضعه كان الحين هو ميت الا هو كيف غرق
الفتاه : يمكنه ما يعرف يسبح ما ادري
دكتور:  [جميله] تستهبلين يلبس ثوب ويروح يسبح جميله :  اذكر اني شفته رايح يسبح بملابسه عادي يمكن يستحي
دكتور : تمام راح استغبي وأصدق  مع ان المجنون ما يصدق كلامك
جميله : دكتور عندك انت حاله الحين ايش رايك تروح لها
الدكتور : تمام انتبهي لحالته
جميله : حاضر
تدخل جميله على قاسم
قاسم : ليش تكذبين دامك ما تعرفين تكذبين
جميله : يعني انت قايم على فكره الواجب تشكرني لو قلت انك تحاول تنتحر كان رحت فيها الحين
قاسم : بس انا ما طلبت منك انك تنقذيني
جميله : اقول بس انت ارتاح شكل الى الان في ماء براسك
قاسم : شكراً
خرجت جميله واخذت الورقه التي وجدتها مرميه بجانب البحر وهي تقرأها فاضت اعينها
وتاتيها الممرضه
الممرضه : جميله فيك شيء
جميله : تمسح اعينها لا لا ما في شيء
الممرضه  :اسالي المريض عن ولي امر اي شيء عائلته ما لقينا معه ولا شيء
جميله : تمام
تذهب جميله الى قاسم
جميله : لازم نعبي الورقه بس ما لقينا ولي امرك او اي شيء يثبت هويتك
قاسم : انتي تبكين ؟
جميله : لا لا ليه يعني ابكي مثلا
قاسم : افشل وحده في الكذب انتي واضح انك تبكين عيونك حمراء
جميله  :الصراحه اني قريت الورقه كانت مرميه جنب البحر كنت اعتقد انها لك
قاسم : اي لي
جميله : انت كنت تكتب عن حبيبتك
قاسم يعيد نظره الى السقف تدمع عينه
قاسم : الا حياتي توامي
جميله :  انا اسفه
قاسم يمد يده
جميله : ايش
قاسم : الاوراق يعني ايش
جميله : اوه اي صح خلي اجيب لك قلم...