"مامرك سحاب الوصل في ليلةٍ قمرا ؟

عرس الأبيض و الأسود ...

صرخت جميله:  بس يكفي
ياتي خال جميله
خال جميله: ايش اللي صاير
قاسم :  يا خال بكره انا ابي الزواج
ويخرج قاسم وهو معصب تخرج جميله وتركب معه السياره
جميله :  سلامات ايش فيك كذا قاعد تصرخ مجنون انت
قاسم : كيف تبيني اهدا وانا اشوفك جالسه معهم جميله : خلاص اهدا انت ايش فيك ليش كذا معصب بعدين وانت تكلمني بالجوال ليش كذا قاعد تصرخ علي انا ايش سويت لك
قاسم : انا اسف بس قابلت شخص خلاني اعصب
جميله بستغراب : مين
قاسم : الحين خليني امشي من هنا بعدين راح اقول لك مين
اتجهوا الى البحر وجلسوا امام البحر
جميله : انت اذا هديت تكلم
قاسم بعد دقائق
قاسم : زايد اللي شردت معها اختي
جميله : هذا وش جابه بعد هذي السنين
قاسم  : حتى انا ما ادري كان يقول كلام غريب يقول لي لو تبي تعرف ليش شردت اختك معي تعال قابلني يقول انه في شيء ما ادري ما ادري احس انه يكذب
جميله  : طيب انت روح قابله وشوف ما راح تخسر شيء
قاسم : بس اخاف اخاف يكون في شيء
جميله تمسك يد قاسم
جميله : ما عليك انا بكون معك
يخرج قاسم خاتم ويلبسه جميله
قاسم : انتي اغلى شخص اعطاني اياها البحر
جميله : على فكره ترى انا ما سويت شي كيف تبي الزواج بكره ما شريت الفستان ولا حجزنا القاعه ولا سوينا ولا شيء
قاسم : انتي بقميصك الوردي اخذتي عقلي كيف تبين تلبسين فستان تبيني اموت مره ثانيه
جميله : بسم الله عليك طيب ايش رايك دام الزواج بكره انا ابي البس فستان ابيض وانت ثوب اسود ونروح نكشت في البر
قاسم : انتي مجنونه اول مره اشوف عروس كذا عرسها بعدين ايش قصدك تلبسين ابيض وانا اسود يعني انا الشيطان وانتي الملاك
جميله  : انا ابي عرسي ما ينسى ما ابي عرس ابي بس انا وانت هناك نشرب شاهي وشبت نار انا كذا استانس ايش فائده عرس وتكلفه وانا مو مره مستانسه
قاسم : من عيوني الثنتين بس وش قصة الثوب الاسود جميله محمره الخدين :  يعني الصراحه انت الاسود عليك حلو
يبتسم قاسم و يضع رأسه على كتف جميله ....