"مامرك سحاب الوصل في ليلةٍ قمرا ؟

ظهر الي ينسيك جروحك ...

جميله عايشه عند خالها بس ما كانت مرتاحه لان كان في عيال خالها كانت تتضايق منهم كانت تبي الفكه منهم بس ما تقدر تطلع وتعيش لحالها فكان اقرب حل لخيالها وجنونها الزواج بس ما كانت تدري مين راح تتزوج و كانت تبي زوج يطابق المواصفات وهي انه يكون فقط شريك بالسكن يعني زواج قدام الناس وفي البيت ما يعرفون بعض فكان اقرب حل لمخيلتها قاسم لان ما ظنت في احد بيقبل كلامها الا شخص ما يبي الحياه في صباح اليوم الثاني دخلت على قاسم تتأكد من حالته
قاسم فتح عينه
جميله : صباح الخير كيف ارتحت الحين
قاسم : اول مره انام براحه
جميله : هذا عشان اعطيناك مهدئ
الممرضه تدخل وتضع الفطور وتذهب
قاسم : انا ماني مشتهي
جميله : مو على كيفك هذا ما هو فندق مستشفى يعني غصب عنك تاكل
قاسم : عظامي متكسره ما اقدر احرك ولا اصبعي كيف تبيني اكل
جميله : على فكره ترى انا ام العناد يعني راح تعاندني راح اعاندك
قاسم : انتي فيك بلا ولا ويش
جميله تاخذ الملعقه وتوكله
قاسم بعد ثالث لقمه
قاسم :خلاص شبعت ما ابي
جميله : اقول بس تراك ما انت بزر يلا بس هذي عشاني قاسم : راح اكل بس مو عشانك انا ما اعرفك
جميله : يا اخي انت تاخذ كل شيء بجد هذه من سياق الكلام يلا ولا تزعل عشان صحتك
معروف عن جميله انها مستحيل تجلس عند شخص بدون ما تسولف
جميله : تدري ان خالي اعتبرني واحد من اولاده يخليني اروح اجيب المقاضي لهم سلامات يابوي لا وكل ما جاء عريس يقول لو تطول شعرها شوي خير هذا شعري وعلى كيفي مالهم دخل بطقاق اللي يطقهم بس خالي يا الله ما ادري ايش فيه غصب غصب يبيني اتزوج لو شاف عامل البقاله قال خذ هذا نفر ابي زواج وهنا قاسم كان اول مره يضحك
جميله : ايوه اخيرا عاد انا معروف عني ان دمي خفيف
قاسم : على فكره تراي امتليت
جميله : ها كيف تحس اكيد بكامل قواك يا ابوي يلا يلا ارتاح عشان اكمل لك هذا خالي يا اخي ما ادري ايش في امه واخذتهم السوالف وبدا قاسم يضحك اكثر واكثر على سوالف جميله دخل الدكتور عليهم
الدكتور : كيفك الحين يا قاسم
قاسم : لا تمام
الدكتور : ما شاء الله ضحككم واصل لاخر السيب ما الومك بعذرك جالس مع مهرج المستشفى
ممرضه : دكتور في مريض يبيك
الدكتور انا استأذنكم
جميله : هذا ثقيل دم قال ايش قال مهرجه ما يستحي على وجهه يحسبني اصغر عياله .....