"مامرك سحاب الوصل في ليلةٍ قمرا ؟

صرت اتناسى جروحي من وجعها ....

عندما وصلوا الى المكان نزل قاسم وانزل الفرشه والعزبه وشب النار جميله تنزل من السياره
قاسم  : وش فيك تاخرتي
جميله : اسفه بس اخاف في حشرات
قاسم يضحك : حشرات الا ثعابين
جميله : من جد خلاص انا هونت
قاسم : اقول اركدي
جلست جميله امام قاسم
جميله : الله شوف القمر مره حلو شكله
  نظر قاسم  الى القمر وغرق في افكاره وفي ذكرياته مع قمره التي جعلت حياته كلها سعاده لم يشعر بقط انه حزين تنهد قاسم عندما تذكر قطعه من قلبه
جميله : وش فيك ليكون قلت شيء غلط
قاسم : لابس تذكرت اختي قمره
جميله : الله مره حلو اسمها سولف لي عنها
قاسم : ايش دخلك انت فيها
جميله:  مالي دخل بس تحمست عادي قصه عن الشخص اللي تحبه
قاسم : كانت سعادتنا كانت المفضله عند ابوي الكل يحبها ما في حد يكرهها
جميله :طيب عادي اسال كيف ماتت
قاسم : اخوي ذبحها
جميله بذهول : كيف يذبح اخته هي مهما سوت تبقى اخته
قاسم : الشيطان ما يمزح
جميله : طيب هي ايش سوت
قاسم : ابوي زوجها واحد لقاه ضايع في الصحراء و شاف قمره بالغلط وابوي الا يزوجه عشانه بس شاف وجهها اخ بس
جميله : انا اسفه اني ذكرتك
قاسم : اصلا انا نسيت عشان اتذكر
جميله : طيب ايش صار لهذا اللي تزوج اختك
قاسم : شرد بعد ما خلى اختي غرقانه بدمها
جميله:  يوه وش ذا ما فيه ولا ذره رجوله
قاسم : انتي وش فيك بعيده عن النار
جميله توترت :  يعني انا الصراحه انا اخاف من النار قاسم : وش ليه شلون تخافي من النار انها تحرق يعني
جميله ترفع يدها ويرى قاسم اثر حرق كبير على يدها قاسم : هذا من النار؟
جميله تتنهد : اي زوجه خالي يوم كنت صغيره عصبت علي وحرقتني
قاسم : وتقولينها كذا بكل برود ولا اشتكيتي عليها ليه طيب ما علمتي خالك
جميله : خالي أصلاً متورط فيني ما يدري وين يحطني
قاسم : طيب وين امك وابوك
جميله : امي وابوي ماتو في حادث وخالي هو اللي اخذني بس يعني الكوميديا السوداء ان طفولتي اشبه بعذاب بس عادي كبرت وارتحت
قاسم:  الله  يرحمهم بس والله انتي غريبه عجيبه يعني زوجه خالك تعذبك الواجب اللي مثلك يكون عنده عقده نفسيه مو يضحك على نفسه
جميله : ما ادري والله بس اهم شيء اني احب الحياه الى الان
قاسم : خوذي الشاهي شوفي ترى الحين بتشرق الشمس
جميله : الله كان حلمي اشوف شروق الشمس مع شاهي دافي
قاسم : انتي مجنونه ولا وش فيك مو قبل كم ساعه تقولين حلمي اشوف النجوم وشاهي كيف غيرتي حلمك بالدقائق
جميله : عادي هذا حلمي الثاني اهم شيء شاهي
عندما انتهى مشهد شروق الشمس قاسم جلس يتامل جميله لدقائق وحن قلبه عليها ان كيف لهذه الفتاه ان تحب الحياه بعد كل الذي حصل لها
قاسم : يلا اركبي السياره بنتاخر على اهلك بعدين يطلعون فيك عله ولا شيء ولا تجيك هذه زوجه خالك مدري ايش تسوي فيك
جميله بتوتر : قاسم ابي اطلب منك طلب انا محتاجه هذا الشيء
قاسم خاف :عسى ما شر وش فيك
جميله : ابيك تتزوجني....