"مامرك سحاب الوصل في ليلةٍ قمرا ؟

" دامني ماخطيت بحقك ازعل لين الزمن يراضيك"

سعود خرج في الليل وجعل مطلق يجلس عند قاسم وهو متجه إلى حصانه قابلته [سحاب]ابنه عمه التي يحبها
سحاب :سعود كيف حالك
سعود : بخير وش مطلعك
سحاب :وينك من زمان ما شفتك
سعود :مشغول مع قمرا
سحاب :مشغول عني يا سعود
سعود : والله انه ودي اشوفك والشوق ذابحني بس..
سحاب :بس ايش؟
سعود : لازم ادور عن ذا البنت لا تاخذين في خاطرك
سحاب :  لا تخاف ما راح اخذ بخاطري بس بشرط
سعود :شرط ؟ امري
سحاب : ابي بيتين افكر فيهم في الليل
سعود :ابشري ما طلبتي شي
سعود أمام الخيل وينظر الى القمر  ثم يتأمل ضل سحاب بعد دقائق
سعود : "ودك تحطه فالعيون من العيون
وتبسط على رمضا الثري يمناك له
يزهى الملابس اي لبس و اي لون
وفي الليل وجهه لا ظهر قداك له"
سحاب بخجل : الله وش ذا الزين
سعود :احمدي ربك ان مشاعري فايضه
سحاب : فايضه ؟
سعود يمتطي الحصان
سعود : ادخلي الوقت تأخر
سحاب : وين بتروح
سعود يأمر الحصان بتحرك
سعود : ماني متأخر
سحاب تتأمل سعود وهو مبتعد
وتقول :" القلب يخلي كل ما ابطى به البعد
لا امساه ليل وكل من في البلد هجد"
ثم تنهدت وعادت الى خيمتها..

عندما ذهب سعود خرج مطلق ليبحث عنه وقابل بطريقه سحاب
مطلق :  سحاب سحاب
سحاب : هلا مطلق
مطلق :هلا والله كنت بسالك شفتي سعود
سحاب ايه شفته توه رايح
مطلق: رايح وين رايح ذا الوقت
سحاب :والله ما ادري ما علمني بس قال ما راح اتاخر مطلق مرتبك: طيب خلاص مشكوره
سحاب : مطلق في شيء وجهك و وجه سعود مو عاجبيني
مطلق:لا ابد ما في شيء
عندما اراد مطلق ان يذهب نادته سحاب
سحاب: مطلق
مطلق :هلا سحاب
سحاب :ابي اقول لك شيء مضايقني
مطلق :افا يا ذا العلم وش الي مضايق بنت العم
سحاب: هو يخص سعود
مطلق :وش فيه سعود
سحاب: الصراحه وهو رايح لمحت في جيبه...
مطلق: لمحتي في جيبه وش تكلمي
سحاب : سلاح
مطلق: ايش؟؟ تستهبلين انتي ولا جاده
سحاب بارتباك : لا والله جاده انا شفته
مطلق : يا الله وش ذا المصيبه
سحاب: ليش ايش في انا توقعت انه بيروح يصيد
مطلق :انت في عقلك بيصيد في اخر الليل  انا لازم لازم اقول لابوي ما اقدر وقاسم بلشت فيه
سحاب : ليه قاسم ايش فيه؟
مطلق :ها لا لا ما في شيء خلاص اهم شيء انت لا تعلمين احد باللي شفتيه
سحاب: ليه؟
مطلق: يا الله لا تعلمين احد وخلاص تبيني تصير مشكله
سحاب :خلاص طيب ما راح اتكلم
مطلق :خلاص يلا ارجعي لخيمتك
سحاب ذهبت الى خيمتها ومطلق لا يعلم ما الذي يفعله عاده مطلق الى الخيمه التي يوجد فيها قاسم
مطلق :قاسم قاسم يرحم امك صحصح
قاسم: تكفى تكفى فكني والله اني عطشان
مطلق : خلاص طيب راح افكك
قاسم :وين سعود ؟
مطلق: الحين اعلمك
فك مطلق قاسم واعطاه القليل من الماء وكان قاسم مرهق جدا فقال له
مطلق: قاسم سحاب تقول لي انها قابله تسعود وهو طالع
قاسم :طالع وين ؟ في ذا الوقت  الساعه 2:00
مطلق : ما ادري انا وين طالع بس تقول انها لمحت معه سلاح
ويفز قاسم :ايش هذا مجنون !!
مطلق :قصر حسك لا يسمعك احد
قاسم :  هذا مجنون ليكون بيروح يقتل اختي
مطلق: لا انت مجنون اكيد ما راح يسويها يمكن عشان يدافع عن نفسه
قاسم :مستحيل انت تشوفه حاقد على قمرا حنا لازم نعلم ابوي
مطلق: ترى على اساس انك مربوط انت لو جاء شافك سعود ....
قاسم :مطلق اجمد شوي انت خايف من سعود ترى سعود اخونا مثلنا مثله وابوي اكيد ما راح يرحمه
مطلق : ما اعتقد ابوي يحبه اكثر واحد واكيد راح يأيده في كل شيء شوف احنا خلينا نجلس وننتظره واكيد انه ما راح يسوي شيء
قاسم يدور في الخيمه وهو متوتر
مطلق :قاسم ابي اسالك سؤال وابيك تجاوبني بصراحه ترى انا ماني سعود
قاسم :يا الله وش تبي بعد
قاسم :انت صدق ما تدري وين قمرا
قاسم مرتبك ونظر الى مطلق: انت ليش تشك فيني...