"مامرك سحاب الوصل في ليلةٍ قمرا ؟

‏ مارغبت في أحدٍ سواك ...

جميله : ولد خالي خالد كان يحب او بالاخص يستغل اخت زايد وكانت هي تموت عليه تحبه حب صادق في يوم ارسل لها ان العلاقه انتهت واللي عرفته انها كانت هي ذاك الوقت تسوق ولا انتبهت لطريقها من صدمتها سوت حادث وماتت وزايد كان حاقد على خالد لان فتش جوال اخته وشاف اخر مكالمه منه وعرف كل معلوماته يوم جاء لبيت خالي شافني وانا طالعه وكان يحسبني اخت خالد كان يحاول يصدمني كنت حرفيا على حافه الموت بس فجأه وقف حتى ان رجلي انكسرت واذكر انه نزل من سيارته وخنقني وقعد
يسب ويقةل انه راح ينتقم لمين حاولت ابعده عني وعرفت انه يحسبني اخت خالد لانه من كلامه قاعد يقول مثل ما اخذت اختي راح اخذ اختك يا خالد صرخت عليه وقلت له انا ماني اخته وهربت وما ادري ايش صار له وتفاجأت اني شفته اليوم معك وحتى السوبر ماركت شفته بس انت زين انك جيت ولا ما كنت تدري ايش كان راح يسوي
قاسم : التبن خالد مايجي منه إلا المصايب وذا التبن لو انك قايله لي وقتها كان دفنته
جميله : لا تلومه يا قاسم ترى هو فقد اخته مثلك فانت اكيد انك تحس فيه اهم شيء انت لا تزعل منه وحاول تكتشف وش سر موت اختك
قاسم يضع يده على شعر جميله
قاسم : ما قد شفت طيبه مثل طيبتك واحد حاول يقتلك وانت تسوين له عذر
جميله تبتسم
قاسم : كيف عرفتي مكاني
جميله : ادري انك إذا تضايق تروح للبحر وجيت بتاكسي والله غالي اخذ مني كثير بس عشانك
قاسم يضحك : المهم الحين خلينا نرجع الشقه انا تعبان ابي انام
جميله وجهها احمر : ها
قاسم : اقول لك ابي انام انام تعبان شكل الشيطان هو اللي يوسوس لك انتي مهب انا
جميله تضحك : طيب الحين ننام في غرفه وحده
قاسم : اكيد اجل ولا تقولين لي الشيطان ثالثنا الحين ما في احد ثالثنا حنا زوجين
جميله : اعتبرك زي اخوي
قاسم : اقول بس اخوك تقولينها قبل ما نتزوج الحين ما في شيء اسمه اخوي
ضحكت جميله
وعادو الى الشقه.....