#طوبى "جنة طوبى"
#جمان_فريد
#الجزء_الثالث_والثمانين "حرب باردة/ستار حديدي "
☆احداث هذه الروايه معظمها واقعي وحقيقي مع اضفاء لمسة من الخيال لزيادة المتعه والتشويق..تبدا من سنة 1996..تنتهي 2022☆
🚫الـرجـــــــــــاء الـــتـــركـيــــــــز عـلـــــى الـمــــــــرور الـــزمـنــــــي و الـتــــواريـــــخ والأيــــــــام]🚫
#الدعاء 🌼
وانت بتدعي خليك طماع، ايوا طماع، إدعي بـ كُل
حاجه نفسك فيها، انسي المنطق وانت بتدعي
ومتشغلش بالك ازاي الدعوه دي هتحقق، النبي
بيقول"إذا تمنى أحدكم فليستكثر فإنما يسأل ربه"
سيدنا موسى طلب من ربنا 7 حاجات مره واحده
وكان الرد ساعتها "قَالَ قَدْ أُوتِيتَ سُؤْلَكَ يَا مُوسَىٰ"
إنسى أي حاجه وقول يارب! 🤍🤍🤍🍀
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
🍃 بعض الاشياء حتى ان لم تقضي عليك
ستهدم بك شيئا عميقا🍃
_________________________________________
خشت عليهم آلاء الصاله وهما كانوا لاهيين في الهدرزة وماكلة الحلويات مع النسكافيه..
ماعدا طوبى اللي كانت واقف حدا بنتها وهي شاده طرف شكولاته وتلعب فيها..
"خالي مختار جي"
سكتت الاصوات..وتوجهت الانظار لآلاء بعد اللي قالاته..
طوبى..تلاشت ضحكتها...فتحت غلاف الشكولاته..وطلعتها وحطتها في فمها مرة وحده وهي تشوف لبنتها..
سمعت غرفه قالت بغضب..
/هدا خدت رجله ع الحوش خلاص..
مطيره بنرفزة؛ جاي بش ينكد علينا وخلاص..
الاء:جاي يشوف جنة بس..
التفتت طوبى وشبحتلها وهي تمضغ في الشكولاته..
وهما قعدوا يشوفوا لطوبى..
غرفه:اطلعي لزيه اطلعي..
الاء ؛خالتي عيب هكي مايجيش ماتنسيش شن دار المرة اللي فاتت..
اريج قعدت تشوف لآلاء بإمتعاض..
غرفه؛انتي من عينك محامي دفاع عليه! اسكتي ومعاش تتكلمي بكل..
ونبيله وفايزة وبناتها ملتزمات الصمت وهما حاسين بالآحراج..
الاء بشي من الغضب.
/لا بنتكلم بنقول الحق..شبحت لطوبى وقالت..هو مايبي شي غير يشوف جنة ويمشي بس..
فردوس قعدت تشوف لطوبى بضيق وهي ساكته..
مطيره؛طوبى..
طوبى كانت تلعب بغلاف الشكولاته وهي تشوفله مرة تطويه مرة تفرده..
وهما يشوفولها..
غرفه؛طوبى تكلمي.خيرك ساكته!..
غيرت نظرها ومرراته عليهم..بعدين شافت لآلاء..وعقدت حواجبها...
~~~~~~~
طلعت الاء وابتسامتها الواسعه من الفرح ع وجهها..
هو لما شافها ابتسم...
وصلت فيه وقالت:خيرك قعمزت هني؟
مختار:الجو حلو..
هي بإبتسامه؛باهي نوض خش..
ضحك ضحكه خفيفه بعدين ناض..
ومشي بيخش معاها للحوش..
🍃في دار المعيشه..
كانوا قاعدات فايزة وبناتها ونبيله ومطيره وغرفه اللي كانت في قمة الغضب..
غرفه بغضب:مش قادره نفهمها طوبى هادي..
مطيره؛غرفه خلاص اسكتي..
وفايزة كانت حاسه بإحراج شديد وتبي تروح ببناتها..
🍃سمعوا صوت مختار وهو يكلم في الاء اللي دخلاته للصاله..
ولقي فيها فردوس واريج...
ابتسم لما شافهم وقال..
/السلام عليكم..
☘وتطلع طوبى من دار البنات..وهي تمضغ في المستكه"العلكه"
قبل لتوصل للصاله في نفسها دعت..
"يارب قوة.."
بعدين مشت خشت للصاله...
لقاته كيف قعمز وجنبه قعمزت الاء..
مشت طول وقفت حدا بنتها وهي تقول..
/اهلا..
قعد يشوفلها بإبتسامه وهو يقول..
/اهلا بيك..ناض وقف..وقدملها خطوتين بعدين وقف وقال..
كنت نعد ونحسب ونراجي امتى تسكر شهر بش نجي نشوفها..
طوبى تشوفله وهي تمضع في المستكه بدون ابداء اي ردة فعل حتى بملامح وجهها..
هو تنهد بعدين قال؛أ...درتيلها خراص..وحط يده ع حلمة وذنه..
حركت راسها بالنفي..وفمها المسكر يتحرك من مضع المستكه..
الحركه وتراته..وعصباته شويه..بس حاول يتجاهلها..طلع من جيب جاكيته علبة مجوهرات صغيره ومدهالها وهو يقول..
/قيمتها اكبر.ارجوك ماترديهاش..
وفردوس وبناتها يراقبوا فيهم بالحركه وردة الفعل..
هي نزلت نظرها للعلبه بعدين خدتها..وفتحتها..
وين شافت اللي فيها عقدت حواجبها بإستغراب..بعدين غيرت نظرها لآلاء..
والاء ابتسمت بشي من التوتر..
مختار:اكيد عجبوك..
طوبى سكرت العلبه وحطتها جنب بنتها وقالت..
/حلوات..
هو ابتسم وقال؛باهي الحمد لله..
ناضت الاء وجت حداهم وقالت..
/خلي ناخدلكم صورة انت وياها..
اريج قلبت عيونها.بنفاذ صبر..
وفردوس عيونها بين خوها واختها..
مختار ضحك وقال تساؤلا..
/صورة!
الاء؛ايه..بالله بيبو..
شاف لطوبى..
طوبى قعدت تشوف لبنتها وهي تتفكر في اليوم اللي رفعها فيه لحوش شنيبه وروح بيها..
هزت راسها بالموافقه..
هو قعد يشوفلها..
والاء قالت بضحكه؛تمام..ترا قعمز خالي..
مختار نوعا ما ارتبك وقعمز ع الكنبه اللي كانت محطوطه عليها جنه..
الاء؛هي بيبو عطيه جنة يشدها..
هو بشي من الفزع قال..
/لالا مش لازم..
شبحوله بإستغراب..
هو ضحك بإرتباك وقال..
/مانقدرش..صغيره هلبه..
الاء بضحكه؛تو لما تعطيهالك توريك كيف تشدها..هيا خالو عاد..
هز راسه بإستسلام وقال..
/ماشي..
شافت طوبى لآلاء..
وطوبى شافت لبنتها..بعدين طبست عليها ورفعتها وهي تقول..
/بسم الله...
وقربت منه..
هو حس برهبه..مايحبش الصغار وماعنداش عليهم..
وين وصلت فيه طوبى وطبست عليه بجنة كان يبي ينوض يطلع..
طوبى:خودها..شدها من هني كويس..
هو بلع ريقه ومدلها ذراعاته الملفوفه..حطتها عليهم..
وهو شدها بحذر..وقلبه يدق بقوة من الخوف..
شاف لوجه جنة..
ولا الطف ولااحلى من هكي وجه..وحس ان عمره في حياته عيونه ماشافوا احلى منها...
وهني تصير المفاجأه...البنت وجهها ضحك..
الاء بدهشه:ضحكت!
اريج وفردوس قعدوا يشوفولهم وهما متشوقات..
اما طوبى كانت تشوف لبنتها بإستغراب..
هادي تاني مرة يضحك وجهها لما تخش حضن مختار..
هو ضحك وقال..
/تاني مرة..واول عيل نشده في حياتي هي..مش عارف يعني حضني يريح لهالدرجه!
ضحكت الاء..
وطوبى قعدت تشوفله بعيون مدمعه..
الاء بضحكه...
/مرات يحبوك الصغار..
هو قام عيونه فيها استغرابا في الكلام اللي قالاته بعدين قال..
/هيا صوري..
وخرت طوبى عنهم..
وآلاء قالت..
/هيا هي..
تباعدت بالكاميرا شويه..
وهي جت بتاخد الصورة..
ناغت جنة..شبحلها مختار بضحكه..والاء خدت الصورة..
طوبى كانت تشوف لبنتها بحيره..
اما هو كان مرتبك ومشاعره ملخبطه لدرجة انه نسي هدفه من جيته..
الاء:تهبل الصورة تجنن..
هو ابتسم بربكه بعدين شبح لطوبى وقال..
/خوديها..
قربت طوبى منهم..وخدتها وهي تسمي بالله..وهو عيونه مع جنه لين ردتها امها لمكانها..
بعدها ناض وقال..
/ان شاء الله بطول عمرها..وفي كل شهر حنجي نشوفها كيف تكبر..وابتسم لطوبى بعد ماقال هالكلام..
هي اللي كان وجهها خالي من التعابير هزت راسها بالموافقه.بدون ماتتكلم..
هو تنهد بعدين مرر نظره عليهم وقال..
/ماتبوا شي..
اريج مابتش تشوفله..
وفردوس مابتش ترد عليه..
اما طوبى غيرت عيونها لبنتها..
الاء ضحكت بربكه وقالت..
/سلامتك خالو..
هو مرر نظرهم عليهم بعد هز راسه وقال..
/السلام عليكم..
ومشي طلع من الصاله وآلاء لحقاته..
فردوس فجأه ناضت وطلعت حتى هي..
اريج استغربت في امها..بعدين غيرت عيونها لطوبى..ناضت ومشت وقفت جنبها..شافت لعلبة المجوهرات خدتها..
وفتحتها..وتفاجئت..
كانوا خراص"حلق" بشكل زهرة الاقحوان...
🍃🍃🍃🍃
برا..
آلاء بآبتسامه؛تو يذوب الثلج اللي بيناتكم..
ضحك وقرص خدها وهو يقول.
/تعاليلي غدوة المكتب نبيك في موضوع..
هي.بإستغراب؛موضوع شنو؟
هو قال:لما تجي نحكيلك..
وكيف جي بيمشي للباب..
وقف لما سمع فردوس تقول..
"استنى"
التفتوا وشبحولها..
لقوها جايتهم وفي يدها شي...
كان حافظه قصدير ملفوف عليها كيسه سماويه شفافه..
مدتهوله لما وصلت فيه وقالت..
/العشي..
الاء بضحكه؛درنا رشدة كسكاس وعصبان وحاجات تانيه..
هو قعد.يشوف لفردوس بإبتسامه..
وتفكر ايام زمان كيف كانت ديما دسله في حصته من الماكله سوا كانت من برا ولافي الحوش..
قدم خداها منها وقال..
/شكرا..
هي طول لفت ومشت خشت داخل وهو معاها بعيونه بعدين شاف لآلاء وقال..
/زي مااتفقنا اميرتي..
الاء بإبتسامه؛حاضر..
ومشت فتحتله الباب..وهو طلع وابتسامه اشبه بإبتسامة نصر ع وجهه..
سكرت الباب..وهو فتح السيارة وركب..
حط الحافظه ع الكرسي اللي جنبه وشغل السيارة وتحرك..
🍃وبعد مامشي..
بدت تبان نتائج هالزيارة في الحوش..
استأذنت فايزة وروحت ببناتها لأنها حست ان في مشكلة بتصير..
وفعلا كان ظنها في محله..
لما طلعت غرفه لطوبى وقالت..
/شن معناه اللي قاعد يصير فهميني بتسامحيه يعني! خلاص بتفتحيله ايديه وتخلي يخش العيله مرة تانيه بعد مابوي حرمها عليه..
فردوس:غرفه اهدي بالله عليك..
غرفه بإنفعال..
/انتم شن جاكم شن قلبكم هكي فجأه شن دارلكم بش غيرلكم رايكم.! تي انتم عاديتوني ع خاطره! ع خاطر دخلته حوشي! وانتم توا دخلتوه للحوش وناويين تسامحوه وتنسوا اللي داره كله!
ع خشة الاء سمعتها شن قالت..
/خالتي مهما صار تقعدوا خوت..
قاطعتها بعصبيه وقالت..
/انتي تسكري فمك وتسكتي مالكش دخل..
فردوس:الاء خلاص اسكتي معاش تدخلي..
سكتت الاء وهي معصبه..
ومطيرة واريج ونبيله يسمعوا بصمت..
اما طوبى كانت تشوف لغرفه بتجهم شويه قالتلها وبكل هدوء وصرامه في نفس الوقت..
/نقصي الصوت تفجعي الصغار!
غرفه؛باهي تكلمي قوليلي علاش ديري هكي!.
طوبى:ببساطه لأن مصلحتنا معاه..
غرفه عقدت حواجبها وابتسمت بإستغراب..
طوبى:من يعالج في سدرة قولي! مني؟!..من اللي يقدر يخلي الناس تحسبلنا حساب بعد وفاة بوي مني!؟
غرفه:طوبى ذاكرتي صايرتلها حاجه! بوي حرم عليه يوقف ع قبره ويحضر جنازته!
طوبى؛الله يرحمه مشاله لعنده ع خاطرك بش يطلع راجلك..
نزلوا دموع فردوس ونبيله..
طوبى:ماتنسيش حني مافي حد فينا طلب منه شي هو اللي قاعد يدير في كل شي بروحه..وحني في ظروف تخلينا نرضوا بوجوده في حياتنا غصب عنا..بس وجوده حيقعد بحدود ياغرفه..
غرفه بحده:اني لايمكن نقبله ولانرضى يكون في حياتي بعد اللي داره..بوي مش هين عندي ياطوبى..
فردوس بإنفعال..
/بوي ماهانش ع وحده فينا ياغرفه..
غرفه:مش هدا الباين!
طوبى عقدت حواجبها وقالت:ماتزايديش..غرفه ماتزايديش علينا..غرفه ماتخلنيش نقول كلام يزعلك تمام..
ابتسمت تهكما وقالت..
/لاقولي قولي نبي نسمع..
مطيره:صلوا ع النبي يابنات..
