🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 37🥀🌧️

⚡⚡⚡البارت 133⚡⚡⚡

صباح لي كانت تا هي مشوشة ، مغتكدبش او تقول بلي محسن مزعزعش شي حاجة فقلبها ، ولا حتى مقدرش افرض وجودو عليها ، سمانة وحدة لي دوات معاه فيها و لكن ديك السيمانة حسساتها بحالي كتعرفو هادي سنين ، كيبان عليه باغيها ولكن هي متقدرش عقلها مكيتقبلش أنو تاخد واحد صغر منها ، واخة باغاه متقدرش كتجيها ناقصة ماشي نوغمال او فنفس لوقت مقاداش تقوليه منقدرش مقداش تقوليه بعد عليا منصلاحلكش أنا كبر منك او خاصني لي كبر مني ، بقات على داك لحال كتقلب فراشها تا داها نعاس بعد ساعات او ساعات

#فصباح#

ملي وصلات تقريبا ديك ل11 لقات كولشي فاق او ضار بطبلة يفطر من غير لغالية لي كانت باقة فراشها ناعسة من لحريق تاع الدورة ، لي كان كيطلقها ملي كتشرب ليه مسكنات ولكن حدها كيسالي لمفعول ديالهوم كيرجع اتجهد عليها كي لول ، تسنات تا شد فيها شوي دوا عاد ناضت كتعافر هابطة عندهوم لتحت باش تسلم على ولاد خوتها لي كانو لبسو عليهوم باش يمشيو ارجعو لديورهوم ، مقداتش توصلهوم هو داكشي علاش وصلوهوم دراري تال باب الدار

مجد : (باس لبنات او يوسف او دوا معا امين) نسيبي منحتاجش نوصيك تهلالي فلكبيدة راها عزيزة

امين : (هز عندو ختو معنقها ومشا مخليه بلاما يرض عليه)

تسناوهوم تا دخلو لدار او كملو هوما طريقهوم لشي قهوة يتفرجو فلماتش

~~~~~~~~~~~~

كان ݣالس فوحدة من لهريات لي عندو كيعاون دراري فتستاف السلعة جديدة تا صونا ليه طيليفون

اكسيل : الو

علاء : (الى عقلتو هدا علاء ولد عزيز خو اكسيل) الو عمي

اكسيل : ولدي علاء شفكرك فيا

علاء : والله اعمي غا معا لخدمة وصاف ، صونيت عليك حيت راني فلبلاد دبا

اكسيل : صحاب لبلاد لباس عليهوم ؟

علاء : حمد الله غا هو لحاجة عيانة شوي

اكسيل : (غوبش) دويت معاها غا لبارح مكان بيها والو

علاء : واحد رجل بدات كتنفخ ليها الراسها

اكسيل : مشات عند طبيب

علاء : واه مشات قالها يمكن من لطونسيو يمكن من كدا وسيفطها لفاس ولا كزا تشوف هذشي مناش جاها

اكسيل : دوزلي جداك دوز

علاء : واخ (عطا طيليفون لحاجة)

لحاجة : أممي {أولدي}

اكسيل : يو إنايي علاء ياغكم شا ماخ ليݣام سيولغ أسناط اوري تيد تنيت {مي قالي علاء بلي ضراك شي حاجة علاش مقلتيهاش ليا لبارح}

لحاجة : غاذور تقلاق اممي ، غا اوظار انو ايي ينغان شوي وصاف {بلاما تقلق اولدي ، راه غا رجلي لي ضراتني شوي وصاف}