🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 140🥀🌧️

💞#عروسة_الشتا💞

بقلم : #فاتي_رعدة

⚡⚡⚡البارت 626 ⚡⚡⚡

#عند اكسيل#

جا لكوميسارية مورو لغالية ايشوفها او يطمأن عليها ولكن مخلاوهش حيت ممنوع عليها الزيارة ، تسنا تا عيا تا دار هو يخرج من لكوميسارية

أيمن : (ضحك بنتصار ملي شاف اكسيل خارج من لكوميسارية او غادي يركب طونوبيلتو ، دوا بلعاني باش استفزو) سمعت بلي لبوليس شدو لغالية هاد صباح كمشتبه به رئيسي فلموت تاع الياس لمرق

اكسيل : (شاف فيه ولكن مادواش معاه نخلو)

أيمن : تأ تأ خمسنين ونتا مخبيها موراك ، ولكن شحال كان قدك تخبيها عليا هاني وصلت ليها او حكمتها مزيان

اكسيل : (بتاسم) مبروك اول مرة دير حاجة مسݣدة فحياتك نصفق ليك ؟

أيمن : ضحك او طنز دبا كيفما عجبك ولكن ملي يتحكم على مرتك بلحبس جي بكي ديك الساعة

اكسيل : منصحكش تيق فمخك بزاف باش متصدمش فلخر او كيما قلتي خمسنين ونا مخبيها مورايا زلقات ليا ياك بعد هاد سنين كاملة ونتا شديتيها بصحتك ، آه قبل منسا بلغ سلامي لعمتك عائشة

أيمن : (حاول اغطي على صدمتو) هي كتاشفتي بلي سيهام عمتي ولكن ماشي فات لفوت على هاد لإكتشاف اسي اكسيل آيت اوسو

اكسيل : خلينا باب ضارنا مفتوح او دخل الشفار ملي شدوه قالهوم فرعت لباب ، وقبل متقول سميتي لمرة جاية قاد لوقفة او ضرب حسابك

أيمن : ش.شنو كتقصد ؟

اكسيل : (ربت على كتفو) بهاد لكلاخ لي فيك موحال تا واش تشد لي خو'رك لعساك داك لي ق'تل باك نخليك دبا مشغول ، آه قبل منسى لكلاخ ماشي تبدا شي حاجة او تصدق مخور فيها فلخر لكلاخ هو تكون عارف راسك اتخور او مع ذلك كدخل ليها ، الى لقيتي تخوار كتر عليك بشبة تجمعهالك خليتك على خير

أيمن : (بقا غا مبلق عينيه معرف باش ايجاوب ولا شنو يدير حدو هز طيليفونو او صونا على سيهام)

سيهام : الو ولد خويا امضرا

أيمن : بغيتك تجمعي حوايجك او تخرجي دابة من ضار اكسيل ويلا لقيتي تا تسافري غيكون حسن

سيهام : علاش واقعة شي حاجة

أيمن : داك الشارف من لول كان عايق بينا من لول كان هو لي مسيرنا تحت دف كولشي كان فخبارو انك عمتي من لول كان عارف تعلب لاخر داكشي علاش خرجي من تما قبل ميرجع لدار

سيهام : (تخطف لون من وجها) و.واخ انا دابة غنخرج

حدها قطعات معاه مشات كتجري جامعة حوايجها او خارجة من الدار بالزربة تا تزادحات معا ياسمين

ياسمين : فين غادة بسلامة ؟

سيهام : خو خويا فسبيطار او خاصني نمشي عندو