🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 38🥀🌧️

⚡⚡⚡البارت 137⚡⚡⚡

بقات لغالية ناعسة ناعسة تا وصلات ديك 12 عاد فاقت على خاطر خاطرها مزرباناش تا هي ، لبسات بشوية عليها پيجامتها لي كانت طويلة او دارت فولارها عاد هبطات عندهوم لتحت ، لقاتهوم مجموعين فصالون صغير

لغالية : (بانتلها لحاجة وعلاء ݣالسين او معاهوم جود او مجد او صباح ، قربات عند لحاجة سلمات عليها من لوجه) السلام عليكم خالتي لاباس ، خويا علاء شخبارك

لحاجة : لابس لحمد الله صباح لخير

لغالية : (ݣلسات مقابلة معاهوم فوق سداري) صباح النور ، صباح فين باباك مباليش

لحاجة : (بطنز) كنتي باغاه اتسناك تا تفيقي عاد يمشي لخدمتو ولا ؟ ولدي فاق بكري فطر معانا ومشا

لغالية : هي قولولي نتوما فطرتو ، غنمشي دبا تا انا نفطر

لحاجة : باقي شي فطور تال دبا ، راه وقت لغدا هدا

لغالية : ماتخافيش الحاجة غندوي معا لبنات اوجدو لغدا غا كوني هانية

لحاجة : (حضات لغالية وهي خارجة من الصالون) قاتلك نقولها لبنات ماعندها يدين هي

مجد : غتبداي عاود

لحاجة : (خنزرات فيه) شغنبدة أدوي ، وليتي كترض عليا فلهضرة تقادو لكتاف ولا شنو

مجد : (ناض من بلاصتو باغي يمشي تا هو ) هههه كي غيديرو اتقادو لكتاف ونتي كتافك كيوصلولي الصرة هههههه راك قصيرة أيزة

لحاجة : (شيرات عليه بالصرفاقة جابتهاليه فضهر) اقل حياك اولد ولدي

صباح : بلاما تعصبي امي راك عارفة مجد كيعجبو يضحك

لحاجة : (ربتات على شعر صباح) لمرضية ديالتي كتمشي عند ماماك

صباح : واه مرة مرة

لحاجة : مزيان مزيان شباليك هاد لعشية نمشيو عندها

علاء : (عينيه على صباح) فين غتمشي الحاجة راه رجليك ضاراك

صباح : خلي غاتا تمشي عند طبيب غدة او تولي شوي ونمشيو نشوفوها

لحاجة : تانشوف

جود : خاي علاء زيد نوريك بيتك ترتاح فيها شوي

علاء : داكشي لي لقيتيني غنقولك نيت

صباح : نديك امي تانتي ترتاحي شوي غتكوني عييتي بسفر

لحاجة : ييه ييه ابنيتي راني عيانة

عاوناتها صباح تا ناضت من بلاصتها او داتها تال بيتها ترتاح ، عاد مشات هي عند لغالية تݣلس معاها فلكزينة

صباح : (لقات لغالية كتفطر او لبنات كيوجدو فلغدا) لغالية

لغالية : وي

صباح : قاتلك لحاجة ديري لحساب بالزايد علغدا

لغالية : الزايد علاه شكون جاي