💞#عروسة_الشتا💞
بقلم : #فاتي_رعدة
⚡⚡⚡البارت 416 ⚡⚡⚡
لغالية : (فاقت فصباح بكري باش توجد راسها حيت غتمشي لسونطر ، حسات عاود بوجع خفيف او شي حاجة عاود نزلات معاها داكشي علاش دخلات لحمام باش تغسل او تبدا لفوطة الصحية ، ولكن مرا خرى كتلقا غا شوية تاع دم مفهمات والو هادا تالت يوم لي كينزل ليها غا شوي تاع دم تا فاش جاتها اول مرة مكانتش قليلة بحال هاكدا ، خرجات من لحمام او مشات لبسات حوايج تبدال ديالها او خرجات لاقية اكسيل داخل معا لبيت)
اكسيل : فقتي ؟ فين غادة ؟
لغالية : خاصني نمشي لسونطر عندي حصة
اكسيل : هبطي تفطري علاما نلبس حوايجي انا او نوصلك
لغالية : واخة ( سبقاتو لتحت لاقية لفطور محطوط فوق الطبلة دراري عرفاتهوم غيكونو ناعسين ، ݣلسات ليها فوق الطبلة كتشوف شنو تاكل تا بان ليها لبيض مسلوق هزات واحد لبيضة او مدات يديها تا لشكلاط هزات منو معيلقة او دهناتو لبيضة عاد كلاتها)
اكسيل : (كان هابط معا دروج بعدما بدل عليه او هز سوارت تاع طونوبيل ، وصل تال طبلة وجر ليه واحد لكرسي ݣلس عليه ، او ديك لهزة لي هز الراس فلغالية شافها كتاكل لبيض مسلوق معا شكلاط ، شي مرات كتصدمو)
لغالية : (هزات عينيها فيه لقاتو كيشوف فيها) مالك ؟ عمرك كليتي لبيض معا شكلاط ؟
اكسيل : لا عمرني كليتو
لغالية : تا انا عمرني كليتو
اكسيل : او آش حاف عليك تا بغيتي تاكليه ؟
لغالية : تشهيتو وصاف
اكسيل : (ملي كتقول ديك تشهيتو كيطيح ليه هو لما فركابي ، ولا داخلو لوسواس فيها ولات كتاكل بزاف ، دلاح غا كتشوفو كيسيلو ريوݣها او دبا كدير شي خلطات فشكل او تاكلهوم ، تا من الدورة الشهرية تعطلات ليها) ليوم بلاما تمشي لسونطر
لغالية : علاش ؟
اكسيل : غنمشيو عند طبيبة
لغالية : علاش غنمشيو عند طبيبة انا ممريضاش ؟
اكسيل : عارفك مامريضاش ولكن خلينا نمشيو نحيدو الشكوك ديالنا او نعرف نيت سبب لاش تعطلات ليك
لغالية : (جاتها حشومة تقول ليه بلي راها جاتها) م.مكاينش لاش نمشيو عند طبيبة مكاين والو
اكسيل : باش عرفتي نتي بلي مكاين والو ؟
لغالية : حيت جاتني
اكسيل : بصح وعلاش مقلتيهاش ليا بقيت انا مروبل هاد تلتيام كاملة
لغالية : (سكتات مرداتش عليه حدها طلعات لبيتها خدات دفاترها او نزلات عندو اوصلها )
اكسيل : (وصلها لسونطر او هو فطريقو راجع لدار صونات عليه صفية) الو صفية
أنت تقرأ
🌧️ 🥀 *عروسة الشتا* 🥀🌧️ بالدارجة المغربية
ChickLit🌼حصريا على كروب بنات حواء لجديد تاع لجديد🌼 👈 تحت عنوان : 💥 🌧️ 🥀 *عروسة الشتا* 🥀🌧️ 👈 بقلم : ⚡ #فاتي_رعدة. ⚡ 💮💮💮💮💮💮💮💮💮💮💮💮💮 لواقع هو مناش كنهربو او فالأخير كنلقاو راسنا فيه كنغوص ، رحلة غ...